ألا ليتك تشوفينـي وش اللـي بداخلـي منثـور
متاهة داخل ظلوعـي فـي لحظـة مـا تحاكينـي
شعور ٍ لا حشا ماهو مثل باقـي الشعـور اشْعـور
أحسّه يرتجف نبضـي ! وتنشـف بـي شرايينـي
أنا مـن فرحـة وصالـك كأنـي ابتديـت أدور
عجزت أرتّب أفكاري ! ولانـي عـارف ٍ وينـي !
تخيلتك دلع أطفال .. رسـم طهـر البـراءة نـور
تنامى داخلي سحره ! وجيـت بكـل مـا فينـي
لقيتك ضحكـة الدنيـا بعيـن الذابـل المقهـور
وبلسم للجـروح اللـي لهـا سُكنـى بتكوينـي
عيونك .. تمحي بصدري من اسْطور الضياع اسْطور
وترسمني على صـدر الهنـا / فـلّ .. ورياحينـي
وخدّك يقهر اجْموع العنـا فينـي .. مـع البلـور
وترنيمة صـدى صوتـك مـن آلامـي تداوينـي
احسّك لا تكلمتي / من شفاهـك تفـوح عْطـور
ولامنّك تهاطلتـي غيومـك ضحـك / تروينـي
أحنّ من الندى لامن تغلغل فـي غصـن مكسـور
وأرق من النسيـم اللـي تمـارى بينـك وبينـي
ألا يا سِعْد من قلبك غـدا فـي طلّتـه مسحـور
وسحرك يـا ضيـا الدنيـا تمكـن فيـه تمكينـي
:
:
دلع اطفـال
العرض الشجري
