إيــــــاك !!!

أبيات متواضعة أضعها بين أيديكم وانتم الفيصل بالحكم ..

[poem=font=",6,darkred,normal,normal" bkcolor="transparent" bkimage="http://www.b3b7.com/vb/mwaextraedit2/backgrounds/168.gif" border="none,4," type=2 line=0 align=center use=ex num="0,black""]
إياك ياصاحبي عن البوق ابنصحك إيـاك=خلّك من اللي يستر عرض جيـران داره
باكر على غدرك بالجـار ربـك بيبـلاك=وإن مت تبقى ليوم الدين بسجلـك امـاره
وابعد عن اللـي بأزمتـك روّح وخـلاّك=وفزّع اللي ليا نخيتـه رد كنّـه شـراره
ولا تزعل مـن يـدور بالغـلا رضـاك=والله إن هالوقت من يرضيك هي البشـاره
ابنصحك مادام تسمـع كـل حـي نـاداك=ابنصحك وكلٍ يمشي على كيفـه وقـراره
لو ما أعزك ماكان شفتني اليـوم أرجـاك=وما شفتني اليوم ماسـك بوجهـك خفـاره
وإن ما طعتني حالـف وربـي لا أنسـاك=وشلون أعاشر إنسان مـا بقلبـه طهـاره
إياك تغدر بشخص على الطيـب خـاواك=إياك ماتتبـع طريـق الرجـال ومسـاره
واخفض جناح الذل لوالدٍ على الطيب ربّاك=وابعد عن ما يكدرهم ترى بتاليها خسـاره
ماهي خسارة مال جعـل المـال يفـداك=لا والله إلا خسارة الفردوس هي العبـارة
ياصاحبي لاشفت المحتـاج مـد يمنـاك=واعلم تـرى بالأخـره بتقطـف ثمـاره
واللي خلـق آدم و علـى الذيـب سمّـاك=إنك ياصاحبي من طيبين الرجال وخيـاره
وأنا ماقصدي أملي عليك وأمرك وأنهـاك=القصد كل القصد نصيحـة جـارٍ لجـاره
وان كان الهرج يا صاحبي ازعلك واطناك=لا تواخذ شخص يعتبرك مثل طلعة نهـاره [/poem]

تحياتي / خالد السويدي