غني مناحه والكدر به بالانغام

اقتباس: المشاركة الأصلية كتبت بواسطة طلال الشمري ";1255527] بسم الله الرحمن الرحيم السلام عليكم ورحمة الله وبركاته هذي مجاراه بسيطه وهي رساله قبل ان تكون مجاراه لكل المسؤولين عن الطرق وخصوصا في شمال المملكه وبالتحديد حايل لأنه كل بين فتره وفتره نسمع حوادث تتكرر ويذهب ضحيتها بناتنا وأبنائنا عسى الله أن يرحمهم ويتغمدهم بواسع رحمته . أبياتي كانت مجاراه للأم التي كتبت في بنتها اللي ماتت يوم تقول :- عزو الدفاتر والكراسي والاقلام***** اللي على خط المدينه رموها وعـزو سمــو أميـر شتته الاقـــزاام***** تلاعبو فالجـامعه لين أحتكروها في ذمتكـ ياسعود من راحو أعدام***** أثنى عشر بنت بالحساب أحسبوها وكان المنايا طيرها فوقكــم حــام***** ماترده أيدين البشر كل أبوها عليـكـ يدعـــون الارامــل والايـتــام***** وأهل الفقيده وأمـها عند أبـوها تبكي وتشكي من كفل رزق الانــام***** على ذنوب الخلق يوم أذنبوها فجاريتها انا واقول :- [poem=font=",5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"    غنّي مناحه والكدر به بالأنغام = على رياحينن من السم عطوها بنتن توادع أمّها من ورى الثام = مع السّلامه مع مداعي هدوها لا تنسي الدفتر ولا خطّ مرسام = ولا ترتجي غير الرجا ما دعوها رسالتن تنشر على موج الآلام = ياسيّدي إترك كتابن قروها عطني يدينك وقطع الشارع العام = تلقى دامهم بالعلم ما دموها على الصحف نزفه تراتيل الأحلام = وأحلامنا ماتت غبينه نسوها إلبس عباتك لجلهم فيه مقدام = أرسل تعازي عادتن له خذوها مشكور كلّفنا مشاليح وهدام = ياسيّدي ما هذي اللي بغوها كفّك سخيّه للمقاسيم قسّام = مير البلا تحتك بلاوي رشوها تكفون ياهل الدّار ما عاد تنسام = انفوسن بالأرصف روحها به شروها مدري قدرنا بالملازيم ظلاّم = ولاّ قدرنا بالمسافي لغوها أستغفر الله ما تجاحدت بهيام = حرارتن بالجوف تكوي سقوها مشّي دموعن بالمناديل واكمام = وادعي على جثّه رحيمه بلوها سحابتن هلّت مناويح ووهام = مضمونها مشكى الشوارع كلوها[/poem] وسلامتكم تعليقاتكم ونقدكم شرف لي أخوكم / طلال الشمري

كلوها انا اشهددد

صح لسانك واعتلا شانك اخي العزيز طلال

عز الله انك جبتها .. كفيت ووفيت .. ارويتنا شعر وجزاله ..

رحم الله المتوفيات والله يصبر اهلهم .. وانشاءالله رسالتك تصل لمن يهمه الأمر

فقد بلغ السيل الزبى !

تقديري واحترامي لروعتك يا نبيل ..