][ .. حضرة جنابه .. ][ صوتيه

.
.



السلام عليكم

هي جاءت هكذا .. اقبلوها كما هي ..



.
.






أبشْرح للورق همّي .. كتابه
.......... وابنْزف بالقلم صافي جوابه .. !

مدام انّ الورق يفهم شعوري
.......... فلا غيره صديق ٍ ينْهقى به .. !

شموخي يا شموخي وش نصيبك
.......... من الدنيا عقب ذيك الرحابه .. !

تعلّقْت بْرِجا روح ٍ بعيده
.......... عقب ماخانتك روح القرابه .. !

انا اشوفك ولا كنّي أشوفك
.......... مثل هاك السبع بين الذيابه .. !

عزلْهم عن مرابيعك حسود ٍ
.......... رمى طير الهنا وادمى صوابه .. !

ترفرف صورتك باقصى الأماكن
.......... ويجْهل قيمتك حضرة جنابه .. !

رِسَم لك بالخفا صورة طريق ٍ
.......... مَنَع بعض المواليف إقترابه .. !

شموخي شف سواياه وْتَرَفَّع
.......... يبي يلْغي وجودي في خطابه .. !

وانا اللي لو نقِش باللون إسمي
.......... أزيد الْوانهم عِزّ ومهابه .. !

ولا يَغْلى علَيْ غالي لأنّي
.......... مليت الكون ترحيب وذرابه .. !

أجي مثل القدر مالي محاري
.......... إذا شقّ المطر قلب السحابه .. !

وارشّ بحاني البسمه سوالف
.......... واجمّل بالفرح وجه الكآبه .. !

بعيد بْغاية طْموحي عن اللي
.......... تساوى في حضوره مع غيابه .. !

تعبْت امشي وانا شايل همومي
.......... على درب ٍ تولَّجْني سرابه .. !

تحَلّيْ بالصبر يا عِزِّة ٍ لي
.......... ترى بعض الصبر يحْمَد ثوابه . !



.
.






http://www.mediafire.com/?mmm9thv8t1ot4cu