][ .. بشّــار .. ][

واليوم بانت من مخابيك الاسرار
.......... ورّيتنا [ يالسّرْسري ] ما نعافه

حسْبي على اللي علّمك بين الاقطار
.......... تخْتال في ثوب [ الأسد يالزرافه ] !

شعْب ٍ ذبَحْته بين [ عالم ومختار ]
.......... [ واطفال ] في عُمْر الزهر يا حسافه !

اليوم دزّوا لك [ فواتير واِشْعار ]
.......... والدفْع باكر لو تطول المسافه

والحزْب يرْجع للميادين [ ج ... ]
.......... يَِعْرِض [ ح... ] ويلْتهي بالصرافه !

[ يالفارسي ] إفْطن ترى الوقت غدّار
.......... لا لبّسوك شْباكهم [ باللطافه ] !


بالله عليك وش اقول يا خالد؟ ...

الله ينصر دينك يا شيخ قسم بالله بديت اقرا القصيده وانا متلطم ما خلصت القصيدة الا
انا جادعن الشماغ والعقال ومفرع ..قسم بالله اقلااااااااااع وحمااااس تدريجي
من اول القصيدة الى اخرها..

الله ينصر المظلوم على الظالم..والله يعجل بمطيح بشار ويفك العالم منه

اما انت ياشاعرنا..مااقوول الا الله يرحم والديك اللي جابوك ويطول بعمرررك لكي نستمتع اكثر واكثر
تطرب..تطرب ياخالد الى ماله نهايه..

صح لسانك حتى ترضى عني..

بانتظارك بكل لهفه..

تحياتي وتقديري واعجابي الجم...