ミ☆ミ ديوان الشاعر مبارك طنا ミ☆ミ

مساجله الشاعرالراوي/ مبارك طناء والشاعر/ فوزان التبيناوي

http://www.b3b7.com/vb/showthread.php?t=55857



((((( الشاعر الشاب/ فوزان مقبل حشاش التبيناوي )))))

[poem=font=",6,silver,normal,normal" bkcolor="black" bkimage="" border="none,4," type=1 line=0 align=center use=ex num="0,black""]

1 همي اللي كل مـا ولـى يجـي=
يا همز قامت ضلوعي تزهمـه
2 ما يباعد خابـرن لـه منهجـي=
بين قلبي والضلـوع المبهمـه
3 عاملن له با الضماير مدرجـي=
كل ما إرتاحـت يمـر ويلطمـه
4 يانديمي هات حبر (ن) يمزجـي=
باالورق حاول تخـط وترسمـه
5 كا الوشم من فوق خد العسوجي=
زيّنـه ربـه وزيّـن مبسـمـه
6 فكري اللي شد خيله وأ سرجـي=
من معاني ماتبي لـه ترجمـه
7 حافظه عن كل شـي ٍ يسمجـي=
خلصه من كـل زيـف ونظمـه
8 وآضحه مثل النهـار الأبلجـي=
وخافيّه ما كل رجلـن يفهمـه
9 وآرثه من را س عود ٍ ينتجـي=
ما يجيـب إلا بيـوت ٍ محكمـه
10 يا إلهي وأنت غوث المرتجـي=
يوم أخذته راجي إنـك ترحمـه
11 بعد ذلك هات عون المحوجـي=
من وكيلـه صانعـه مارهمـه
12 جاء من اليابان حـي المنتجـي=
وقفه في جمركـه مـا سلمـه
13 منوّة اللي خابرن لـه مخرجـي=
من ورى الحدين حوضه لغمـه
14 ياضرب خطو الطريق الأعوجي=
ضـو شعالـن بليلـه مظلمـه
15 يشبه لشيهان بحـرن أهوجـي=
قرنسـه ربـه وفعلـه علمـه
16 يا تقفى صيدتـه مـا تنهجـي=
كل ماحاشـت كفوفـه حطمـه
17 أو كما الحر الجليـل الأفحجـي=
ملك شيخ ٍ ما يحسـب درهمـه
18 ذاخره يـالاح برقـه وألعجـي=
برق وسم ٍ في ثناياء المرزمـه
19 باغيّه يـازان نبـت العرفجـي=
في إدعوث ٍ باالروايح طمطمـه
20 في إنقرها للحبـارى مدرجـي=
ماسرح به راعين هو وغنمـه
21 إرتفع عنهـا وصّـك وعرجـي=
إختلط ريـش الحبـارى ولحـم
22 ذي وصوف الجيب كله تبهجـي=
لونه أوضح والجنوب موسمّـه
23 كاملن ماهو زمالـت عربجـي=
التوانـك والأسبيـر مدعـمّـه
24 من تملـك طارتـه ماحرّجـي=
ياصل الحروّه بوقـت الملزمـه
25 وإن مسك له خط سهلن لجلجي=
راعيّه ياقـل عزمـه يجحمـه
26 فوقه غلام ٍ عزيـز المنسجـي=
مايخاوي كل عفـن وشرذمـه
27 خذ مني مرسول عجل وإنهجـي=
لبـو عبـدالله وحـالا ً علمـه
28 يامبارك وأنت عـون الملتجـي=
ويش رآيك باالهنوف المكرمـه
29 له عيون (ن) وآسعات ودعجي=
والبلاء كل البلاء يـا سلهمـه
30 إن هرج كله دلـع و إ تغنجـي=
وإن ضحك طب الجروح وبلسمه
31 يامشاء تقـول ثوبـه فججـي=
ردفهـا يبـي يفـارق محزمـه
32 وسطها شبرن يجي أو مايجـي=
والشعر غطاء الكتوف وهندمـه
33 مثلها بيـن العـرب مادوّجـي=
النهد قض الملابـس وأعدمـه
34 مشكلتها يا السنافـي تسهجـي=
ماتكلـم واحـدن لـو كلـمـه
35 هقوتك هـذا غـرور مرججـي=
أو ثقه باالنفس يـا الله سلمـه
36 مارباء بيـن إتربـه وأعوجـي=
ولا نقل حبل الحطب في معصمه
37 ولا عرف خب الرضم والأصلجي=
ولابناءبيت الشعربـأم رضمـه
38 ولو يشوفه بصرين مايرتجـي=
طـرد زينـات الملاثـم حرمـه
39 ندري إنـك باالمثـل ماتفلجـي=
شاعرن ماشال بوكـه وقلمـه
40 يامبـارك سالفتهـا تحـرجـي=
مشكله ياخوك ماهـي مسلمـه
[/poem]