۩۞۩ كـن شـاعـراً ۩۞۩

هلا والله وغلا إختي أنفاس الرحيل ..
أول شي تسلمين على هالكلام السامي
واللي اتشرف به والله عسى عمرك طويل .


ثاني شي صح الله لساانك يا بعدي على هالابيات
الابيات جميله وهي على مجزوء بحر الرمل لكن مثل ما قلتي إنتي
الشطر الأخير من البيت الأخير مكسور مهو مكسور باللي انتي لونتيه بالأحمر
شوفي انا بلون لك وين بدا الكسر باللون الاحمر :-

طالع عيوني للتقيتك وافهمه


كتابة البيت عروضيا كالتالي :-

طالع اعيوني للتقيتك وافهمه


* طبعا أنا حطيت حرف الألف كهمزة وصل وكتبيين للقارئ إنه حرف العين حرف ساكن .
* مثل ما شفتي يا وخيتي الكسر اللي باللون الأحمر من وين بدا ولا من قبل اللون الأحمر
كنتي ماشيه صح وعلى الوزن لكن صار هالكسر هذا .


* بالنسبه لكلامك إنه هل المشكله بالوزن لو المشكله بالوزن كان تبين لك من أول بيت
لكن إنتي شوفي الابيات كلها ماشي نفس وزنها ما عدا الشطر المذكور يعني معناتها الخلل ليس بالوزن.

* اللحن أنا ما أعرف بالألحان بصراحه لكن قد يكون أخذاك الطرب بالأبيات اللي قبلها
عشان كذا تحسين إنه هالبيت هذا موزون ومستقيم لحنه لكن لحنيه هو لحاله لين ينتهي الشطر
ووقفي ثم إرجعي لشطر الاول من البيت الاول ولحنيه على نفس اللحن اللي قلتيه لين ينتهي الشطر
ثم وقفي وشوفي فيه فرق ولالا يمكن يبان معاك ..!!


همسه // بعض الكسور باللحن ما تبان يعني قد يغفل عنها الكاتب او تكون خفيفه تلك الكسور
مثل اللي مر علينا من أبياتك يا خيتي لكن عموما إذا الإنسان وجد صعوبه في تحديد هل هو مكسور أم مستقيم
يرجع لطريقة العروض فهي تبيّن بشكل أفضل بكثير .


* التعديل يا خيتي لو تسحمن لي على الشطر الأخير يعني على عجاله لو كان هكذا :-
طالع عيوني مرايا وافهمه


بهذا أعتقد إن الكلمه يعني قريبه من كلمتك وهي تعديل سريع وعلى عجاله .




وابد وانا اخوك ما حنا طالعين من اي درس إلا مخلصين إستفسارات الجميع
وأسئلتهم وتعليقاتهم سواء بالزين ولا بالشين .




عوافي وانتظركـ ...