يالله اني دخيلك عن زمانن نشوفه

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,7,black" type=2 line=0 align=center use=ex num="0,black""]

يالله اني دخيلك من زمانن نشوفه=ترحـم اللي لـجودك دايم الـدوم ناصي
عن قلوبن عـطـتـني بالتوالي جـنوفه=تـقـل تطلق لـجوفي من عيونه رصاصي
لو مـفاتـيـح رزقـي تاصلن من كـفوفه=وخالق الكون كله ماسقـونـي قـلاصي
لو سكنت النوايف هاجمتني صفوفه=او تيامـنـت عـنـهـم في حدود النـمـاصي
لاتكلم خـذا بـي قـبـل هرجه بروفه=وقام يعـطـي سبيت ولو عـطيناه هاصي
ان لـقـانـي عـطـانـي بالـموده حـلـوفه=وان عـقـبـني رمانـي بالـردى والمعاصي
الفعول الـجـميله من يـمـيـني تـطـوفه=ينطلق من يمينه مسرع(ن)فوق شاصي
الـرديه يـجـيـهـا صـافـرات(ن)بـلـوفه=وان توسط(وحول)اهل الرديات غـاصـي
والاوادم خـطـاها دايـمـن في كـتوفه=والله ارحم بـحكمه من عـفون النواصي
السوالف بـعـرضـي تستـوي في رفوفه=شغلـته نـشر عـيـبـي بين دانـي وقاصي
يـنـشره قبل يـضـبط قصته مع ظروفه=والنـفـوس الـنـقـيـه ماتـجـيـبـه خـراصي
كيف اقرب بـطـيـبي في طوارف كـنوفه=وان بـغـيـتـه يـمـرر كـورتـه مايـبـاصي
لو صكوك الـمحاكـم طـاعـته في حـروفه=كان يصدر بـحـقـي ياجـمـاعه قصاصي
ان ظـهـر له ندانا يكـتـمه وسط جـوفه=وان وطينا خطيه يكـمشه تـقل ماصي
ارتحل عن وجـيـه(ن)ماعـلـيـها حـسوفه=وللنفوس الـنـقـيـه عـن نـفـوسه مناصي
وراعي القلب الابيض واضحاتن وصوفه=نسل قومن كرام(ن)للمراجل حراصي
وش يسوي خـفـوقن والضواري تـحـوفه=وعن فزوع الـقرابه صاح يبي الخـلاصي[/poem]