هلا زايد هلا

السلام عليكم ورحمة الله وبركاته

هلا يامنتهى عمرٍ قضيته بالخفا دوار
هلا يا مرحبا يأحلا القصايد وأجمل ابياتي
هلا يا شعرٍ يسر العيون ويحرج الشعار
هلا يا سحرٍ وحبرٍ يعيفني كتاباتي
هلا باسمٍ ليا شفته وقفت وقلت ياستار
هلا با للي يبعثرني قصيد ويجمع أشتاتي
هلا زايد هلا مثله ولوهي تنحسب تكرار
يهون الضعف لعيونك واقدم لك تحياتي
هلا مليون لا والله قليل الا هلا مليار
هلا كثر إشتياقي لك هلا بك عد آهاتي
رجوعك ريح أعصابي وطفى بالضماير نار
لإن الحزن بغيابك حسبته من هواياتي
تركتيني وقفيتي ولاجاني جديد أخبار
وأنا من يومها أردد متى ترجع متى تاتي
يمر بمسمعي (مزعل) يغني لي صبرت أمرار
غراب البين بغيابك يشاركني معاناتي
عطيتك يا لغلا نبذه تبين لك وش اللي صار
عساني ما أفقد حظورٍ يعوض كل مافاتي
ابنزل للبحر وأجمع بيوت اللول والمحار
الا يا طالب الغالي لزوم تسوي سواتي
رخيص الهرج تلقونه قريب وبأرخص الأسعار
زبونه يلحق الكلمة عبارة قافها آتي
واناماني مثل غيري لوإني عاكس التيار
أحب الفلسفة وأفصل خيالي عن محاكاتي
الا يالايمي خل الملام لماجد النصار
عرفته شاعر كنه يصوغ الشعرعن ذاتي
انا الليلة على جوه نويت أكمل المشوار
ابكتبني وتقراني وابفتح لك ملفاتي
ابغنم هبت رياحي وأغني لك من الأشعار
مدام الريح عادتها السكون بمعظم أوقاتي
انا ماارضى لمحبوبي كلام محتواه إنذار
ولا أشدد ولا أهدد بحذفك من سجلاتي
ولا أشبهك بالخاين وأقول أخطيت ياغدار
معاذ الله من كلمة تزيد حساب سياتي
حبيبي خذني بلطفك ولاتزعل من الثرثار
لعله يتسع صدرك على باقي متاهاتي
ابي كلمة توضح لي مصير التايه المحتار
عشان ارتاح من كثرة هجوسي وأحتمالاتي
أذا قلبك هوى غيري خلصنا والقلوب احرار
عليك الخطوة الأولى وانا أسدك بخطواتي
توقع لا توهقنا وتلفت غافل الأنظار
أعرفك ما تمنالي مصيبة فوق مأساتي
وداعً يا شقا عمرٍ قضيته للعنا دوار
وداعً يا بعد حي القصايد بآخر ابياتي

عطيتك يا لغلا نبذه تبين لك وش اللي صار
عساني ما أفقد حظورٍ يعوض كل مافاتي
ابنزل للبحر وأجمع بيوت اللول والمحار
الا يا طالب الغالي لزوم تسوي سواتي

صح لسانك وعلا شانك شاعرنا القدير عواد العلي
قصيدة رائعة وجزلة راقت لي جميع أبياتها
يسلم راسك يابعدي

تقبل خالص احترامي

صح اللسان والبوح غالينا

تسلم ويسلم قلمك واحساسك


شكرا لهذا الجمال ياغالي

يامالا العافية على القصيدة جازت لي بالحيل

ابدعت وتفننت صح فكرك وبوحك عواد العلي


لاتحرمنا جديدك

الله الله صح لسانك شاعرنا وعلا شانك وحي حضورك الراقي

هلابك ياعواااد وصـــــــــح لسانك ملاااايييين
لاعــــــــــــــــــــدمنا وجووودك.

سلمت يداك
جميل جدا شكرا

اقتباس: المشاركة الأصلية كتبت بواسطة الـ ساري    عطيتك يا لغلا نبذه تبين لك وش اللي صار عساني ما أفقد حظورٍ يعوض كل مافاتي ابنزل للبحر وأجمع بيوت اللول والمحار الا يا طالب الغالي لزوم تسوي سواتي صح لسانك وعلا شانك شاعرنا القدير عواد العلي قصيدة رائعة وجزلة راقت لي جميع أبياتها يسلم راسك يابعدي تقبل خالص احترامي

الاستاذ العزيز الساري
صح بدنك وشكرً لك

اقتباس: المشاركة الأصلية كتبت بواسطة هدوء الجوري    صح اللسان والبوح غالينا تسلم ويسلم قلمك واحساسك شكرا لهذا الجمال ياغالي

بل شكرً على مرورك الفخم والرد الجميل

اقتباس: المشاركة الأصلية كتبت بواسطة مزون شمر    يامالا العافية على القصيدة جازت لي بالحيل

الله يعافيك
واللي يجوز لك هو المبروك
تحياتي لك
مزون شمر

اقتباس: المشاركة الأصلية كتبت بواسطة ولد القصيد    ابدعت وتفننت صح فكرك وبوحك عواد العلي لاتحرمنا جديدك

تسلم ياولد القصيد
اشكرك جزيل الشكر
وصح بدنك

اقتباس: المشاركة الأصلية كتبت بواسطة سمو الذوق    الله الله صح لسانك شاعرنا وعلا شانك وحي حضورك الراقي

صح بدنك عزيزي
مشكور

اقتباس: المشاركة الأصلية كتبت بواسطة ابو طارق الشمري    هلابك ياعواااد وصـــــــــح لسانك ملاااايييين لاعــــــــــــــــــــدمنا وجووودك.

هلابك اكثر
وصح بدنك

اقتباس: المشاركة الأصلية كتبت بواسطة أمير الشمال    سلمت يداك جميل جدا شكرا

العفو
مرورك اجمل