كل الطرق ماهي الروما لمكــه

الله يا شيخ (ن) وبشته يضكه=من قو باسه كاظم الغيظ يشكيك
كل الطرق ماهي الروما..لمكه=متساويه في عين منهو بيحميك
صحيح من قال الزمن فيه ربكه=والحر الاشقر فر من صيحت الديك
فروخ الحباري دونها من يفكه=اناء علي الخرب..وانا ابناخيك
الله واكبر.... ياالزمان المشكه=قيس يتنحى في الزمان المماليك!!
عزي القلب كل هاجس يدكه=واصبح ملاذن للهجوس الصعاليك
ياخذ بي التفكير جوله ولكه=واغيص في عمق البحور المهاليك
تزويني الامواج لاخر مضكه=والصدر ضاق من الهموم الدواكيك
مل الصبر معاد لصبر سكه=دربي على نيبان وقت(ن) مشاويك
يارب عفوك طالبك منه فكه=ابطلبك يارب شفني ابدعيك
ياوقت تكفا منهج الضيق صكه=وافتح لي ابواب السعه والشبابيك
عجل بمفتاح الفرج لا تلكه=قدام بابه واقفن في حراويك
العمر وصل منتهاه ومحكه=وانا على طول اليالي مخاويك
خلاص جاني يازمن منك حكه=واخذت جرعه كافيه من بلاويك
ياصاحبي جاك الخبر منك زكه=قررت أبادلك المشاعر وأخليك

قــــــــــيــــــــس