بنات الستر

[poem=font=",6,green,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يتصيدون بهالمياه العكره=على بنات الستر بأرض بلادي
لابارك الله بالوجيه النكره=اللي تدّور نكبة الاجوادي
خباث الفعايل سيئين الفكره=كم في نواياهم حسد واحقادي
ياناس انا مُكره وغيري مُكره=وانا مع العالم ضميري غادي
وان صرت ماني ضايع(ن)من بكره=تلقى سيوف الناس فوق عنادي
كن الاوادم فاقدين بسكره=من نشوة التغيير ضحكه سادي
قلبي يحن وفوق هذا يكره=ناس(ن)حداها عن حياها حادي
الله يبيد اعمالهم في وكره=والبادي اظلم لن ظلمه بادي
كم من ضعيف(ن)هيبته من مكره=من غفلة عقول البشر يزدادي
الشات والتشتيت كله حكره=وعلى دمار الناس صار ينادي
والناس صارت تفتخر في ذكره=الشيخ هذا الشيخ ماهو عادي
كلن يقدم له ثناه وشكره=وهو على تفكيكنا متمادي
الناس راع الطيب ماتفتكره=والا هل الاموال قدره زادي
تغيرت في هالزمان الفكره=الثوم يصبح ياسمين وكادي
الشر منهو ساعده وابتكره=غير الذي على الخنا معتادي
[/poem]