{{ديوان الشاعره \ بنت القصيد }}

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

السلام عليكم ورحمة الله وبركاته

ديوان الشاعره \ بنت القصيد

شاعره تكتب
بحرف شفاف وكلمه راقيه
واحساس جميل
تتميز بقوة الكلمه والمعنى
لها اسلوبها الخاص والذي يظهر عبر
انسكاب حرفها الجميل
مع ديوانها واريج قصائدها
,,
,,

[/ALIGN][/CELL][/TABLE1][/ALIGN]

العيد مر وكل حيٍ تعيّد
http://www.b3b7.com/vb/showthread.php?t=90818

[poem=font=",6,firebrick,bold,italic" bkcolor="black" bkimage="" border="inset,4,darkred" type=1 line=0 align=center use=ex num="0,black""] العيـد مـر وكـل حـيٍ تعـيّـد =
ياهيه ليه اليوم مـا شفـت عيـدي
وش حال قلب اللـي بقلبـي تقيّـد=
اللي عليه اشفـق وحبّـه يزيـدي
اللـي بدربـه دوم رجلـي تسيّـد=
دايم على دربـه ومربـوط قيـدي
مدري وش اللي في حياتي محيّـد=
لا طاح حيده لا ولا طـاح حيـدي
يا صاحبـي حبّـك بقلبـي تشيّـد=
طول الغياب اليوم وش هو يفيـدي
والبعد نار البعد يـا صـاح كيّـد=
فعلـه بقلبـي ياحياتـي شـديـدي
احلف بربّـي انـت هاليـوم سيّـد=
يا فرحتي لا قلت شوفـوه سيـدي
كثر الغيـاب اليـوم يمكـن يبيّـد=
ذاك الغرام اللي مشى في وريـدي
عوّد تـرى نـار(ن) بقلبـي تقيّـد=
ما ينفعك كثـر الولـع يالرّغيـدي
عاجبك حال اللـي لحالـه وحيّـد=
ما همّه الا وش تبـي وش تريـدي
وش صاب قلبك ما شي(ن) به شديّد=
ما كنّه اللي شايل(ن)عطف ميـدي
شفنـي انـا للحيـن مانـي معيّـد=
شفني انا لليوم مـا شفـت عيـدي [/poem]

قصيدة مايسولف بالحريم الا الحريم
http://www.b3b7.com/vb/showthread.php?t=86116


[poem=font=",6,firebrick,bold,italic" bkcolor="black" bkimage="" border="none,4," type=1 line=0 align=center use=ex num="0,black""]
القصايد في بحر فكري تهيم =
والمعاني في ورق غصني شذى
أن حكيت أوفيت معناك اليتيم =
قمت من نومي وبعيوني قذى
لاتفكر عندي فراقك نعيم =
لاتهيم وتحسب ان بعدك أذى
أنت دايم ماتبي قرب الحريم =
لاتبرر في ( إذا كان وإذا )
القرار الحق والعقل السليم =
ولاّ من قلّد على رتم وحذا
ولاّ منهو بالقصايد يستهيم =
ولاّ منّا ولاّ كوذي أو كذا
مايسولف بالحريم الا الحريم =
وكل واحد في يده شال القذى
[/poem]

وشلون دنياك ولا اقول وشلونك
http://www.b3b7.com/vb/showthread.php?t=80218

[poem=font=",6,firebrick,bold,italic" bkcolor="black" bkimage="" border="none,4," type=1 line=0 align=center use=ex num="0,black""]

يالديره اللي جروحي حلّها طبّك=
وشلون دنياك ولا اقول وشلونك..؟؟
ياعل تسقى ربوعك كل ما طبّك =
محبوبي اللي غدا رهنك ومفتونك
نسناس الاشعار في وجه الورق هبّك =
يهز غصن الشعور العذب لعيونك
وعروق قلبي من اشواقي تلاعبّك =
ايتلّها لك غلا يحميك ويصونك
يانار الاشواق صدري كل ما شبّك=
كن المحاني عن السجه يراعونك
مزروع حبك بقلبي زارعه ربّك=
لعيون من يرخص الارواح من دونك
ماكنّك الا زلالٍ والغلا صبّك=
في جوف صدرن خفوقه ضامي مزونك
اهل الحفر يالحفر خلوني احبك=
من زود حبي لاهلك اللي يحبونك
[/poem]

اكرم ولا ادوس الخطا لاتمشيت
http://www.b3b7.com/vb/showthread.php?t=95314


[poem=font=",6,white,normal,normal" bkcolor="black" bkimage="" border="inset,4,silver" type=1 line=0 align=center use=ex num="0,black""]
بنت القصيد وبيت شعـري تبنيـت =
مني وفـي ونابـعٍ مـن صميمـي
انظم بيوت الشعر بيـتٍ ورا بيـت=
على حديـث الشعـر والا قديمـي
لاحسّني هاجوس شعـري تغنيـت=
وسريت ليلي مع قصيـدي نديمـي
لامن دعاني شـارد القـاف لبيـت=
وجا للمعاني فـي خيالـي رزيمـي
طبيت في سوق الجزيـل وتنقيـت=
ابيع واشري ماشريـت الحطيمـي
الشعر خاواني وانا معـه خاويـت=
من صغر سني قاف شعري كريمـي
ابدع جديد القاف بالحـال مابطيـت=
في وادي الجزلات فكـري يهيمـي
اكرم ولا ادوس الخطـا لاتمشيـت=
اشوم وابعد عـن مـدار الغشيمـي
في طاعة الله كل ماصبحت وامسيت=
فضل مـن الله ياعسـى يستديمـي
بين السطور بقاف شعري تجليـت=
اعتز في نفسـي وطبعـي حليمـي
في هرجة الهراج لا قال ماوحيـت=
مارخي سموعي مثل بعض الحريمي
اخذ هواي واوفي الكيـل لاعطيـت=
اعبد واخاف اللي بسـري عليمـي
شيهانةٍ فـي راس رجمـي تعليـت=
ارقى سما مانـزل بقـاعٍ يضيمـي
اعرف حدودي زين ماقـد تعديـت=
ادل دربـي واعرفـه مستقيـمـي
اقبل على المقبل والا اقفيت قفيـت=
اعرف صديقي زين واعرف خصيمي
اصلي وفصلـي عاليـه ماتدنيـت=
القاسمي جدي وساسـي قصيمـي
قافي نخانـي بالمديـح وتنخويـت=
والمعذره لو زدت عن حـد تيمـي
بنت القصيد وبيت شعـري تبنيـت=
مني وفـي ونابـعٍ مـن صميمـي
[/poem]