حبيبي واستر جروح القصيد وجرحي الملتاع
حبيبي واستر الدمعه .. لا خانت يوم صاحبها
**
حبيبي في امان الله .. وداع وصاحبك .. مرتاع
عذابه يطمس الدنيا ويلعن حظ .. ناهبها
**
حبيبي بعتني عارف .. وانا ادري للغلا .. بيّاع
شريت الكذب وانت اعرف .. بذمة ناس تكذبها
**
طعنت القلب برماحك .. وجيت لطعنتك فزّاع
تبي تثبت .. كذا موقف بطولي .. وانت مخربها
**
حسافة يازمن جدًا .. حسافه شانت الأطباع
حسافة واحد ٍ يكسر يمين ٍ كان ... حاسبها
**
أنا مدري وش القصة ولكن ..للنفوس انواع
ولكن اشين انواع النفوس .. تبيع كاسبها
**
حرام ان الوفي يبحر على الدنيا بدون .. شراع
وحرام ان الظما دمعه تموت بعين .. شاربها
**
غبا مني غبا حولي .. غبا عايش يعيش صراع
يكافح نقمة الموقف .. وهو من خلف .. حاجبها
**
انا آسف اذا مودي حزين .. وضايق وملتاع
ولكن هذي الدنيا .. تحوس أمرار .. صاحبها
**
**
تركي فلاح
العضو الأكثر نشاطاً هذا اليوم 
العرض الشجري
