نائب وزير الداخليه.. بضيافة بن طواله

اقام الشيخ/سطم بن فارس بن طواله بحضور اعمامه واخوانه وبناخيه سمو الامير/فيصل بن سعود ال سعود ووجهاء قبيلة شمر يوم الاحد17/1/2010 في منزله بالرياض
حفل عشاء على شرف نائب وزير الداخليه صاحب السمو الملكي الامير/احمد بن عبد
العزيز ال سعود وابنه(عبد العزيز) ومجموعه من الامراء والشخصيات البارزه بالمملكه
وشارك بالحفل الشعراء/عواد بن طواله@عبد الكريم الجباري@خالد العتيبي(شاعر
المليون النسخه الثانيه) وتشرفت بالمشاركه بهذه القصيده:
[frame="6 80"][frame="6 80"][frame="7 80"]
[frame="2 80"]
[poem=font="simplified arabic,5,white,bold,italic" bkcolor="indigo" bkimage="" border="double,5,orange" type=1 line=0 align=center use=ex num="0,black""]
بسم ربعي كلهم..شيخ وجماعه=قمت واصلي على راع الشفاعه
شاعر وبالموجبه من دون ربعي=اكمل الماجوب..وحفظ الوداعه
وبالمواقيف اصدق الشَعار..شاعر=كلمته..تعكس شعوره وانطباعه
ولجل أجمّل شيخٍ لحفله دعاني=جيت..ومن الشعر جبت اغلا بضاعه
بجتماع الطيبين..ببيت طيب=من يلوم الشعر لارفرف شراعه
مرحبا باللي يشرفنا حضوره=عد براقٍ سرا يوضي شعاعه
وعد ما هبت(صبا) نجد العذيه=وعد..من وسط الحرم صلوا جماعه
بالامير (احمد) ..ومن جاء مع سموه=ياهلابه..وابرك الساعات ساعه
ساعةٍ فيها حضر عند(الطواله)=منزله بقلوبنا..والقاع قاعه
الامير اخو الملك..وابن المؤسس=من بنى المجد وتعلا بارتفاعه
وحّد الأمه..وزال الظلم كله=وأصبحت بأمن ورخا..عقب المجاعه
ياعساها جنة الفردوس داره=واشهد ان السبع عقب له اسباعه
والبلد في عهد (ابو متعب) تباها=تنعم بعصر التطّور والصناعه
ومعه(ابو خالد)عسى الصحه لباسه=فوق ثوب العافيه..ثوب المناعه
الكرم في(حاتم الطائي)بوقته=مير في هالوقت..قلته عن قناعه
(حاتمي) هالوقت(سلطان ابو خالد)=الكرم فعله..لاوالله من طباعه
جعل ما نفقد هذيك الابتسامه=أنزرع بقلوبنا حبه..زراعه
والله يعز الوطن..ويعز شعبه=والملك..وشعارنا سمعٍ وطاعه
وانت يا نايب وزير الداخليه=عادتك تاقف مواقيف الشجاعه
اخو نايف..محزمه عند الشدايد=سيفه..وكفه..وساعده..وذراعه
التواضع منهجك..والطيب ساسك=والعفو مبداك..رغم الاستطاعه
ورغم ما تحويه من حلم وتسامح=فيك ..ساعات الغضب حزم وبتاعه
ومن نوى يعبث بامان الدار خاسر=بالخساره بشّروه..وفي ضياعه
كلنا دون الوطن في كل حاله=نردع الارهاب..واصحاب اللكاعه
جنّب (ابو متعب) ليا ميَل عقاله= الوطن ..حنا هجومه مع دفاعه
كل (حوثي)علموه..وكل طامع=هذي أرض المملكه..ماهي اطماعه[/poem][/frame][/frame][/frame][/frame]

يستاهل صاحب السمو الملكي الامير احمد ابن عبدالعزيز ومن رافقه بزيارتكم
ولاعندي شك فيكم ياربعي وعزوتي تبون تبيضون الوجه جعلكم ذخر

ونعم بشمر وبشيوخ شمر
وصح لسان الشاعر

نص مشتعل جذاب بنوره

هنا الجمال انسكب غدير من سلسبيل

للمرة الثانيه اعود ,,

لاتنفس هنا بعض الشذى

فاضلي ,,

تتعالى موج الشعرية في نصوصك

لغتك سيدي راقية فخمة وتصاويرك ملهمة ..

خالص تحياتي وتقديري لك يالغالي

شاعرنا العزيز ميزر الطواله
صح الله لسانك ولاهنت وبيض الله وجهك
وسلم فكرك وبنانك جزله من شاعر جزل
ماننحرم منك يابعدي

ميزر الطواله

صح لسانك الغالي ولاهنت

ولاهو مستغرب على شمر يشرفون بكل محفل

كلنا دون الوطـن فـي كـل حالـه

نردع الارهاب..واصحـاب اللكاعـه

جنّب (ابو متعب) ليا ميَـل عقالـه

الوطن ..حنا هجومـه مـع دفاعـه

كـل (حوثي)علموه..وكـل طامـع

هذي أرض المملكه..ماهي اطماعـه

صح السان شاعرها ولا هنت

رائعه ياعساك سالم وغانم
صح
لسانك

ميزر الطواله

والله والنعم

أجزلت وتفوقت في نصك

بيضتوا الوجه يامالين العز

صح لسانك ملايين ولايسدووون

الله عليك لله درك

على هالباذخه الراقيه برقي شخصك الكريم
صح نبضك وفكرك

ميزر الطواله
والله والنعم بميزر
صح لســآنـك اخوووي على القصيـدهـ
ويستـآهل الي مدحــتـهـ
والله لا يخرمنــآ من جديدك

اخواني/اخواتي الاعزااااااااااااء


اشكركم من القلب

على المرور الراااااااائع

والاطراااء الجميل ولاهنتوا جميعا

دمتم بخير..