هذا فعل زبن المناعير سلمان

قصيده متواضعه في رجل الانسانيه
الامير الانسان /الامير سلمان بن عبدالعزيز
تعبيرآ عن محبتي له وتقديرآ لمواقفه النبيله
التي لاتعد ولا تحصى.....
شدني موقفه مع الطفل عبدالمجيد العنزي
عندما دفع عنه مليون وتسعمائة الف ريال
وأعتق رقبته من القصاص
آمل ان تنال شيئآ من اعجابكم


[poem=font="Simplified Arabic,7,indigo,bold,normal" bkcolor="transparent" bkimage="backgrounds/27.gif" border="solid,4,darkred" type=2 line=0 align=center use=ex num="0,black"]
نفسي عزيزه ماامدح فلان وفلان=
=الا الذي شفنا فعوله شهيده
هذا فعل زبن المناعير سلمان=
=وجه السعد ذخر المليك وعضيده
فك الرقاب اللي عليها الوعد حان=
=وحط الفرح في كل نفسٍ تريده
تسلم يمينك ياسلايل كحيلان=
=يالوايلي شرّفت كل البديده
طيبك مجرّب ماتغيرك الازمان=
=حليم تنظر للأمور البعيده
كريم سبلا تعطي أيديك بأحسان=
=وترفى الحمايل بالظروف الشديده
فيك العدل دايم على الحق سلطان=
=مافرّطت يمناك بأمر العقيده
شاركتنا حتى بفرحنا والاحزان=
=وعلّمتنا معنى الصفاة الحميده
مثل الذهب معدنك ياعالي الشان=
=قدرك كبير ولاتوفّي القصيده
وشلون مانغليك ياطير حوران=
=غلاك عز وواجب انّا نزيده
الله عطانا حب سلمان الأنسان=
=ذا طبعنا ماهي علينا جديده[/poem]

الاطرق بن بدر الهذال