ابوخالد تاج راسي وذخري وسندي

ابيات كتبتها بالاخ العزيزراضي نشمي الجنيدي الشمري يوم توسط لولد اخوي
طلال محمد بالتجنيد جزاه الله خير وبيض الله وجهه
[poem=font="simplified arabic,7,black,bold,normal" bkcolor="white" bkimage="" border="solid,8,black" type=2 line=0 align=center use=ex num="0,black""]
ابوخالد تاج راسي وذخري وسندي=فزعة اللي كل مااحتاج للفزعه نصاه

قام لي في لازمي جعل يفداه الردي=قام لي في لازمي ماتجاهله ونساه

اخو سعدى درع جنبي وظلي وسعدي=راح يوصي في لزومي وينخى لخوياه

هوبذل جهده ووصى على شان ولدي=ومن بذل جهده لنا الحق نظهرله ثناه

كان ربي راد له شي هذا مقصدي=وكان مالله راد هذا النصيب ومحتواه

المهم انك بذلت اجتهادك يبعدي=ومن بذل جهده تجمّل بمن قام ونصاه

احضري ياشرد الابيات في بصمة يدي=شرّدن في كل الاحيان تتلوها الرواه

واذكري راع الجمايل وبالفعل اشهدي=وارفعي راية بياضٍ على كل اتجاه

ياحروف الشعر حلي وخري واسجدي=لبوخالد هاتي اللي يليق بمستواه

معلمن للطيب يوصف مثل نجم الجدي=ماتعذر عن صديقه ليامنه نخاه[/poem]


اخوك مشعل عسام الغافل التريباني في1443/8/27هـ

تسلم يابوعبدالرحمن وصح لسانك ملاااايييين
وراعي المعروف يستاهل هذه الشامخة
تحياتي لك لاعــــــدمنا وجووودك.

تم التنســــــــيق

صح بدنك اخوي ابوطارق
لاعدمناك وابوخالد يستاهل اكثر

ونعم فيه وفيك الفزعه قليل هالوقت من يسويها

تعيش مشعل بيض الله وجهك

اخوي سلطان
ونعم بلحيتك يبعدي وصح بدنك

ونعم بالمادح والممدوح
ابوخالد يستاهل وانت كفو

اعجبن كثير ايضاحك انه بذل جهده واستحق الثناء
صح لسانك عميد الشعراء

اخوي عواد العلي
صح بدنك لاهنت شكرا لمرورك لاهنت

بوح لاغريب من شاعر لاغريب
اسعد الله قلبك وقلمك شاعرنا مشعل

احترامي وسلامي

اخوي شاعرقوافي
شكرالمرورك لاهنت يبعدي

بيض الله وجهك مشعل وصح لسانك يالامير

يسلّم قلبك شاعرنا المميز
الهي يسعدك وَ يديمك

صح لسانك قصيده مميزه شكرا