يرجع ربيع العمر بعد اتصالك........

بسم الله الرحمن الرحيم

السلام عليكم ورحمة الله وبركاته

اتمنى ان تنال اعجابكم..

يرجع ربيع العمر بــعــد اتصالك

.................وآنسى همومن من فراقك يجني

احلم بشوفك لاطرى لي خيالك

..................واسرح بجو الكون وآطير كـآني

حرً خفق يفرح بشوف اكتمالك

...................تكفى ترى تعبان تكفى احتضني

والله فلا بالبيض يآصل جمـآلك

...................كثير منهن يـاغـــلاتـي بــلـنــي

محدن نزل من بعد شدة رحالك

..................يبطن وانا زيدان هـن يـعـرفـني

من عقب ماني عايش في دلالك

.................حـرمت آعشق البيض لـويعشقني

لـبـيـه قـلـبـك هـالـك فيه هالـك

...................تـعــبــان وآيــام الــزمن تـعـبني

آشيل همك وش حصل وش جرى لك

.................ســآلــت انــا افــكـاري ولا علمني

يعني كذا خلاص ماهو بـ آنا لك

..................ودمــوع عـيـنـي نـازلـه يـحـرقني

لـكن بقلبي حـاجـتـن شـلـتـهـا لـك

..................غـلا غـلا حـتـى الـجـبـال سمعـني

رد الــصــدى والـلـه وآبـردهـا لـك

.................هـن كـلـمـتـيـن ولـو بـقـن يـذبـحني

ليت الذي يطري بالي طرى لك

..................عشان تعرف شـالــذي مـمـتحني

ذكرى تعيد احوال قلبي وحالك

...................آيــام راحــت مابـعـد يـنـفـعـنـي

صوره براسي ليتها في خيالك

..................مـاانـسـاهـ لـو افكار عقلك نسني

ليلة ظلام الـبـرد جـالي وجالك

..............وصوت المطر لـلـحين ماغــاب عـني

ماسك يمينك والشمال بشمالك

..................ورآسك بـصـدري والـعـيون سالني

تحبني..؟ قلت اقسم اني فدى لك

............................دام العيون السود مافارقني

ذكرتي الصوره او اعيدها لك

....................ولا ابـي ارسمها وابي اهديك مني

نسخه من الصوره تراها حلالك

................ والاصـل يـبقى لـي تــرى ذاك فــنــي

برجع واقول اشتاق انا لتصالك

...............وابــي انــتــظــر الـيـن منـتــي تـحــني

:

يسعدني اكون الفيرست
صح لسانك واعتلا شانك
ابيات راقت لي جدآ تسلم يمينك
نص عذب وجميل وبشوق لجديد قلمك
لاعدم ـــــناك

:
:

زيدان

صح لسانك وعلا شانك

قصيده عذبه ورائعه من شاعر رائع

سلمت ولاهنت...

زيدان الممتع
صح لسانك على هالمقطوعه
المرهفه
واصل جميل الحروف

صح لسآنك شاعرنا زيدان الشمري

ابيآت أكثر من رآئعه
ونص عذب
وانسكآب حرف راقي
سلمت ولآهنت ,,

ابدعت شاعرنا زيدان
سلمت وسلم احساسك

الاحساس رائع بين الكلمات ’’’وكلمات كلها صدق وإحساس


صح لسانك أخي زيدان الشمري




[align=left]
حاتم حائل
[/align]

فيض من المشاعر والاحاسيس الجميله ..


كل الشكر والامتنان على روعهـ بوحـكـ ..


وروعهـ مانــثرت .. وجماليهـ طرحكـ . المتألق




لكـ خالص احترامي

شآعريتك متخمة بآلحس وآلآبدآع شآعرنآ

صح لسآنك على هذآ آلجمآل آلرآئع بحروفك ..

صح لسانكـ زيدان الشمري
قمه في الجزاله باركـ الله فيكـ...

اقتباس: المشاركة الأصلية كتبت بواسطة ضحكة الدنيا    : يسعدني اكون الفيرست صح لسانك واعتلا شانك ابيات راقت لي جدآ تسلم يمينك نص عذب وجميل وبشوق لجديد قلمك لاعدم ـــــناك : :

صح بدنك الله يسلمك ويعافيك وشاكر لك الاطراء

اقتباس: المشاركة الأصلية كتبت بواسطة كبريــاء شـــمر    زيدان صح لسانك وعلا شانك قصيده عذبه ورائعه من شاعر رائع سلمت ولاهنت...

صح بدنك والله لايهينك

اقتباس: المشاركة الأصلية كتبت بواسطة احس احساس    زيدان الممتع صح لسانك على هالمقطوعه المرهفه واصل جميل الحروف

صح بدنك يابعدي والله لايهينك

اقتباس: المشاركة الأصلية كتبت بواسطة على النيه    صح لسآنك شاعرنا زيدان الشمري ابيآت أكثر من رآئعه ونص عذب وانسكآب حرف راقي سلمت ولآهنت ,,

صح بدنك الله لايهينك وشاكر لك الاطراء

اقتباس: المشاركة الأصلية كتبت بواسطة الزميلي    ابدعت شاعرنا زيدان سلمت وسلم احساسك

يسلمك ربي الغالي الله لايهينك