صدّقيني جاك واحد من عيالي

مو غريب ان كنت اسولف لي لإنّي
كنت اسولف وضعي الحالي لحالي

كنت اهذري بك قصيد و كنت اغنّي
كنت ابروز حزني المرمي قبالي

كنت ادوّر بالكتابة شيء منّى
انزف المفقود و احفظ ما صفا لي

والله انّه لو خذاك الوقت عنّي
ما خذاك فيوم عن صفنات بالي

ابتعدتي لكن احساسك سكنّى
شوفي رايات الهزيمة و احتلالي

كيف اروح ؟ و حبّك الطاغي سجنّي
وين اروح ؟ و طيفك اقرب من ظلالي

انكسح وجه الحنان فقول حنّي
كم تعالي أمطرت منّك تعالي

غلطتي كانت غلاك بلا تأنّى
غلطةٍ لازالت اجمل ما بقى لي

مري فبال الحنين و حزن ظنّي
و شوفي الدنيا الكئيبة من خلالي

و اخذي اوراقي و احاسيسي و فنّي
القصايد ضيّقت صدر الشمالي

فيك ما نلت القصايد بالتمنّي
القلم يجري على ما قد جرا لي

ممتلك حق الأبوة بالتبنّي
للحزن للضيق و لسود الليالي

فلو يجي لك حزن ! هذا الحزن منّي
صدّقيني جاك واحد من عيالي

راقت لي ..

صح لسانك تخيلتك ولسان شاعرها

وتسلم يمناك علي النقل الجميل

وتقبل مروري

تحياتي لك

مايروق لك بالتأكيد سيكون مميز وراقي
ذائقتك الشعريه وإنتقاءك لمواطن الجمال هي
الجمال الحقيقي .... أحضرت هذه المعزوفه الشعريه
الراقيه ..... وأشبعتتنا شعراً أنيق .
دمت ودام عزفك الفريد

هلابك مراقبنا الفاضل وصح لسانك ولسان الشاعر ملاااايييين
ولك الشكر الجزيل على نقلها
وآمل منك البحث عن اسم الشاعر لاعـــــــدمنا وجووودك.