مايجيك غزيلن من بين قرد و قرده

[size="5"]

بسم الله الرحمن الرحيم
الشاعر\ مشعل عسام التريباني الشمري
((مايجيك غزيلن من بين قرد و قرده))
في 16\3\1432هـ
اشهد انه صدق بذر الورد يثمــــر ورده (1) والبصل يثمر بصل مايثمر الريحاني

ولايجيك غزيّلن من بين قرد وقـــــــرده (2) وماكرالغربان مايطلع منه شيهانــــي

والفرات العذب يبشر بالــروى من يرده (3) والبحور الهوج ماتقطع ظما الظمياني

ومن شعم نار الغضا يدفا ويقضي بـرده (4) وعمر نار الليف مايدفا منه بردانـــي

وكل من كثّر كلامه واستمر بســـــــرده (5) صار عرضه ينتقده افلان والا فلاني

الرجل ماينجرف مع عالمن ممــــــــرده (6) ايترفـّق لايزفـّه هايج الطوفانـــــــــي

مايعيب الرجل ملبوس القديم وجــــــرده (7) الملابس مابها مقياس للغلمانــــــــــي

ولايعيبه مركبه لوكان يركب خـــــــرده (8) العمل بالساس ماهو باقي البنيانـــــــي

الرسول المصطفى مايملك الابــــــورده (9) خير من داس الثرى يمشي بلاحذيانـي

يلتحف في بردته وقت الشتا عن بـــرده (10) وكم ليله بات فيها المصطفى جيعاني

لاتقلّد عالمن بهروجهـــــــــــا منجـــرده (11) يوم زاد الخير صارو قمّة الفرسانـي

يذبحون ويصلخون وبالصخا منفـــــرده (12) صايرينن مثل حاتم مدهل الضيفانـي

وبالملاقا يقحمون المعتدي في طـــــرده (13) مثل بن غانم الى جا ساحة الميدانــي

ايتحلّم في منامه واستمــر بهـــــــــــرده (14) وصّله شيطان حلمه قمة الطغيانــــي

كل مسلم ماقرا قبل المنـــــــــام بــورده (15) يعتبر ضايع ويفتح باب للشيطانــــي

[/size]

مشعل التريباني

صح لسانك مليووون ولايكفون

قصيده شامخه من شاعر شامخ

سلمت ولاهنت..

[read]
يسلم ثمك وفكرك وصح لسانك على القصيده
والوصف الرائع
[/read]

الله يعطيك العافيه على ها الشامخه أخي وفقك الله

صح لسانك ولا هان شانك

ربي يعطيك العافية

صح لسانك
شاعرنا \ مشعل التريباني
على الابيات الجزله والمعاني الرائعه
سلمت وسلمت اناملك على ما خطت
يعطيك العافيه

رائعه واكثر صح لسانك
قصيده جمالها يفوق الوصف
لله درك
نترقب قادمك
موفق

شكرالجميع الاخوان والاخوات على المرور المشرف والاطرى الرائع الله لايهينكم جميعا

كلمات جميلة رائعة التعابير والوصف والفاظ متقنة
السرد ومتلاحمه واعجبتني روعتها وجمالها
سلمت يمناك ولا حرمنا جديدك وننتظرالمزيد والجديد ولك كل الود والإحترام لك

حبي طلال شكراللمرور اختي

..صح الله لسانك وعلا شانك
عز الله انك شاااعر وقصيدك جزل
سجل اعجاابي الشديد بما تسطره من ابداع

لا هنت لا هنت لا هنت