قبيلتي شمر على الطـول طايـل

لسلام عليكم ورحمة الله وبركاته

القصيده هذي هي اللي عرفتني على منتدى بعد حيي كنت ابحث عنها في قوقل ولقيته منقوله في هالمنتدى


عاد خلو بقولكم سالفة هالقصيده

كنت واقف عند الاشاره مادريت الا يوقف عندي جمس فيه بنتين وقالت وحده منهم بالله ممكن توصف لنا مطعم

حلو في هاديره قلت سمي ووصفتله <<<< مسوي فيها ذرب

مدري وشلون قلت حياكم معي على العشاء شكل كحله زين هههههه قالت اسفين ما نتعشاء الا مع عيال الشيوخ

ههههههه وفتحة الاشاره ومشيت وهم راحو يمين

الحقيقه قهرتني بغيت الحقهم ودخل بيبان الجمس عليهم ههههههههه وكتبت هالقصيده ان شالله تعجبكم

يابنت انا من روس روس القبايـل=الي لهم بالمجـد صفحـه وسيعـه
قبيلتي شمر على الطـول طايـل=مثل العلم لا صـار فوقـه وليعـه
الله وهبنـا مـال خلقـه فضايـل=قولت هلا لا الضيف فينا طبيعـه
سفيهنا لو هو عن الـدرب مايـل=عند الازم يابنت يطلـع صنيعـه
يما ذبحنـا دون سلمـى وحايـل=فريس قومن ما تعـرف الهزيعـه
ويمـا قفينـا معبسـت الشمايـل=بالسيف يوم السيف يبـرق لميعـه
يابنت انا خالي مـن اولـد وايـل=الابت الـي مـا تخـون الوديعـه
ابـوي عربنـي وساسـي دلايـل=معـرب الجديـن نفسـي رفيعـه
يابنت انا لي جاه عنـد الحمايـل=الياهرجت الهـرج كلـن يطيعـه
وانتي تـرا عقلـك يبيلـه بدايـل=يابنت شوفي وسط قلبـي ربيعـه
ماهوب من حبك ولاهوب عايـل=يابنت انا لـي عشقت(ن)مانبيعـه
عشقت شرف ماهيب عشقت حبايل=تسواوتسوامـا عليـهـا طليـعـه
تسوا جميـع امنقضـات الجدايـل=حبه بقلبي صـار ديـن وشريعـه