{{ ديوان الشاعر \ نهير النمش \صفق الهواء }}

((مطامع الـوقـت))


http://www.b3b7.com/vb/showthread.php?t=81051









[poem=font=",6,seagreen,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
صوت الربابه سرى والقوس جاوبني=
صوتٍ عبر مسمعيني ويـن ودانـي
ان جيت ابكتبه عود صـار يكتبنـي=
وان جيت ابقراه عود صار يقرانـي
يسج فكري معـه والحـال تندبنـي=
ياحظي اللي تغيب احيـان وأحيانـي
سافر صديقٍ وفيـنٍ كـان عاجبنـي=
مطامع الوقت غرة بعـض صدقانـي
واللي على الطيب والطولات صاحبني=
مايلتفت في كـلام افـلان وفلانـي
والصاحب اللي علومه دوم تطربنـي=
ياوين ابلقاه مـدري ويـن يلقانـي
علمني الوقت اميـز مـن يعذربنـي=
وعلمني الوقت اساير مـن تبلانـي
واللي دمح زلتـي ليتـه يحاسبنـي=
ويحز في خاطـري لامـن تناسانـي
شيل القوافي على الطاروق يسحبني=
لو المعانـات تمـلا كـل الأركانـي
للبوح ذكرى مـع الونـات تذهبنـي=
والجرح باقي مـع الأيـام يشظانـي
احيان اشوف الوله والشوق يتعبنـي=
واحيان اشوف الوله ماعاد يهوانـي
من وين إلى وين مدينـي وجايبنـي=
يادرب الافراح بعدني عـن احزانـي
وصوتٍ سرى البارحه بالحيل ناسبني=
وذكرني الصوت صوتٍ مر الأذهانـي
راحت سواليفنـا نهـدم ولا نبنـي=
ومطامع الوقت هزت بعض الأخواني
وصوت الربابه سرى والنوم حاربني=
وصوت الربابه يغني جرح وجدانـي
[/poem]