اشفق على الديره وشوف الجماعه=لكن الياجيته تضايقت منها
اسمع علومٍ مايسر استماعه=عجفٍ على الادنين يرخى رسنها
ضاقت نفوس القوم بعد اتساعه=بعد المحبه مادري وش شحنها
ليت النفوس اللي ضرت للكاعه=ترمي قناع الخبث والحقد عنها
وتلبس لباس المرجله والوقاعه=والعور هي والعرج ماتحتظنها
ياسعد عين من المراجل متاعه=واليا لقاء عوجاء الرفاقه دفنها
قرمن على الصدقان يظفي شراعه=وعوجاء صديقه ظفها في كفنها
يالله دخلك عن الردى والقطاعه=وشين القلوب اللي كساها درنها
يارب ترزقنا التقى والقناعه=وقلوبنا يارب تجمع ضعنها
يامن خلقت الخلق في ظرف ساعه=واوجد جميع الكاينات وضمنها
مشعل عسام الغافل التريباني الشمري في 1442/10/16هـ
العضو الأكثر نشاطاً هذا اليوم 
العرض الشجري
