لو بيدي
كان " ألبس هالظلام ثياب "
و يبقى النهار
يشع الفرح
و تنتشر ضحكات
الصغار ..
،،،،،،،،،
ولو بيدي ..
كان أحد و أمنع هالغياب
أخلي الدروب كلها
لقا ..
مهما نبعد .. في يوم لازم يجي
ما نقترق الا و بعدها نلتقي ..
،،،،،،،،،
ولو بيدي
كان أصفي القلوب .. و ما تبقى أي كلمة عتاب
ما يبقى خافي الظنون
ينتصر الوضوح
و يملا النفوس .. بياض
ما يقربها الدنس
مهما يكون ..
،،،،،،،،،،
و لو أقدر
كان أمحي كلام كثير
و أحرف بالمعاني
لكن ...
تظل الارادة
و نبقى نحلم ..
و تبقى كلها مجرد أماني ..!!!