][ .. يا بعد حيي .. ][ .. صوتيه .. !

.
.



مساء الورد ..


الإهداء .. لها .. مع كلمة [ أحبك ]
وقد تكون آخر قصيده أكتبها ... !






.
.
.



بصوتي

http://www.mediafire.com/?zsf69cs1iv948ma



مع الشكر والتقدير للمصممه البارعه والمراقبه القديره شادن //

مسااء الخيرات

مالي إلا انتي اذا هبت شمااال

الله عليك ي خااالد
الله عليك ي خااالد

الله عليك ي خااالد

شعرك مختلف مختلف مختلف مختلف ...الين توصل فرنسااا

صح لسانك حبيب قلبي
وان شاء الله ماتكون الأخيره

افاااا ي بو شديقااات.. ....
ليش الاخيرة...!!
انشاااء الله تستمر خيووو وتكتب لناا وانت تزوووقح..^_^

كعاادتة شعركـ..
روووعه قليلة بحقك..
يعطيك العااافية,,وصح قليبكـ..

’’تحيـأإاتي ^_^

صح لسااانك وسلم بنااانك اخ خالد
قصيده رائعه والتصميم اروع
ننتظر الجديد
دع عنك كلمة اخر قصيدة

ياربييييييييييييييييييييييييييه لو انا اللي قايلها كان قطعت لساني خلاص

لله درك ياخالد تصدق قبل كم يوم جلست اقلب في قصيدك والله العضيم انك فحل


خالد العتيبي صح لسانك يالامير

.
.
.
خالد , لا أجملُ من صفحة تجمَعني بـ شاعريّتك [ حيثُ أخلفُنَا القَدَرْ ]
أيضاً , أثق أنّهُ لاشيء أعذب من أن أستمع لـ [ صوتكَ الجميل ] والذي أحاولُ في تحميله
كذلك , تتميـّز هذه الكلمات بتلكَ اللمسـَات من [ شادن ]

x
x

امممم مانختلف عليهِ فقط أنَهَا الأخيرة لـ [ قلوب مُحبيك ]

x
x

تحيـّة لك , ولكل مَن حضر لإرتشاف شيء من عذوبة صفحاتك

بالله اصبر
هذي اللي انت كاتبله القصيده وينه؟ معنا بالمنتدى انا بوجهله كلام
هيه انتي يامره اسمعي هههه اركددددددي واعقلي لا تزعلين الرجال علينا رضمه انتي ما تحسين؟ << امحق

الحين جاء دور القصيده
والله وتالله لو كان لي امنيه شعريه لتمنيت ان تكون هذه القصيده من ضمن قصائدي


الكلام اللي على بالي طرى...ارتجل صوتي على الصفحه وسال ؟
يخررررب بيتك قسم بالله مطلع محير في طريقة التركيب
بس لحظه تعال نشوف كيف يسيل الصوت ؟


من سحابٍ قاده الشوق وسرى...لاخر حدود الحقيقة والخيال

اذا هي سحابه شوق امطرت وسالت على الصفحه كصوت وهو
صوت الشعر يالله يالله تصدق اني حلمت بهذه الصوره البارح بعد ماقريت
القصيده ونمت..

باع صمته للمقادير وشرى...من تباريحك تواصيف ومثال

ياويلي ويلاااااه باااااع صمته خلاااااص واشترى
الكلام والغوووص بالفضفضه

والسؤال اللي من اللهفه قرى...في عيونك يابعد حيي سؤال؟

والله وش نقول هنا وش نخلي سؤال من اللهفه قرى سؤال ؟ ياشيييييييييخ اطعني تكفى
بس وشو السؤال؟

من على جمر الموده احترى؟...يبني آماله على درب الوصال؟

ياربييييييييييييييه من ؟ من ؟ جمر موده ودرب وصال ؟ مجنووووووووووون قسم بالله

ياقمر قولي علامك وش جرى؟...كنت انا شمسك وكنتيلي ظلال؟

ههههههههههه والله هنا اضحك منسفه وغايب عن الوعي
كيف للشمس ان تستظل ؟ ووشلون ؟ انا اعلمك يقول الشاعر
يا قمر في بداية البيت يعني انتي الظلال الا وهو الليل
وشبه نفسه بالشمس فعدنما تغيب الشمس يعني تستظل الشمس بظلال القمر وهو الليل ..يخرررررررب بيتك عالم فلكي

الربيع انتي وانا تحتك ثرى...ان ضميت اشرب من بحورك زلال؟

لحظه لحظه كيف للارض ان تشرب من الربيع ؟ انت مدرررري وش اقوووووول
هذه الصوره ابضا تحتاج الى عالم جيولوجي وعالم في النبات لكي يفسرها
فهي ليست بعيده عن معنى الشمس والقمر..ولا اريد ان افسد الصوره

وان بغيت ادفى فلا غيرك ذرى...مالي الا انتي اذا هبت شمال

يا آلهي ياربااااااااااه خليتني ابرد وادفى وارجع ابرد وادور ذرى يا سااااااااحر

لايعوق الذنب في وصلك ترى...اكبر ذنوبك لجل عيني حلال

يااااااااشييييييييييييييييخ تكفى رح حب راس ابوووووووك اللي جااااااابك
على هالبيت...هذا البيت مايقوووله شاعر يريد العبث هنا شعر حقيقي
وشاعر يريد الوصال العذب العفيف

اذكريني لا رحل طيف الكرى...يوم انا وانتي وثالثنا هبال ؟

اذبحني اذبحني خلااااص ماعاد ابي اسمع شعر اليوم كله
جرت العاده عندما يكون هناك اثنين يقولون ثالثهم الشيطان
وانت تقول ثالثنا هبال يعني عفويه وعفاف محبين آه بس

اسبق الخطوه وارجعها ورى...حارت اقدامي على شط الرمال

اصبر اصبر خل نشووف هالبيت وين رايح

اخجل القمرا جمالك وافترى...حسنك الظالم على قلبي دلال
قلت لك سمي ترى محدن درى...ليلةٍ عيشي ولا كل الليال

ياهوووووووووووه هنا التكمله بس اصبر اصبر

واسمعك جرحٍ من اوجاعه برى...للغرق يمك ينادي تعال

يارباااااااااااااااه انت اغرقتنا
اغرقتنا اغرقتنا شعر

جيتك وكل الكلام اللي طرى...مابقاله بالصبر عنك احتمال

ياويلي ياويلي يا شيخ تكفى تكفى مدري وش اقوول تكفى اسمحلي
ان اسكت هنا قفله تعيدنا الى مطلع القصبده وهو الكلام
اللي على بالك طرى..مابقاله بالصبر عنك احتمال


خلاااااااااااااااااااااص خلااااااااااااااااص
والله يعجز اللسان عن الكلام امام حضرة حرف من حروفك كيف بقصيدة
خالد...ابداااااع لا ينتهي ومهو على كيفك اخر قصيده ولو وصل الامر
الى اني اهجيك بقصيده بس عشان ترد واستمتع بقراءة حرووفك هههههه
وتدري والله اني اشكر حبيبتك اللى سوت فيك هاللون وطلعت لنا (هالحوريه الشعريه) ههههه
صح لسااااااااااانك من هنا الى يوم القيامه...
تحياتي وتقديري واعجاااابي الكبير بكل حرف سكبته لنا هنا ...

اهلا وسهلا بك حياك الله
رائعه واكثر ماشاءالله
وباذن الله لن يكون آخر نص
سرني تواجدي بين احساسك العذب
صح لسانك مليار ولايكفون
وتسلم يمينك من النار ولاهانت يسارك
دمت بخير لاينتهي

والله وطلعت تحب ولك قلب كله احساس
بس ليش ماقلت لي يادووووب ...؟؟
بحق ذي يابو نوره

لكن ترى ماهقيته منك تبطل كتابه
مع العلم ان الي يحب تتدفق منه
العاطفه انت غير عجيب امرك هههه

لكن دامك انت قررت محد رادك ولا كلامي
بيردك لكن ابيك تقبل مني هالبويتات كتبتها
من خاطري لك

رح فمان الله لاترجع ابد
دامك انت اخترت بعدي ياعزيز

يوم كلن وقف بوجهي ونقد
قلت خالد ماتركه مهما يصير

وهذا خالد يوم اضناه العشق
ضحى ب صحابه وضحابي مدد

خالد
كل بيت يقول الابداع يقف عند نهايتي
شي ليس بالغريب على صانع الحرف مثلك

ولي الشرف ان اتوج تصاميمي بابياتك

واخر قصيده تكتبها بالغزل ايه لكن ببعد حيي لا

وتستاهل اعظم تقييم بكبر هالتصميم

موفق اخوي



الحمد لله تم التقييم بعد معاناه

:
:

رائع ومتفرّد انت
نص ممتع . . !
صح لسانك ي الطيب

:
:

كلمات وتصميم بقمة الرووعه
صح لسانك والله يعطيك العافيه
وإن شاءالله ماتكون الأخيره .

اقتباس: المشاركة الأصلية كتبت بواسطة حآلي الذوق    مسااء الخيرات مالي إلا انتي اذا هبت شمااال الله عليك ي خااالد الله عليك ي خااالد الله عليك ي خااالد شعرك مختلف مختلف مختلف مختلف ...الين توصل فرنسااا صح لسانك حبيب قلبي وان شاء الله ماتكون الأخيره

هلا والله بصقيقي تشارمنق


لين فرسا ههههههههههه حللللوه ..

والله انت اللي ذوقك مختلف .. يسلم لي هالاحساس ما اجمله ..

وصح بدنك ونقول انشاءالله يالغالي


كل التقدير على هالحضور اللذيذ لا عدمنا هالوجه يارب ..


تحياتي وعظيم امتناني لك //

اقتباس: المشاركة الأصلية كتبت بواسطة مخاوية الليل    افاااا ي بو شديقااات.. .... ليش الاخيرة...!! انشاااء الله تستمر خيووو وتكتب لناا وانت تزوووقح..^_^ كعاادتة شعركـ.. روووعه قليلة بحقك.. يعطيك العااافية,,وصح قليبكـ.. ’’تحيـأإاتي ^_^

وين الشديقات يا حسره انا نحفان يا مخاويه




لكن حضورك لي مثل المطر يبلل جفاف مشاعري ويرويني يا مميزه

لونك نوع خطك .. حتى ابتساماتك حلوه وربي .. الله يديمك وما يحرمنا الغالين الطيبين مثلك وشرواك


تقديري

اقتباس: المشاركة الأصلية كتبت بواسطة البرّاق    صح لسااانك وسلم بنااانك اخ خالد قصيده رائعه والتصميم اروع ننتظر الجديد دع عنك كلمة اخر قصيدة

هلا بشاعرنا الرائع البراق


صحت روحك يا عزيزي والاروع هو حضورك ومتابعتك لا عدمتك

والجديد عندك يا مبدعنا ونحن بالإنتظار .. وانشاءالله يصير خير وشكرا على هذه الدعوه الأخويه الصادقه


كل التقدير والاحترام لمعالي حضورك


تحياتي