لا ترتجي ضحكي ليا صرت غايب

لآ ترتجي ضحكي ليا صرت غايب
ولآ ترتجي خآطر همومه كثيره

الوقت لعبه ما نفعها طلآيب
وانا كسير ٍ والليالي مجيرهـ

وجدي على من مات بالشوق شايب
مآ شآشفت عْيونه سوآهآ بصيرهـ

يمرّ عآم ٍ والمجآرح ندآيب
مرسومة ٍ بالعين لو هي ضريرهـ

جمر الغلآ بالشوق يلعب طرآيب
والدمع يذرف من سبآيب سعيرهـ

لو حآل بين الحب سبعين نآيب
مع حبنآ لله يمسّه قصيرهـ

صحيح أنا بديآر والحآل عآيب
لكن مرآسيل المحبّه شطيرهـ

وصحيح مآ حنآ عروق ونصآيب
لكن عروق القلب تبقى سفيرهـ

البآرحه عيني كمآ عين تآيب
هلّت حنينه والمعآبر غفيرهـ

مآت الوصل بالنآس والوضع سآيب
وكلّ ٍ على مرمآه يركب بعيرهـ

أرخيت رجلي فوق ضلع العجآيب
أرجي عسى صوتي يجيب البشيرهـ

إقرا كلآم ٍ من صدوق الكتآيب
وأختر على كيفك سلآم ومطيرهـ

رجوآك باللي كلّ مآ دبّ هآيب
مآ خآب من يرجآهـ لو هي كبيرهـ

وأحذر رفيق ٍ بالموآجيب خآيب
ولآ الرّدي مآ قد سمعنآ نعيرهـ

وإن غبت خلّك بالمثآقيل جآيب
مدّت كريم ٍ مآ مثيله خشيرهـ

نآس ٍ تجيب الضيق قسمة وهآيب
لين الحنآيآ هزّها من عسيرهـ

الجرح لآ من صآر بيد القرآيب
يبطي وهو بالجوف يسمع هديرهـ

أقفيت عنهم والسبآيب سبآيب
مآ غير سيف الشوق ضيّع جفيرهـ

أضحك لحآلي والدموع الضرآيب
والحظّ مثل حْظوظ الأسلم حديرهـ

صورة حبيب الروح بين الهدآيب
مآ تنمحي لو بيننآ كمّ ديرهـ




وسلامتكم أخوكم / طلال الشمري ...

اخوووي الغالي
طلال يسعدني ان اكون اول من علق ورد على
ماكتبته لنا

بدوون مجاملات قصيده بقمة الروعه والجمال وصح لسانكـ
يا الغلا مبدع

قصيده شآمخه
جزله ومعآني وآحسآس انسكب بعذووبه
فكآنت لوحه شعريه معبره
شآعر جزل ومتمكن
صح لسآآنك حتى الرضآ
وسلم الفكر والبنآن
دمت ودآم وهج حرفك
وطآبت آيآمك ,,

كما عهدتك
ياطلال
تبقي مبدع ولاتاتى الا بالجزل
صح لسانك ملايين
وعلا شانك
ولاهنت
تقديري

صح بوحك
راائع ما قراته هنا
شاعرناااا
" طلال الشمري "
لقد انسكب شهد

ابداعك فأسكر الحروف وأثمل الكلمات

وتبعثرت المعانى الوردية

على طرقات الحب

السرمدية كم جميل ان نعشق

لكن الاروع والاجمل

ان نعشق من يستحق هذا الحب

سلمت وسلم قلمك وابداعك

وبانتظار جديدك
ودي وشذا ورودي

اقتباس: الجرح لآ من صآر بيد القرآيب يبطي وهو بالجوف يسمع هديرهـ أقفيت عنهم والسبآيب سبآيب مآ غير سيف الشوق ضيّع جفيرهـ

خطيرة هذه الا بيات
صح لسانك ولاهنت على هالهطول الربيعي الجميل
والصور والتراكيب البديعة ..
ممتنة لهذا الامتاع الذي قدمته لنا ..

:
:

كل سنه وانتا طيب
بحق رائعه صح لسانك
يعطيك العافيه اخي


:
: