يا الغالية
 

يا الغالية من حـدد الحـب غلطان ******* الحـب يُـزرع والمشاعـر تغذيه

بالسوق ماله وحـدة قياس ووزان ****** وإن كان عندك وحدة قياس قيسيه

لا تحسبين الحـب يوزن بمـيزان ******* ولا تحسبين اللي يبي حب يشريه

الحب أحاسيس ومشاعر في إنسان ******* يشعر بها في داخـل القلب تلويه

والحـب ينبوع السـعادة والأحزان ******** يسـعـد به اللي ود خله يساويه

وأحزان لو جاء فيه زود ٍ ونقصان ******** قلبٍ شـروق وقلب سـودٍ لياليه

فيه السعادة والتعب صاروا أخوان ******* وجرح الغرام الطب يعجز يداويه

يا الغالية للحـب لوعات وأشـجان ******** والقلب يكشـف كل ما كان يخفيه

والحـب للعـشـاق جنه ونـيران ******** كلٍ على حجم المشاعر وقع فيه

يا كـم في الدنـيا حـبايب وخلان ******* ويا كم خفوقٍ نار الأشواق تكويه

ويا كم في العالم من قـلوب عميان ******** تطرد وراء مقفي وبالحب تطريه

يا الغالية للحـب رقـة وتحـنان ******** لكن من لا يعـرف الصقر يشويه

اللي عن الماء صد ما هو بضميان ******* لا بد وإنه شـاربٍ كأس مـرويه

يا قلب نبضك شوق والا انت ولهان ****** وإلا بفكرك حـلـم لازلت ترجيه

يا قلب خـل الصبر غاية وعنوان ******* والحـر كـلـمة لو سمعها تكفيه

الشهم عنده صادق الحـب ما هان ******* بين الحـنان وخالص الود يطويه

ثابت قدم واقـف على سبعة أركان ******* يسـعـد حبيبه ما يصـد ويعنيه

صح لسانكـ وعلى شانكـ
عاشق الطائف
تسلم يدينكـ على الإبداع
بإنتظار جديدكـ القادم
والله يعطيكـ العافية

مناهي ---------------- اسعدني مرورك لا خلا ولاعدم


لو للغلا ميزان بين المحبين **** يصعب على الميزان توزين حبي

عاشق الطائف ..

قصيده تحمل من القيم الكثير ...رآئــــعه ....

صح الله لسانك ... وننتظر القادم بشوق ..

صح الله لسانك
رائع ياعاشق الطائف
قصيده مميزه كحضورك المميز
باانتظار ابداعتك ببعد حيى

عاشق الطائف

ابيات راااائعة الجمال
ونص ينبض عذوبه واحساس
سلمت اناملك
فائق التقدير

عاشق الطائف
صح لسانك على هالاسطر الدافئه
واصل التميز

الحب أحاسيس ومشاعر في إنسان ******* يشعر بها في داخـل القلب تلويه

والحـب ينبوع السـعادة والأحزان ******** يسـعـد به اللي ود خله يساويه




إبداع ياعاشق الطائف



قرأتها مراراً ,وأذاقتني مراراً,لأنها ذكرتني ماضياً عشته




ورغم الآلام والمرار,إلا أنك كتبت من القلب ,فوصلت للقلب




واصل إبداعك




نحن ننتظره

أخي الفاضل//
قصيده مفعمه بصدق الأحاسيس
رائعه جداً
صح لسانك وبيض الله وجهك
ودمت بخير لاينتهي

لله درك
على ما ارى من ابداع يستحق الموكوث هنا
طويلا صح لسانك مدد بلا عدد
وجاد بنانك
تقديرى لك واحترامى

ياهلا بعاشق الطائف منورنا يابعدي وصح لسانك
اهنيك على النبض الأكثر من رائع

قصيدة عانقت السحاب بجمالها وقوة سكبها

لله درك على هذا البوح الراقي
حياك اسعدنا تواجدك
اسعدك الله

صح لسانك مليون
واعتلا شانك
قصيدة رائعة واكثر