,,,السحابه

السلام عليكم ورحمة الله وبركاته

مساكم وصباحكم

بكأ السحاب

اليكم مالدي

[poem=font=",6,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
للخيل فرسانن تدك الميادين=دواهين سفك الحمر ماتهابه
ولسيف رهبه في يدين السلاطين=وسطح القمر ماكل عالم وطابه
والحكم بالحكمه خذوه الحكيمين=اللي بهم سطوه ولين وصلابه
ولولا القناعه ماتعيش المساكين=ولولا الفراسه ماتعشى الذيابه
والشعر واداب الشعر له قوانين=ولاكل يمنى تستحق الكتابه
وانا الكتاب اللي سطوره عناوين=يقرا الكفيف وتنطق البكم مابه
الياحتدم جاشن زفيره براكين=شيطان شعري قام يلقي خطابه
مثل اخو هدلا لاخطب عن فلسطين=ايام عزه يوم كل يهابه
مغرور واثق قولي اللي تقولين=انا اللذي تبكي القوافي غيابه
ولو غبت اجي واطوع الصعب ويلين=واعيد لجزال البيوت المهابه
لني ورثته ورث من روس جدين=يوم الردي ورثه يزود حسابه
وصدق المشاعر ماتبيله مزكين=وتاصل قلوب الاثريا والغلابه
يكتبني الحرمان والحزن والبين=وتقراني عيون السهر والكابه
وتعشقني الدمعه وتستوطن العين=وتكرهني الضحكه واعيش بغرابه
مومن ولا اومن في مجال المحامين=لوبرو القاتل يلاقي عذابه
عشت الحياة ولالقيت متهنين=الا مطيعين النبي والصحابه
المومنين الصايمين المصلين=اللي تدور عند ربه ثوابه
وبكيت يوم ان العمر خمسة سنين=دمعن محيرني غزير انسكابه
عانيت ظلم الا جرعت الامرين=والفقر كانت رغبتي تحت نابه
رتم الحياة ممل والمجتمع شين=وضروفها المدرك تضيع صوابه
واليوم ياشعري على عاتقي دين=بقدومها رحب عني باالنيابه
لاح بسما جوي بروق ونياشين=وتكونت في قدرة الله سحابه
وجتني يسوقنه رياح الخماسين=هتان نوه يستثير الكتابه
منشاه بالعارض قبل عام اللفين=بين البروق وبين خده قرابه
تخفي بردها خلف جمر الشفاتين=في بسمته غنج ودلعها ذاربه
وبرياض صدري والحشى والشرايين=هلت عبايرها وفكت حجابه
واسقت ضماي ونورن البساتين=ديمومتن رب السموات جابه
والروح صارت روح من بعد روحين=وسوال عمري توي اعرف جوابه
رحبت فيها من خفوقي ملايين=قلت ارحبي يادعوتن مستجابه
وقلطتها قدر وغلا بين رمشين=وسريتله عذب القصيد وسرابه
[/poem]

يسلمو روحك على روعه
الكلمات ننتظر جديدك

شاعرنا الراائع| قبلان الخمسان

اهلا بك
نص رائع الجمال
نسجت أبياتك بحروف من نور
ومتصفح نُسج بأحرف فاخره
وبنبض عذب ولوحه بألون الربيع
صح لسانك حتى الرضا
وطابت ايامك بالفرح
وبأنتظار جديدك الراقي دوما
ودمت ودام بريق حرفك ,,

صح الفكر والنبض
قواك الله
وبيض الله وجهك على هالشيخه الراقيه برقي شخصك

الله عليك من شاعر فكر راقي بحق يصح لسانك موفق

نثرت بين ايدينا انواع الجواهر ؛
تأملت روعة بريقها الذي يسلب الألباب
ويجعلنا لانمل من النظر إليها ؛
دمت ودام نبض قلبك ونزف قلمك السيال؛؛؛؛
ارق التحايا لروحك الزكية

قبلااااااان
صح لسانك
على الابيات الرائعه والجزله

كلمات روعه ووووووحروفها اروع
سلمت قبلان ع الابداع

وعليكم السلام ورحمة الله وبركاته

قبلآن الخمسآن

صح لسانك الغالي على هالأبيات الرائعة بحق

ودي

/

الله الله
صح لسانك اخوي
ابيات كلماتها رائعه
راقت لي القصيده
تسلم يمنك وماننحرم من ابداع قلمك

صح هالبوح الراقي
عساك للعافيه

صح لسانك على هالفخامة في الحرف والمعنى
بانتظارك بمصافحات شعريه قادمة

:

عوافــي
قصيده في قمة الروعه أحسنت في كتابة شعرك
صح لسانك
ننتظر جديدك الذي بالتأكيد سيكون الافضل

عشت وسلمت وصح لسانك ملايين

لاتحرمنا جديدك

اقتباس: المشاركة الأصلية كتبت بواسطة سنـ حبك ـيور    يسلمو روحك على روعه الكلمات ننتظر جديدك

سنيور

يسلم راسك

الروعه تواجدك

تحياتي