ياالله يامخرج من اليم ذالنون

بسم الله الرحمن الرحيم
الشاعر\ مشعل عسام التريباني الشمري
((يالله يامخرج من اليم ذالنون))

يالله يامخرج مــــــن اليم ذالنــــــــون (1) في بطن حوتن داخل اليم شالـــــــــه

يامهلكن في غبّة البحر فرعــــــــــون (2) يافالقن بحرك لجيــــش العدالـــــــــه

يامفنين بعد الغنا مـــــال قـــــــــارون (3) حيثه طغا واهلكت جاهه ومالـــــــــه

يـــــاباسطن كفّك لناسن يتوبـــــــــون (4) ياماهدن سبعن ومرســـــي جبالـــــه

قدّوس ياللي امرك على الكاف والنون (5) مابين كاف ونــــون ماراد جالـــــــه

قيّوم لك كلــــن سجد يطلب العــــــون (6) ياحي يارحمن جـــــــــلاّ جلالـــــــه

علاّم يعلم كل ماكــــــان مكنــــــــــون (7) ستار يستر كـــــــل حيّن يسالـــــــه

غفّار يغفر زلت الــــــــي يتوبـــــــون (8) جــــــــوّاد جوده كل حيّن ينالـــــــه

علام يعلم كل ماكــــــان وايكـــــــــون (9) كريم يكرم كل منهــــــــو لجالـــــه

يالله تغيـــــــث الدار ياخالق الكــــــون (10) غيثن يعم سهالها مع جبالــــــــــه

الارض والاشجارللعطف يرجـــــــون (11) يرجون همّال المطر وانهمالـــــه

حنا ضعوف ونرجي المد والعــــــــون (12) وانت الذي ماخاب منهو عنالــــه

الرزق بين ايديك لاشك مضمـــــــــون (13) نرجيك من مزنن تردّم خيالـــــه

يرخي هماليله علــى نجد بالهــــــــون (14) يروي ديار اهل الصخى والشـّكاله

امحّكمين الشرع ماهــــــو بقانـــــــون (15) ال السعود اهل الوفا والعدالـــــــه

خدّام بيت الله عسامـــــــا يهونـــــــون (16) ومحاربين اهل الفتن والظلالـــــه

اللي لنا من مـــــــــاعطالله يمّــــــدون (17) حكامنا اللــــــي ماتعدد خصالــــه

اخوان نوره ملتجــــــا كل مغبــــــون (18) روسن تعشق المرجلــــه والجزاله

اللي بدين الله على الشعب يقضـــــون (19) سلالتن ياحيها مـــــــــن سلالـــــه

وصلاة ربي عدما ترمش اعيـــــــون (20) على نبي الله وصحبــــــــــــه وآله

الله يجزاك خير وصح السانك اخي قصيده أكثر من رائعه لا عدمناك

اللهم امين اللهم امين اللهم امين
صح لسانك واجاب الله مسألتك

مشعل التريباني
جزاك الله خير

صح الله لسانك يامشعل
موفق
لاتحرمنا جديدك

صح لسانك
شاعرنا القدير \ مشعل التريباني
أبيآت جزله من راس جزل
سلمت يمينك ولآهنت ,,

صح لسانك ولا هنت

ابيات في غاية الروعه

استمتعت في قرائتها .. وتمتعت باسلوب فريد

اللهم امين
وسلم بوحك مشعل
بانتظار ماهو جديد
منك

صح لسانك
يالطيب
كفيت ووفيت

قصيده روعه

وصللل ودددوم هانشاااط

شكرا لجميع الاخوان والاخوات على المرور والاطرى الله لايهينكم

صح لسانك وسلمت ياجزل

يعطيك ربي العاافيه ماقصرت

قصيده جدا رااائعه

الشاعر الرائع التريباني
حروف وطنيه شامخه
ودعوات اسأل الله تعالى القبول
بارك الله فيك وفي حروفك المضيئه

احس احساس شكرالك على المرور والاطرى الله لايهينك

صح لسانك
وتسلم يمينك و يجزاك كل خير على هالأبيات الراائعه.