(((ديوان الشاعر محمد الفريدي)))
 

حبت الكووووووع
 

[poem=font=",6,white,bold,normal" bkcolor="transparent" bkimage="http://img360.imageshack.us/img360/1817/14461022nm2.jpg" border="ridge,4,darkblue" type=2 line=0 align=center use=ex num="0,black""]
قولوا لها وإن كان في راسها ارجوع = ما عدت أنا في حاجت ارجوعها
الـحـال طـيـب صـار لـي مـدة اسبـوع =صـفـيـت كـل الحـزن باسـبـوعها
قـولـوا لـهـا مـليـت مـن كثـرة الـلـوع = والـنـفس طابـت من كـثر لوعها
وأن كـان مـن فـرقـاي خلـيتـها تجوع = قـولوا لهـا تبـطـي عـلى جوعها
وإن كــان ذاك الـخــد شـقــنـه ادمـوع = مـالــي ومــال الـخـد وادمـوعـها
وإن جاتـكـم وتـقـول أنـا حـالتـي روع = قـولـوا لهـا فـرقـاي هــو روعها
فرحـت بـالفـرقى وابـضويـلي شـمـوع = وأطـفيت نـار الحزن واشمـوعها
صـحيـح مـن قـال الـعـذارء بهـن نـوع = ويـاشيـن نـوع الحـب من نوعها
بعـض العـرب ما تـفهمـه كلـه اطـبـوع = وأنا عجزت أميز كثرت اطبوعها
وإن كـان بـاقـي عـنـدهـا نـيـة ارجوع = عنـدي طلـب مشـروط بـرجـوعها
قولوا لهـا رجوعي مثـل حبـت الـكـوع = إن كـان تـبـغـانـي تـقـبـل كـوعها[/poem]
http://www.b3b7.com/vb/showthread.php?t=28120

ملعون من سب النبي
 

[poem=font=",6,blue,bold,normal" bkcolor="transparent" bkimage="http://img395.imageshack.us/img395/1570/18fs4.jpg" border="ridge,4,blue" type=2 line=0 align=center use=ex num="0,black""]
ملعون من سب النبي وألف ملعون. = ملعون بالدنيا ويوم القيامه.
نبينا عن قولهم صدق مصيون = مصيون عن قول الردا والرخامه.
نبينا خير البشر ما بها اضنون. = وأخير من صلى وتمم صيامه.
من صغر سنه صار بالوصف مأمون. = والصدق وصفه من طفولة عظامه.
لين إصطفاه الله مابين إنس وجنون. = واعطاه دعوة جالية للغمامه.
ماهمنا لو الدنمرك يحكون. = نبينا يكرم عن أهل القمامه.
نبينا مصيون ياللي تهزون. = دين الفخر دينه ودين الكرامه.
وحنا نحبه حب صادق ومضمون. = ونمشي على نهجه ونسمع كلامه.
أربع ميه وألفن وتسعه وعشرون. = والكل منا يقتدي في إمامه.
إمامنا خير البشر ياهل الدون. = بدر ٍ ظهر بالكون وأنور ظلامه.
رفعت صوتي ياهل العرف تكفون. = ردوا قدر نبينا وإحترامه.
من جبنهم لاعاد لاعاد تشرون. = خلو بقرهم يشتهر بإنعدامه.
لين الدنمرك بخسارته يبكون. = ويعض ريسهم بكف الندامه.
ونعيش في عزه عليها يتمنون. = في ظل أبو متعب عظيم الزعامه.
وإختامها ترى الدنمرك ملعون = ملعون بالدنيا ويوم القيامة.
وصلاة ربي عد من له يصلون. = وإعداد مارفرف جناح الحمامه.
على نبي نهجه اليوم مسنون. = شفيعنا يوم الحشر وإزدحامه[/poem]
http://www.b3b7.com/vb/showthread.php?t=29000

جروح الاحبااااااااااااااب..........
 

[poem=font=",6,red,bold,normal" bkcolor="transparent" bkimage="http://4.bp.blogspot.com/_dO3KDIInJ5E/R7gjZTVgD5I/AAAAAAAAAIg/r1oUTPpVB38/s1600/Yosemite.jpg" border="ridge,4,red" type=2 line=0 align=center use=ex num="0,black""]
الـهــم والهــوجـاس وجـروح الأحـبـاب=مـافـارقـت مـابـيـن قـلـبـي وبــيـنـي.
إلـيـا مـتى والـعـيـن تـحـبـس بالأهـداب=ادمـوع حـزنـ(ن) جرحت جفن عـيـنـي.
كـابـرت بـدمـوعي يـالـيمـا الجـسـد ذاب=مـاكـنـت أبـا الدمعـه تبـيـح كنـيـنـي.
جـامـلـت بالـظـحـكـه وبحـسـاس كـذاب=مـن شـان عـذال ٍ يـبـونـي حـزيـنـي.
وحـاولـت أسـلـي خـاطـر(ن) مابـعد طـاب=مـن زيـف دنـيـا ً كـذبـها محتوينـي.
حـاربـت حـزنـي بالـقـنـابـل والإرهـاب=تـفـجيـر ظـحـكـ(ن) يكرهه عـاذلـيـنـي.
وجـمعت جيش الحب من كل الأقـطـاب=وخـوفــت نـاســ(ن) بـالهنـا ماتـبـيـنـي.
وأعلنت ظحكت سن وأظهرت أنا الناب=والله ولا يـفرح عـذولـ(ن) لـعـيـنـي.
وأنـا الحـقـيـقة دمعـتي رمـشهـا شـاب-من عرض دمعـ(ن) وسط عيني سجيني.
كـلـه سـبـايـب واحـد ٍ راح ثــم غــاب=مـأقـدر أجـيـه وحـالـف ٍ مـا يـجـيـنـي.
جرعـت نفسي الـمـر ثورت الأعصـاب=مـن شـان واحـد رايــح ٍ مـا يــبـيــنـي.
أهـديـته إحسـاسي وقـلبـي والإعـجـاب=نـسـيـت كـل الخـلـق زيـن ٍ وشـيـنـي.
بالحـب أنـا يـانـاس سـويـت الأسـبـاب=كـفـكـف يـديــنـه يــوم مـدت يـديـنـي.
واليـوم أنـا عـودتـهـا لفـتـل الأشـنـاب=حـلفـت أنـا لأنـسـاه لو مـا نـسـيـنـي.
وكـان العـواذل شـافـو الحزن بـكـتـاب=صفـقـت أنا اليسرى براحـت يـمـيـنـي[/poem]http://www.b3b7.com/vb/showthread.php?t=29735

قالو لي شاعر قلت كلا وكلا
 

[poem=font=",6,darkblue,bold,normal" bkcolor="transparent" bkimage="http://www.majdah.com/vb/uploaded/18074_1151737329.jpg" border="ridge,4,darkblue" type=2 line=0 align=center use=ex num="0,black""]
قالو لي شاعر قلت كلا وكلا = أحاول أكتب بيت في بعض الاحيان
ومازاد شعري لين خلي تغلا = وسخرت له من داخل القلب قيفان
بيح ظمير ٍ صادق ٍ ما تسلا = يبغاه دون فلان وفلان وفلان
راح وتركني بين علا وعلا = مايدري إن القلب للقلب شفقان
وقد قيل قبلي من تغلا تخلا = وأنا جهلت القول من قلب ولهان
حالي عقب فرقاه كنك تحلا = حال المريض اللي من السقم تعبان
مل الحياة وعيشت الناس ملا = ومل الحكي والناس قاصي ودنيان
وإن شافني عاذل تبسم وهلا = وقال الوفي باقي وصاحبه خوان
وقلت الوفي باقي ولو قلت قلا = وأنا وفي ما جازي الصد نسيان
وباقي على عهدي ولو مت غِلا = ياللي تلد الناس في كلمة لسان
وهذا كلامي بعد شعري تجلا = مجنون وجنوني ورى ذيك الاعيان
ولوجيت أبنسا ذكره العقل زلا = ياكيف أبنسا من له القلب مليان
مليان حب وشوق والشعر دلا = شفني ذكرته بين قافي والأوزان[/poem]
http://www.b3b7.com/vb/showthread.php?t=30749

حربي وساكن في ديار السناعيس....
 

[poem=font=",6,orangered,bold,normal" bkcolor="transparent" bkimage="http://img115.imageshack.us/img115/6756/57199985qq2.jpg" border="ridge,4,orangered" type=2 line=0 align=center use=ex num="0,black""]
البارحه دارت علي الهواجيس=وعجزت أرتب فكرتي وأختصرها
سلمتها حبر القلم والقراطيس=والهاجس اللي جاب عندي خبرها
عامين مالي في حياة النواميس=ودعتها توديع غيم لمطرها
يوم إنهمل من دون وزن ومقاييس=ماهو براجع للغيوم وقمرها
وأنا حياتي كل أبوها كوابيس=أردد الفرحة على من قبرها
كني سجين ٍ ذاق حر المقابيس= يبغا الطلوع ومدته ما خبرها
مسجون وحراسه رجال ٍ دنافيس=تدبل له الكيله على من أمرها
عزي لحاله من حياة المفاليس=لاصار حاله مثل حالي خطرها
بأسباب من داره بعيد التظاريس=قفا وعرا دمعتي ماسترها
مايدري إن الناس بعده معابيس=والعين من بعده قصير ٍ نظرها
ومايدري إني عايش ٍ بالوساويس=أجامل أيامي واحسب شهرها
وإن كان يبغا نبذة ٍ بالقواميس=عني وعن حال ٍ صدوده دمرها
حربي وساكن في ديار السناعيس=دار الكرم والجود محد ٍ نكرها
أخذت من شمر علوم النواميس=وأخذت من حرب العريقه فخرها
شمر هل الطولات من عهد بلقيس=وحرب ٍ هل الوقفات محد ٍ قهرها
جمعت بالثنتين رؤس القرانيس=وملكت بر من الفخر مع بحرها[/poem]
http://www.b3b7.com/vb/showthread.php?t=30364

تفداك شمس وجنبها أريام تفداك ....
 

[poem=font=",6,crimson,bold,normal" bkcolor="transparent" bkimage="http://www.5foq.com/vb/uploaded/4652_11215291183.jpg" border="ridge,4,crimson" type=2 line=0 align=center use=ex num="0,black""]
يامنيتي يازهوة البيض مأزهاك=ياللي عليك الزين نادر وغالي
شتتني في موقعك بين الأفلاك=ولا شفت نورك قلت ياهملالي
ماشفت زولك بين ذولا وذولاك=ولا شفت مثلك في زمان ٍ مضالي
مع رحلة الدنيا أنا أصير وياك=ويشهد على ذلك قدوم الليالي
برحل مع أحلامك وبعيش ذكراك=واطوي زمان ٍ فيه مر ٍ وحالي
مع بسمتك بسلى وأسولف بطرياك=ومع دمعتك بسكت ووبكي لحالي
لاتحسبن القلب في يوم ينساك=ولاتحسبني أنساك يارأس مالي
كل الذي عندي بسخره لرضاك=حب ٍ وشعر ٍ والعمر لك حلالي
أحلا كلام الحب يكتب بحسناك=وأكتب كلام الحب لك من خيالي
وش عاد لو شفتك وأنا أريد لقياك=كان الحكي ياقف وأضيع مقالي
يامنيتي بالقلب يازين مبناك=طوبه ورى طوبه بها القصر عالي
تفداك شمس وجنبها أريام تفداك=ومعهن بعد نجوى وزينب ودالي[/poem]
http://www.b3b7.com/vb/showthread.php?t=31648

طـــير يا طــير..............
 

[poem=font=",6,red,bold,normal" bkcolor="transparent" bkimage="http://www.gyr1.com/FARM.files/050704Hamed3.JPG" border="ridge,4,red" type=2 line=0 align=center use=ex num="0,black""]
اللي يبي مني رسايل معاذير = ماهو بلاقي عذر لا ينتظرني
لي الفخر لو قلت قفو على خير = مادام لي عزه تجي وتغمرني
قدري كبير ٍ لاتحسبنه صغير = ولاتحسبن مثلك يجي ويحقرني
ماغرني ياكود حلو التعابير = وأثرك على الهجران ناوي تهجرني
لكن أنا بقولك طير يا طير = ماحرك احساسي جفا من نكرني
عندي كرامه فوق كل التصاوير = لاتحسبن مثلك بصده قهرني
حر ٍ ولد حر ٍ سلالت مناعير = لانته ولاغيرك يجي ويأسرني
مثلك ترى تشريه صاف الدنانير = ومثلي ترى سيدك كذا تعتبرني[/poem]
http://www.b3b7.com/vb/showthread.php?t=32347

ما فات يدفن والبقاء في حياتي
 

[poem=font=",6,blue,bold,normal" bkcolor="transparent" bkimage="http://img360.imageshack.us/img360/2392/26hu8.jpg" border="ridge,4,blue" type=2 line=0 align=center use=ex num="0,black""]
أنا أحمد الله ما أتحسف على شي=ما فات مات وكل شي ٍ بياتي
مادام رأسي عايش ٍ قلت أنا حي=ما فات يدفن والبقا في حياتي
مافات من عمري ترى خبرة ٍ لي=أنفع بها نفسي على المقبلاتي
خمسه وعشرين ٍ ترى ماهي شوي=ذي منوت اللي لابسات العباتي
ياهيه ياللي كاوين خاطري كي=لاتحسب إنك تستلذ بمماتي
لا أنته ولاغيرك ولا هذي و ذي=يقدر يزعزع موقفي مع ثباتي
مثلك ترى ياصاحبي ينطوي طي=صفحة كتاب ٍ وإنطوت في سكاتي
واللي بدا في صفحتي نورها ظي=صفحة جديدة تستحق إمنياتي
قلبي لها وأشوف قلب ٍ لها بي=ويا عل يفدا قلبها الفــاتـنـاتي
ياوي يابعض التواصيف ياوي=زول ٍ لها ماغاب لو في صلاتي
ماهي من اللي صابهن كبر ٍ وغي=وصف ٍ لها ماهو بباق البناتي
بين البنات المترفه مطلبي هي=تعوضني عن باقي الجادلاتي[/poem]
http://www.b3b7.com/vb/showthread.php?t=31406

غـايـة الـمـطــلـوب
 

[poem=font=",6,blue,bold,normal" bkcolor="transparent" bkimage="http://www.saidaonline.com/newsgfx/diamond33-saidaonline.jpg" border="none,4," type=2 line=0 align=center use=ex num="0,black""]
ياجوهر إحساس الغلا وروح مغليك=ياقرة عيوني وغاية مرادي.
لو لا الغلا ماجاك شعري يغنيك= ولاجاك حبي صافين من ودادي.
بهديك عمري ياعسا العمر يكفيك=وإن ماكفاك العمر دونك فؤادي.
وش حاجتي بالعمر دونك وأنا أبيك=ياغاية المطلوب وأغلا العبادي.
كل الذي عندي بسخره وأرضيك=وأجيك لو دونك دروب بعادي.
لاتحسب إن القلب ينسا لياليك= وينسا عيونك ياغزال البوادي.
لك مبسم بين البرايا محليك=يسحر عيون الناس هذا وكادي.
وإلا الشعر زاهي عسا الله يحميك=من عين حاسد جعلها للرمادي.
جيبك غلا وإخلاص روحي تناديك=عطني غلا وإخلاص مثل المنادي.
يمكن مع الأيام تسلى وأسليك=ونعيش وقت الحب صافي وهادي.
وأكتب لك أحلا الشعر دايم وأغنيك=وأهديك أنا من الورد فل ٍ وكادي[/poem]
http://www.b3b7.com/vb/showthread.php?t=32621

الشعر شعري ما خذيته بالأسلاف ........
 

[poem=font=",6,white,bold,normal" bkcolor="transparent" bkimage="http://img395.imageshack.us/img395/7012/20ru3.jpg" border="none,4," type=2 line=0 align=center use=ex num="0,black""]
الشعر بحر وجيت للبحر غراف = وماني محمد كان ماجبت صافي
من دنيتي ما طاف ياصاحبي طاف = نذر ٍلا أجيب الجزل من نظم قافي
ماضرني من قال من شعرنا عاف = والله لا ورده الدروب العجافي
ماجيت أبكتب لأجل زينات الأوصاف = جيتك وجيش الشعر يمشي خلافي
شاعر وأعرف الشعر سيف ٍ وسياف = وأنا مسكت السيف بأول مطافي
قطعت رأس اللي كسر داخل القاف = وبارزت من وزنه نزيه ٍ وشافي
كسبت ناس ٍ عرفها فوق الأكتاف = أفخر بها مفخار وافي لوافي
مقدام شعري ما عرفت الأنكاف = امواصل المشوار ما قلت كافي
والشعر شعري ما خذيته بالأسلاف = إزهم جزيل الشعر ويجيك لافي
احسب جزيل الشعر في كل ميقاف = ما جيب شعر ٍ بالمواقيف هافي
واحسب حساب اللي لهم نور منشاف = ربعي هل الطولات نور ٍ يشافي
أفخر بهم واثق ولاني بخواف = ما دام ربعي عزها دوم ضافي
ولا أحتاج في ربعي سواليف عَراف = نور ظهر للكون ما هو بخافي
وبعد القصيدة ماعلى قلبي خلاف = ولاني بمن يمشي على الشوك حافي[/poem]
http://www.b3b7.com/vb/showthread.php?t=32687

( قصه في قصيدة ) غزليه ...
 

[poem=font=",6,orange,bold,normal" bkcolor="transparent" bkimage="http://www.9l9l.com/photo/files/image/480703638.jpg" border="ridge,4,orange" type=2 line=0 align=center use=ex num="0,black""]
كلن على ماقيل عاشق ومعشوق.=وأنا أحمد الله بالعشق مابلاني.
قلبي وهو قلبي ترى وسط صندوق.=محدن وصل قلبي ولأحدن لفاني.
وياسامع ٍ هرجي ترى الهرج مسروق.=ما لصحيح بوسط هرجي مكاني.
لا والله إلا عاشق ٍ ظامه الشوق.=والقلب ماقد قر وسط المحاني.
يكفخ بلا جنحان مارده سبوق.=حر ٍ بوسط الجوف شرق ويماني.
كله سبايب واحد ٍ كامل الذوق.=أكبر عيوبه لطف قلب وحناني.
صدفه أنا وياه في داخل السوق.=نفس المكان إن قلت نفس الزماني.
عصرية الجمعة بها الوقت موثوق.=في تاسع أيام الشهر برمضاني.
شاهدتها مابين خالق ومخلوق.=يالله يارحمان منها تحماني.
بعيونها سحر ٍ على رمش من فوق.=ترمش وكن السحر منها يغشاني.
ونظراتها زادت على الطاق مطقوق.=وراح العقل مني بلحظة ثواني.
وأقفت تخطأ مشيها حيل برفوق.=سبحان من صور وصوف الكاني.
لحظة ونظرات العشق جالهن بوق.=أبوق نظراتي وهي ماتعصاني.
ناظرت نظرت عاشق ٍ حيل مطفوق.=وصديت عن بعض الحكي في لساني.
وآآقلبي اللي راح مني بلاعروق.=راح وتركني قبل وقت الأذاني.
وأفطرت من صومي بلا حق وحقوق.=من سبت اللي صابني وإبتلاني.
ويالله يامرسل مخاييل وبروق.=تسمحلي إفطاري وأنا أصوم ثاني[/poem]
http://www.b3b7.com/vb/showthread.php?t=33338

قلبي مدينة ما بها أيّ مخلوق ..
 

[poem=font=",6,blue,bold,normal" bkcolor="transparent" bkimage="http://img115.imageshack.us/img115/933/70973832ml2.jpg" border="ridge,4,blue" type=2 line=0 align=center use=ex num="0,black""]
قلبي مدينة مابها ايّ مخلوق = مستوطنه للهم واقسا شقايه
مبطي وأنا محتاج بالعشق معشوق = أعزف على لقياه لحن البدايه
واهديه روح ٍ كلها حب مع شوق = إن قال يفنا قلت ماله نهايه
واسلمه عرش الغلا دون مغلوق = عرشي حلاله دام عنده منايه
وازرع له احساس الوفا غصن وعروق = واسقيه من دمي وابرهن وفايه
وأغلق على قلبي معه وسط صندوق = وأعيش أنا وياه قصة هوايه
وأشري له أغلا الورد من داخل السوق = وأقول كلك صرت للورد غايه
قلبي مع الأحلام ياناس مسروق = عايش بحلم الحب ياناس تايه
العين من حلمي بها رعد وبروق = غيمة حزن غطة بجوي سمايه
لكن على الله كل مطرود ملحوق = قادر يجيب اللي ينور مسايه[/poem]

http://www.b3b7.com/vb/showthread.php?t=33282

مـــرثـــيـــة بـأخــتي ( رحمها الله )
 

[poem=font=",6,black,bold,normal" bkcolor="transparent" bkimage="http://vb.arabseyes.com/uploaded/129613_1209897469.jpg" border="ridge,4,black" type=2 line=0 align=center use=ex num="0,black""]
يالله يالوالي حسين التدابير = ياخالق أرواح ٍ ومحصي عددها
يالواحد الظاهر والأول والأخير = ياعالم أمطار السحاب وبردها
ياعالم اللي صار وعالم وش يصير = ياللي جميع أفعال خلقه رصدها
يالله ثبت عقلي اليوم لا يطير = وخفف على نفسي مصاب ٍ هجدها
كل المصايب غير ومصيبتي غير = مصيبتي حطت بجوفي لهدها
أختي وصادتها صدوف المقادير = قبل المغيب شوي جاها وعدها
في رابع أيام الشهر دون تأخير = بشهر رمضان العين جاها نكدها
ماتت وكل الناس تدعي لها خير = ماتت ومن هو مثل قلبي فقدها
ماتت بلا جنحان ياكيف بطير = ماتت وهي تحلم بضمت ولدها
صلو عليها بين حزن وتكادير = ودعو لها يالله طهر جسدها
ودخلتها بالقبر والقبر تذكير = للي حياته ما تسر إن حصدها
ودعيت أنا يالله يا رازق الطير = يا خالق الجنه وزايد رغدها
يالله زين قبرها بالنواوير = ووسع لها المدخال وأنور لحدها
ويالله طهرها من الذنب تطهير = ويالله خفف حزننا من بعدها[/poem]
http://www.b3b7.com/vb/showthread.php?t=33772

كيف يودع حائل أهل حائل ..( توديع حائل )
 

[poem=font=",6,crimson,bold,normal" bkcolor="transparent" bkimage="http://www.alwsm.com/wsmg/data/media/2/ash1.jpg" border="ridge,4,crimson" type=2 line=0 align=center use=ex num="0,black""]
مقدر على التوديع يانور عيني=عندي ترى فرقا المحبين شينه
غمضت عيني لا تلدين فيني=دمعه بوسط العين حارت حزينه
ودي بكم مير أزعجتني سنيني=والله يعين اللي شقا في سنينه
قلبي على الفرقا بنبضه حزيني=كنه يقول العذر لو تعذرينه
والرِجل حارت ما مشت خطوتيني=أسوقها بالغصب سوق السجينه
لو تسّتمع لا قفيت صفقت يديني=كني شجاع ٍ باللقاء غالبينه
أو تسّتمع للي صدر من ونيني=في داخل ظلوع المعنا ونينه
ونت سجين ٍ ضاع عمره سجيني=حتى من الزوار هم حارمينه
ذي حالتي عسا الولي بي يعيني=واللي يفارق جعل ربي يعينه
لاتحسب الفرقا قسا ثم تليني=لا والله الفرقا قسا عارفينه
ياشين فرقا من نبيه ويبيني=ياشينها لا صار قلبي رهينه
كتبت حزني بين نفسي وبيني=وغنيتها بمفارق أطلق مدينه
تدرون من هي ماخفت للفطيني=حائل بها عشق ٍ صفا شاربينه
يدري بها شام العرب واليميني=ويدري بها التاريخ ومترخينه
فيها الكرم والجود ماله وزيني=والظيف له حشمه ولا أحد ٍ يهينه
من عهد حاتم لين تفنا السنيني=تاج الكرم بين العرب مالكينه
ودعتها والشوق يزداد فيني=والصدر يحرجني بكثرة حنينه
ودي بها مير القدر مايزيني=ودي بها وأثر الليالي فطينه
ماتترك الولهان لحظه وحيني=دستورها فرقا المحبين زينه
وحائل ياحظ اللي بها ساكنيني=حائل وأكررها هي أطلق مدينه[/poem]
http://www.b3b7.com/vb/showthread.php?t=34571

اليوم ما للحب عندي مشاهي....
 

[poem=font=",6,darkblue,bold,normal" bkcolor="transparent" bkimage="http://www.majalisna.com/gallery/148/148_5535_1064523941.jpg" border="ridge,4,darkblue" type=2 line=0 align=center use=ex num="0,black""]
يا نفس يا نفس الطمع ويش يرضيك=سبعه وعشرين ٍ مضت بالملاهي
متى على الله طيب الوعظ يهديك=وارتاح من طيشك واشوف انتباهي
مرت سنين ٍ كل همي اسليك=واثر العمر يجري وانا معك فاهي
لكن على ما قيل من دون تشكيك=ما عدت انا برضاك يا نفس زاهي
خلاص من درب مشيناه يكفيك=يكفيك طيش ٍ فات والعقل لاهي
إن كان وقتاً فات بالحب ملهيك=اليوم ما للحب عندي مشاهي
من سبتك يا نفس عقلي يجاريك= انهيه مير العقل ما سمع ناهي
يبغى على دربك ويمشي مماشيك= مرتاح دام الحب في الدرب راهي
واليوم عقلي جاه بالعلم تحريك= تنعاف دنياً ما تسر الإلاهي
مرت ذنوب ٍجايرات ٍ مهاليك= قضيتها والرب ماهو بساهي
مير العفو يارب يارب انا ادعيك= اغفر لي ذنوب ٍ بها العقل تاهي[/poem]

http://www.b3b7.com/vb/showthread.php?t=35738

الــــوقــــت غــــربـــــة ............والليالي مداوير ....
 

[poem=font=",6,red,normal,normal" bkcolor="transparent" bkimage="http://ojqji.net/vb_pic/normals_13.jpg" border="none,4," type=2 line=0 align=center use=ex num="0,black""]
الوقت غربه والليالي مداوير=والطيب اللي صان فيها صلاته
كم واحدن طالت عليه المشاوير=وأصبح على ماقيل ينعي حياته
عزي لحاله من حياة المخاسير=لا صار ما يكسب جميلن بذاته
وكم واحدن صكت عليه المعاسير=وأرخاء على ستر الكرامه عباته
من خوف كلمة جاهلن عقله صغير=يلقى بها بعض البشر له شماته
وأنا عرفت الناس ورد ومصادير=والطيب اللي فاز لحظة مماته
ويالله أنا رجواي بيض المقادير=يالواحد المعبود مأعبد سواته[/poem]
http://www.b3b7.com/vb/showthread.php?t=37216

كل عام وأنت القلب وأنت الشرايين ** كل عام وأنت بوسط قلب الفريدي
 

[poem=font=",6,orange,bold,normal" bkcolor="transparent" bkimage="http://img402.imageshack.us/img402/519/01202328355qf7.jpg" border="ridge,4,crimson" type=2 line=0 align=center use=ex num="0,black""]
أربع مية والف ٍ وفيها ثلاثين = عام ٍ جديد ٍجعل عامك سعيدي
فيه أبتدي وأقطف من أغلا البساتين=وأهديك ورد الحب مقطوف بيدي
مديت ورد الحب لازم تمدين = بالعام هذا نبتدي من جديدي
نبديه بأحلا الورد وأحلا الرياحين=ونطهره من كل عاذل عنيدي
ونعيش فيه الحب غير المحبين=وندرس العالم دروس ٍ تفيدي
من قال كيف الحب؟وشلون؟ ومنين؟= نعطيه نبذه عن عروق الوريدي
حيث إن طعم الحب من بين الأثنين=لاصار وسط القلب وأصبح فريدي
بعيشك بالحب عيشت سلاطين=وأهديك بنك الحب وأفتح رصيدي
لا تحسبن أحب مثل الضعيفين=اللي على حب المصالح تجيدي
لا والله إلا أحب مثل الوفيين=ولا والله إلا باس حبي شديدي
وإن قدر المولى تجيك البراهين=ويجيك حب ٍ ما لمثله ضديدي
العمر صفحه وأنت روس العناوين=مضمونها مأسور محكوم قيدي
حبك رجح بالقلب فوق الموازين = يالله عسا هالحب عمره مديدي
عام ٍ بداء بالحب من يوم الأثنين=يالله عسا هالحب دايم يزيدي
يالله عساه يدوم بشهور وسنين= وورد المحبه بيننا مستفيدي
أهديك أنا بالعام ورد ٍ ملايين = وأكتب لك أحلا الشعر نظم ونشيدي
كل عام وأنت الرأس والرمش والعين=وكل عام يزهى في وجودك قصيدي
كل عام وأنت القلب وأنت الشرايين=كل عام وأنت بوسط قلب الفريدي[/poem]
http://www.b3b7.com/vb/showthread.php?t=37713

تـــهـــانــــي
 

[poem=font=",6,black,bold,normal" bkcolor="transparent" bkimage="http://www.lovemove.com/wallpaper/wallpaper17.jpg" border="ridge,4,black" type=2 line=0 align=center use=ex num="0,black""]
آلا ياقصيدي دام وقت الشعر حان = حان القصيد ووقت الأشعار حاني
خل القوافي رسمها رسم فنان = وخل المعاني كلها في تهاني
وإرسم لها الأبيات كله على شان = يغتار منها كل قاصي وداني
وتغار سلوى مع عبير على أفنان = معهن بعد نورة وشيخة وأماني
حتى ولو غارت سعاد ٍ على إيمان = ما هز زلزال الغلا من كياني
ما مثلها بالناس كاين ولا كان = ولا ضن يولد مثلها شخص ثاني
مخلوقة ٍِ بالخلق ما مثلها إنسان = من حد الأردن لين ساحة عماني
وصف ٍ لها ما بين لؤلؤ ومرجان = وفي وصفها والله يعجز لساني
أصعب قوافي الشعر في وصفها هان = وقال الشعر بالوصف هذا مكاني
زان الشعر والطرق في ذكرها زان = وغنيتها بأسلوب لحن الأغاني
وجتك القوافي رسمها رسم فنان = وكل المعاني كلها في تهاني[/poem]http://www.b3b7.com/vb/showthread.php?t=38615

بنت الأمير
 

[poem=font=",6,blue,bold,normal" bkcolor="transparent" bkimage="http://www.aawsat.com/2007/10/24/images/daily1.442574.jpg" border="ridge,4,blue" type=2 line=0 align=center use=ex num="0,black""]

شاهدت لي مهره على كل الأمهار. = وإن صابني ظني ماهي معسوفه.
تمشي دلع والكل في شوفها طار. = بان الدلع فيها وأظهر وصوفه.
بنت الأمير اللي على الكل جبار. = ماشافها المطفوق من كثر خوفه.
تمشي وكن الناس من حوله صغار. = أميرتن والكل يشهد بجوفه.
ماصابها رهبة ٍ من زود الأنظار. = شي ٍ أكيد وقدم عيني أشوفه.
دقايقن والنار في جوف عمار. = ياكيف أبعرف وين ألقى حروفه.
وأقفيت وكن القلب في داخله نار. = ذي حالة الولهان وهذي ظروفه[/poem]
http://www.b3b7.com/vb/showthread.php?t=39234

الله واكبر وش بلا صدري اليوم *** أصبح عليه الصبح بالحيل ضايق
 

[poem=font=",6,darkred,bold,normal" bkcolor="transparent" bkimage="http://www.mo3alem.com/vb/images/uploads/58865_20471492ee95ed1abd.jpg" border="ridge,4,darkred" type=2 line=0 align=center use=ex num="0,black""]
الله واكبر وش بلا صدري اليوم= أصبح عليه الصبح بالحيل ضايق
كن الفضاء غطت على صفوه غيوم = وكني وحيد ٍ بين كل الخلايق
أطالع وجيه البشر صدق وحلوم = وأقول رايق لو أنا عكس رايق
وأنا الحقيقة بين ضايق ومهموم = والبال عيا لا يفك الغلايق
أخفيت ضيق ٍ داخل الصدر مكتوم = وحسّبت من ضيقي جميع الدقايق
ياشينها لاصرت بالناس محروم=الناس ترمي يوم حظك تفايق
مقسوم حظك بين الاجواد مقسوم = كن الحظوظ يعوقها عنك عايق
ولو منزلك ما بين الاجواد محشوم = حظك يوردك القشر والعوايق
وكم واحد ٍ ودك على شوفته دوم = ولو يبتعد ما أنته على البعد طايق
ولو ينشري قربه تقدمت وتسوم = ولو كان عمرك جيت بالعمر سايق
تسوق عمرك لأكحل العين ملزوم = ما دام ما غيره مع الناس لايق
مادام جنسه بين الاجناس معدوم= معذور رأسك لو تجيه الفتايق
وأنا سبب ضيقي حرم عين النوم = وأصبحت بين الناس ماني بفايق
أصبحت من نومي على ضيقي اليوم= أصبحت بين الناس بالحيل ضايق[/poem]
http://www.b3b7.com/vb/showthread.php?t=39835

ياقلب قله مابقى شي بالرأس ** ياقلب قله بالمحبه بدينا
 

[poem=font="arial,5,darkblue,bold,normal" bkcolor="transparent" bkimage="" border="solid,6,silver" type=1 line=1 align=center use=ex num="0,black""]

في زحمة أشواق البشر عشت محتاس=حتى الظروف إن قلت تقسى علينا

كني وحيد ٍ ما تهنى مع الناس= أقسى هموم الكون موجود فينا

أجامل احساسي أنا حيل حساس=وأقول عادي لو علا ماشكينا

أقدر ظروف البشر صدق واهلاس= وأصبر على حقد الحقود الدفينا

يوم(ن) غيري عاش في عيشت افلاس= مغنيني الله لو نبي ما حكينا

نصبر على مر الليالي والأتعاس= ونشيل حمل(ن) لو ثقل مرتكينا

لاباس عندي لو علا الهم لا باس= بكره نقول الهم منه سلينا

مادام جاني من جمع لول وألماس= المترف اللي كل ما به يبينا

اللي جمع غير الحلا صدق الاحساس = ما ضن مثله بالخلايق وزينا

دامه يفوح العطر مع عذب الانفاس= وش ينقصه لا قلت كامل رزينا

زينه على كل المزايين نبراس= وحده ولا مثله مع الناس زينا

بسم الله الرحمن ماهب نسناس=بسم الله الرحمن عن كل عينا

دامه شرى قربي على كل الأجناس= جيته أنا والقلب بالحب جينا

ياقلب قله مابقى شي بالرأس= ياقلب قله بالمحبه بدينا

قله عروق الحب ياقلب يباس=قله سنين تمر ماأذكر روينا

قله مادام الموج هادي من الناس = قله على شط المحبه رسينا

قله كتبت احساس حبي بقرطاس= عساه يفهم كيف نكتب بدينا

[/poem]


http://www.b3b7.com/vb/showthread.php?t=43797

ماني بمخطي يوم اجازيك بالصد .... لا شك مانرضا نشوف المذله
 

إليكم أخر ماخط قلمي علها أن تنال اعجابكم
..............................................

ماني بمخطي يوم اجازيك بالصد
........... لاشك مانرضا نشوف المذله
**

اليوم جنب بيني وبينك الحد
........... خلاص مابغا منكم حب لّلّـه
**

نفسي عزيزة وارث العز من جد
........... وهذي سلوم العز ورث وجبله
**

طبع الرجل ياقف على محمل الجد
........... وإلا الردي مرتاح في كل شله
**

هذي علوم الصدق ياللي تنشد
........... ماني من اللي تختفي خلف ضله
**

طبعي صريح وردنا دايم ٍ رد
........... ومافيه قول ٍ ما يجي في محله
**

السيف دايم كلمته كلها حد
........... واليوم سيف الصدق قدمك نسله
**

ماني براجع لو حبل وصلك انمد
........... منك ماأريد الوصل ياهوه كله
**

من عافنا ينعاف لو كان له ود
.......... وما أرضا يكون انسان بالقلب عله
**

روح توكل واتكل وازهل السد
.......... يحرم علي ابوح سرك واهله
**

طبعي كذا بالسد مانفرح الضد
.......... يبطي بغله لو كبر فيه غله

*********


وسلامتكم

http://www.b3b7.com/vb/showthread.ph...557#post586557

من دون عضوية ولا رقم سري
 

سجلت في قلبي وحنا قبلناك
....... من دون عضويه ولا رقم سري
**
والله وسط القلب ماشي يسواك
....... علم ٍ أكيد ومايجينا تطري
**
أنت الوحيد وكل مافيني فداك
....... والشوق جاك ولايبيله تحري
**
انت المدير وكلنا فدوة رضاك
....... أقولها بالصدق ماهي تزري
**
ياللي مابين الناس بالزين محلاك
....... والكل من شوفك يحب التذري
**
ينقد على نفسه بطلت محياك
....... ويقول ياعيني من الشوف يقري
**
وانا الحظيظ وكل مابي تمناك
....... ذقت الحلا من بعد ماراح مِري
**
يامرحبا بك داخل القلب حياك
....... من دون عضوية ولا رقم سري
**********






http://www.b3b7.com/vb/showthread.php?t=48367

لحن الفرقا
 

http://www.b3b7.com/vb/showthread.php?t=49083

تو القصايد نورت يالغضي تو
 

http://www.b3b7.com/vb/imgcache/38898.imgcache.jpg


[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
تو القصايد نورت يالغظي تو *=* تو الغلا ياروح روحي يفوحي
يابهجة الدنيا ويا قبلة الجو *=* ياجو عمري جيت ياروح روحي
قبلك وأنا أردد مع الناس يا لو *=* واليوم أقول اللو عني تروحي
إن راحت العالم بعد أبو بعد جو *=* ماهمني غير أنت وأنته طموحي
إقلط بوسط الصدر والصدر لك هو *=* دلة غلاك بوسط صدري تفوحي
إقدع من إخلاص الغلا وإترك النو *=* وإسمع سواليف الغلا والمزوحي
واللي تبي في داخل الصدر لك سو *=* صدري حلالك كأن للصوت توحي
خل الغلا في داخل الصدر له ضو *=* وإن شفت جرح ٍ فأنت طب الجروحي
وإن شفت غيرك فأذبحه وأنت من قو *=* مأريد غيرك بالغلا له صروحي
دامك لفيت القلب فالقلب لك أو !*=* أو أنت قلبي قلتها وأنت بوحي
غيرك ترى وإن جالنا قلت له (no)*=* مأريد غير أنت وإسمع شروحي
أنت القصيد أنت الغلا جيتني تو *=* حيا الغلا حييب ياروح روحي
[/poem]



http://www.b3b7.com/vb/showthread.ph...286#post630286

كـل الشـهـر شـوال كـلـه كـأبـه
 

[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]

ياليل لاجيت اشتكي بالتفاصيل = كل الشهر شوال كله كأبه

من يوم يوم العيد ذقت البهاذيل = يا كيف قلبي عيّد بهول مابه

كني وحيد ٍ بين كل الرياجيل = ذاق العذاب بصمت بأول شبابه

ياليل كيف الهم يجني محاصيل = محصول بذر الهم ينبت ترابه

يسقيه حظ ٍ ذقت منه التهاويل = الحظ شين وقام يمطر سحابه

ياليل ما فيها هروج وتعاليل = هذا الشهر شوال كله غرابه

فقدت أنا تاج البشر بالتساهيل = ومن زود ضيق الصدر ضاقت ثيابه

فجأه فقدت اليوم منه المراسيل = والهجر وسط القلب وكد صوابه

مقبل ولاني مدبر ٍ بالمواصيل = والقلب مفتوح ٍ ولا صك بابه

ياكيف أعيش اليوم وقت المقابيل = وكل الوجيه اليوم عندي تشابه

ياليل من دونه حياتي غرابيل = ضايق بعد فرقاه وأتبع سرابه

والله مأرضا دونه اليوم تبديل = ولو كان حظ الوقت كشر بنابه

ببقى على الذكرى وأجر المواويل = وأسلي إحساس الشقى بالكتابه[/poem]

http://www.b3b7.com/vb/showthread.php?t=53490

تعالي يابعد حيي
 

[BIMG]http://www.arabiclenses.com/gallary/data/2/DSC_0231.jpg[/BIMG]



[poem=font=",6,red,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]

تعالي يابعد حيي جفا هالوقت مليته = تعالي واملكي قلبي خوذيني نقوة أحبابك

تعالي واجبري كسري زمان ٍ فات داريته = تعالي دام لك رغبة وقفت اليوم في بابك

أهني بك أهل حائل وحتى البيت هنيته = ياحظ الدار في شوفك ياحظ اهلك مع اصحابك

أهني بك سحاب ٍ مر من فوقك وراعيته = وأهني بك جبال الطيّ وأنسام الهواء وترابك

ترى كل شي في حائل علشانك أنا اغليته = أحب الدار والديرة وأحب الناس وأقرابك

ولو جيت الصدق وأصدق ترى قربك تمنيته = ولابه شي أبد فيني يقاوم نظرت أهدابك

ترى مافيني أتحمل وجمر الشوق شبيته = تعالي نضوي الشمعه كرهت الكون بغيابك

وإذا مالك أبد فيني هذا قبري وسويته = أموت اليوم من شانك قتيل ٍ مات بأسابك

وأشوف الموت لي رحمه على عالم تحديته = ولا اشوفك معا غيري يعيش الحب يهنابك

هذا قلبي فدا عينيك تعالي واسكني بيته = تعالي دام لك رغبه صدوق ٍ ما أتسلابك

تعالي يابعد حيه تعالي يابعد ميته = تعالي واملكي قلبي خوذيني صفوة أحبابك

[/poem]
http://www.b3b7.com/vb/showthread.php?t=54490

خالد ولد سلطان ليث الليوثي... (( والحوثيين ))
 

[poem=font="Simplified Arabic,6,green,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] من حدنا يخسا ترى حوثي = يخسا مادام الجيش حي ٍ وموجود

ماهز عز الدار كلب ٍ لهوثي = مادام كل الشعب حراس وجنود

ومدام فوق الجيش ليث الليوثي = خالد ولد سلطان لا ثار بارود

حر ٍ على جول الحباري يعوثي = جزام صارم بالمواقيف مشهود

من رأس عود ٍ يتعبن البحوثي = ماتحصر افعاله والافعال في زود

ياخالد السلطان طال المكوثي = مع شرذمه ماتستحق وقت معدود

افن الجبل من كل جنس ٍ عبوثي = وخل الجبل من فوق الادناس مهدود

طيارة ٍ وحده تحل اللبوثي = ولا عاد يلبث عقبها كل نمرود

تِنزل عليهم وبلها كالغيوثي = وتحرق جميع الضلع في وقت محدود

ويصبح نهار السبت غير الثلوثي = ويرجع زعيم الحوث بالغبن مردود[/poem]



http://www.b3b7.com/vb/showthread.php?t=56581

الحب ماهو داخل القلب منحوت
 

http://www.al-amakn.net/vb/avatars/u...ine=1224542831



لا لا تجي يمي وتطلب رضايه
....................خلاص فات الفوت ماينفع الصوت
خلاص انا مليت قصة وفايه
................... ماعاد ابي حب ٍ ربا وسط تابوت
كنت احسب(ن) الحب لذت بدايه
..................وأثر البلا في قصة الجمر والتوت
كنت أحسب(ن) الحب للقلب غايه
..................وأثري نسيت القلب في لحضه يموت
لا وا حسافه كنت بالحب تايه
...................لاوا حسافه كنت بالحب مكبوت
أطالع النجمات بأعلا سمايه
..................وأقول بين الناس بالحب مبخوت
وأثر المحبه جددت بي شقايه
..................والقلب من زود الشقا صار مشموت
لكن أبا اجدد وأبكتب وصايه
..............الحب ماهو داخل القلب منحوت
اللي قدر يرفع مع الحب رايه
.............. قادر يجدد دام مافاته الفوت
واليوم أبعلن قصتي فالنهايه
.............بدلت حر الجمر في لذت التوت

http://www.b3b7.com/vb/showthread.php?t=58378

الذيب ينطح ذيب لاصار عاوي (مسنده للشاعر الكبير:عيد بن سمران)ورده عليها
 

اسعد الله ايامكم بكل خير

صوت وصدى مع الشاعر الكبير : عيد بن سمران الحربي الذي افخر بأسناد القصيدة له وأتشرف برده عليها

إليكم القصيدتين

البداية كانت مني*

[poem=font=",6,blue,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]

ياعيد ابن سمران والغيث طشا = جاتك مزون الشعر من رأس قاوي

ياشاعر شعره يجي معه نشا = نشت فريد الطيب كمبود جاوي

شوق الهنوف اللي بزينه تغشا = ويبان لون الخد وسط الغشاوي

ياعيد ابن سمران قبل اتعشا = جيت اتغدا فيك لاصرت ناوي

مادام داب الليل فالليل وشا = قله لفاه الذيب فالليل عاوي

اللي زرع زرع ٍ وغيره يحشا = ماحسّب حساب الفقر والغناوي

مبسوط بين الزرع دوم ايتمشا = ومايحسده بالزرع ياكود شاوي

واليوم جاه السيل للزرع قشا = ولانستمع منه كثير الشكاوي

يبا السلامه مير وين ايتخشا = الوقت مايرحم ولا السيل ياوي

ياسهل كسر العظم لاصار هشا = وياصعب طب الموت عند المداوي

ياعيد ابن سمران ماجيت خشا = جيتك على وضح النقا يالنداوي

هات الجواب اليوم قبل المعشا = والذيب ينطح ذيب لا صار عاوي[/poem]



وهذا رد الشاعر : عيد بن سمران

[poem=font=",6,green,bold,normal" bkcolor="transparent" bkimage="" border="none,4," type=0 line=1 align=center use=ex num="0,black""]

حي الجواب اللي لفا دون غشا=من ضيغميٍ للفرايد نقاوي

شاعر على جزلات الاشعار نشا=شاعر يجيد الشعر فرد وغناوي

نسى السلام وجا بشعره يطشا=وعاداتنا نبدا السلام بتقاوي

ياشاعرٍ في جزل الاشعار رشا=رشة مطر ديمٍ على روض ذاوي

ابد السلام وخش فيما تخشا=معاك رجالٍ بعيد الهقاوي

لفيتني اضن قبل اتعشا=تبي اتعشابي تحسبن مشاوي

انا رجل مثلك على الطيب انشا=لاجات صكات الصعاب البلاوي

آقف مواقيفي وبالوجه ابشا=في كل موقف مارتخي بالعطاوي

وبيني وبينك يالبناخي مطشا=والذيب من بيني وبينك جلاوي

حنا سنايد بعضنا مانوشا=ولاهي لنا بعض الحيل والدعاوي

ولاننقل الهرجه ولانستغشا=بالوجه نعطيها عطا كل قاوي

وان كان عندك بالخفايا محشا=وقت الحصاد اقدم ولاعاد تاوي

ولاخير في رجلٍ الى انخي هشا=الرجل وقفاته لياجا اتداوي

وانا ترا مالي بالالغاز خشا=رجلٍ الى من جيت واضح نقاوي

واختامها صلوا على احسن مبشا=رسولنا اللي اللي بالرساله هداوي[/poem]



وسلامتكم

,

,

,
http://www.b3b7.com/vb/showthread.php?t=63691

خفايا المواضيع
 

إليكم أخر ماخط قلمي عسا أن تنال إعجابكم





[poem=font="simplified arabic,6,darkblue,bold,normal" bkcolor="transparent" bkimage="backgrounds/1.gif" border="solid,4,gray" type=1 line=0 align=center use=ex num="0,black""] تعال نكشف لك خفايا المواضيع = واعلمك وشو خطاك وخطانا

أذعن وخلك منتبه بالمساميع = اليوم جاك الجد والجد جانا

كم قلتلك بالحب مافيه توديع = وكم قلتلك مايوم تنسا وفانا

لفيت لك ضميان ذيك الينابيع = لفيت لك ولهان والله عمانا

فتحت لك بالصدر ذيك المرابيع = واسقيتك احلا الشهد من سيل مانا

رسمت لك بالحب لوحة وتوقيع = أحسب صدوق الود يبقا معانا

احسبك شاري حبنا وانته تبيع = احسبك وافي والغدر مالفانا

واثرك نويت القلب بيع ومشاريع = تبا المكاسب مستغل ٍ هوانا

أكبر خطاي إني جفيت المجاميع = ورحت اتبعك عميان والقلب عانا

صدقت من عينك كذوب المداميع = وصدقت من قلبك كلام ٍ سبانا

اليوم كنه في فراقك اسابيع = كيف احسب الساعه اجل في لقانا

وبانت مع الايام ذيك المطاميع = لا واحسافه كيف حظي رمانا

لكن على ماقيل مافيه ترجيع = غلطه وصارت والبلا من بلانا

بس الاكيد الحب مافيه تشريع = اللي حصل مقسوم والله كفانا

وبسمعك مادمت مرخا المساميع = والله ما احلّك بسبّت عنانا

واعرف تراك إن ضعت والله مأضيع = عارف طريقي يوم ربي هدانا[/poem]


http://www.b3b7.com/vb/showthread.php?t=64463