سوالف العيون

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

لا تنزعج ولا تصدق ظنونك = والله لوانك قافية لحترفها

قصيدةً ماهي تحرك شجونك = يكرم خيالي باحلف ماعسفها

أنا قصيدي ماعرف كون ؛ كونك = يطوي فيافي طينتك من طرفها

عصفور شعري ماكره في غصونك = مافتّحت وردة وهو ماقطفها

يكسر مشاوير المسافات دونك = فيلا تهامت غيمتك له رشفها

يظماك حاضر كيف لاقفت ضعونك ؟ = ظنك بتبقا دمعة ما ذرفها؟

حتى عيوني في نظرها تصونك = لو تنظر بغيرك طعنت بشرفها

عيون ما تعشق سوالف عيونك = ماهي عيونٍ لي ولا أنا عرفها

أنا الذي يعشق صخبك وسكونك = لو ان مثلك سيّةً بغترفها

كُل الطعون الّي هنيا طعونك = تبغي تأكد شق صدري وشفها [/poem]