جريت حبر القاف بالمدح زامي

اقتباس: المشاركة الأصلية كتبت بواسطة طلال الشمري ";1315558] اليوم ابي اصير زي مطعون هالقصيده له سالفه ههههههه يوم الاربعاء اللي راح مهو اللي أمس صار علي حادث ويالله لك الحمد سلمت منه وعلى ما قيل بالحديد ولا بالعبيد فاللي ساعدني بالحادث وأسعفني للمستشفى رجال نشمي من أهل حايل وكان راجع لحايل وشاف الحادث قدامهم وساعدن وانا والله ابلشته واخرته عن رجعته فكتبت به قصيده رد ثناء على اللي سواه لي . والرجال إسمه / حمّاد سعود الرشيدي . ومليون نعم والله به . النص :- [poem=font="mudir mt,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"    جرّيت حبر القاف بالمدح زامي = تراقصي يا أمّ الترف في هواها أدندن ألحاني طريبه حمامي = تنشد معي باللحن هزّك شداها حمّاد نعم ٍ بك وأكرّر كلامي = حمّاد نعم ٍ بك يلجّك صداها وقف معي وقفة عظيم الكرامي = غرّد بها كلّ الملا في حجاها ما بلّلت ريش المحابر غمامي = لو يرتمي جزل المعاني شقاها يلمس طرف ثوبك قصيدي تنامي = ويثمر مطاليعه محالي رواها أهديك يا سيّد عريب العمامي = جنّه تحوفه بالحدايق رشاها فعلك سحابه هيّضت موج طامي = أسقت شغايا أرض ٍ كسير ٍ رجاها أقرا مراسيل الوفا والسلامي = وأتلي عليك اكتاب مجد ٍ قراها وارفع يميني بالتحيّه غرامي = تطول حمّاد السنافي دباها [/poem] وسلامتكم أخوكم // طلال الشمري تعليقاتكم ونقدكم ما هو الا شرف لي .

الحمد لله على سلامتك وانا اخوك .. ولا سلم العود الحال تعود .. بس ما قلت لنا شلون صار الحادث والاشياء هذي


<<----- نبي نشوف الخطأ منهو عليه


والرجال الرشيدي اللي اسعفك عز الله انه سنافي وكفو ويستاهل لأن بعض الناس هالايام يخافون ما ياقفون الله يهديهم بس



الله عليك وعلى شاعريتك يا طلال الله الله وربي رووووعه من جد


البداية عظمه على عظمه على عظمه


جرّيت حبر القاف بالمدح زامي = تراقصي يا أمّ الترف في هواها
أدندن ألحاني طريبه حمامي = تنشد معي باللحن هزّك شداها



طرب طرب ... وخالقي انها طربيه



ما بلّلت ريش المحابر غمامي = لو يرتمي جزل المعاني شقاها

لعنبو دارك صاحي انت ؟ وش هالصور وش هالجمال ؟ خييييييييال وربي خيال



الله يسعدك وتبقى رمز من رموز الشعر في بعد حيي ..



اعجاب ومتابعه دائمه

تقديري