((ديوان الشاعر نواف الدحام))

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]


ليتك تعرف اش كنت من قبل مامنت =تعبت وانا اعطيك شي ماهو لك
انته توردني على الموت في صمت =وسيفك بكفك يلهمنه فعولك
نجزاك طيب تبدل الطيب بالشمت =الله حسيبك قلنا من يطولك
نتعب على لاماك نرجي بك النبت=واليوم وردك يشتكي من ذبولك
اليا ذكرتك بقضي الليل مانمت =وانا انتظر سحبك تبشر هطولك
واليوم شفتك وامحل الورد والنبت =اثريك غيمه ماتبلل سهولك
لا واحسايف فالزمن وش معك جبت =مانته كفو والبس هتايت سمولك
خذها وحللها ترى منك انا جزت =دور بدالي ينهظك في ميولك
ماعاد تنفعني وانا منك قد شبت =زرعت في جوفي مواجع خلولك
حسبي على اللي علمك لعبه الكبت =خليتني لمجاذب الليل حولك
كني حريسك وانت كنك لنا بنت=ندرى يجيك العيب لا حام جولك
خضت المعارك وانت بالعون ماعنت=خيبه رجاء منهو يطالع بزولك
كبرك يهيب واستمع عنك برهنت=انك رقم ناقص وطنه رجولك
تحسب حساب الرجل وانته ولا بنت =وقدرك يساوي ماوطنه نعولك
اما تعلم بالزمن قول لاهنت =والناس جنب شرها لا تنولك[/poem]




http://www.b3b7.com/vb/showthread.php?t=51549