قصيدتي وارجوا ان تعجبكم وابي دعمكم

الغالى تم تك
القصيده من حيث المعنى لاغبار عليها
ومن حيث الوزن مكسره الى ابعد الحدود
مع وجود كلمات لاتصح بان تكون تقفيلة صدر او عجز
مثل اول شطر بالقصيده انت شددت بالصدر وارضن ماتجي

من ضمن الصدر كتقفيله للصدر

ياللـه ياخـــالق السماء ولاراضن ***** ياواحد مانعبد غيرك شريكـــــا
انت الـذي تشــــفع بـــلا مـــــن ***** ومافيه مضلوم مادعـــاء إليكــــا
تزيح هــــــم بين الاضـلاع تمكن ***** خفت اقترابه وأصبح وشيكــــــا
ثم بشكي الحال لبو سلطان لياتفنن ***** مبدع قصيده من الفكار مايشتريكـا
ليت الهوا يـا فهــــيد يتثــــمــن ***** لشري هوا قلبي وله الروح افتديكـا
ابو مبيسم يرهب العـقل ويجـــن ***** مثل البرد نازل من المزون الركيكــا
عين أشعلً شافـهن بسماء يحومـن ***** نوى الهداد وصوته يصرك صريكــا
عدل الناكـب والجناحيـن يضفــن ***** كفـه حـرش وبطــرافـــهن شويـــكا
أبوخـدودً من ورى الشـال يـضون ***** شــعاع شمــس لــياقــام يحتريكــــا
وزْول عودخيزران مع البني يلعبن ***** بوسط ساحــات الطــرب والمزيـكـــا
قله يابو سلطان من عقب لا أجـن ***** أرحـم خليـلك اللـي احـسن الضن فيكـا

تعديل من وجهة نظرى

يارافع ٍ سبع السما وسبع طمن--------يالواحد المعبود مالك شريكا
انت اللذى تشفع لخلقك بلا من------يامستجيب اللى توجه اليكا
تزيح هم ٍ من ظلوعى تمكن ------- اصبح خطر والموت منه وشيكا
بشكي لبو سلطان اليا من تفنن -----صاغ الحروف بفكر ولاله شريكا
ليت الهوى يافهيد جرح ٍ يثمن -------لاصيح للغالى واقول افتديكا
ابو مبيسم يرهب العـقل ويجـــن ***** من مزنة ٍ هلت بردها ركيكا
عين اشعل ٍ يومه لمحهن يحومن ---نوى الهداد وصار يصرك صريكا
ابو خدود ٍ من وري الشال يضون ---- شعاع شمس ٍ والا لمعة تريكا
يلفت نظر بين العذارا ويفتن ---- لوهو بساحات الطرب والمزيكا
تكفى يابو سلطان من قبل لاجن----ينخاك صاحب احسن الظن فيكا



على معرفتى وانا عليمى بالشعر تكون كذا افضل وموزونه والمعنى مشابه
لما اردت انت هذا واعذرنا من القصور
عندك البيت شمس لياقام يحتريكا الشعاع مايحترى احد
ولاهو من باب التشبيه يحترى الشعاع
اتمنى وصلت لما انت تريد واتمنى تتقبل رايي
بصدر رحب وهناك من هم اكفاء منى وبامكانك الاستشاره
لاكثر من شاعر
وصح لسانك
ولاهنت



تقديرى