يشع النور والظلماء.........

السلام عليكم ورحمة الله وبركاته


اول مصافحه لي اتمنى ان ترتقي لذائقتكم..



يشع النور والظلماء تلاشى في جناح الليل


ويجي صبحن رجيته طول ماليلي معنيني


اذا شفت الثريا بالسماء وازريت اشوف سهيل


تخيلته ولو هو مختفي بس مايعاديني


الا وشيب عيني والهموم اللي بصدري سيل


يشيل اللي يجي قدام وجهه مايداريني


هواجيسن براسي ما حسبته غير دابك خيل


عجز عن عسفها فكري وهي تبقى تباريني


الا يالله والتهليل لازم يتبعه تهليل


وتحميدن لرب الكون واذكاره داويني


ترى حمل الجمل لازاد تصبح في حموله ميل


على ثقل الحمل ما مال واكتافي تهقويني


بعض همي من الدنيا وبعضه مثل قولة ويل


هنوفن فارقتني بعد ماكانت تسليني


وردته مثل عدن يارده منهو تعب من شيل


ونوخة الركاب وقلت هذي ماتخليني


وهي تحلف قسم بالله يازيدان عشقك حيل


ملئ قلبي ولا غيرك من العالم يكفيني


عطيته كل شي وشلت من قاموسي التبديل


ولا غيره من الترفات في وقته ملئ عيني


اشوفه في طلوع الشمس واحلم به بنوم الليل


لعله لاصحت من نومها يمكن تناديني


وحرمت العذارى بعد شوف العين به تكحيل


وابيع الكون كله وقت مايده بيديني


واذوب بجوها واصحى شعرها فوق وجهي ليل


واحسب اني بحلم الليل واثريها تصحيني


خساره يازمن ماراح مني والدموع تسيل


خساره ليتها موجودة للحين تحييني


تروح اجيال واجيال ويجي من بعد جيله جيل


واذا اني فوق سطح الارض تبقى في شراييني


ولا ارضى بنكسار ولاهزيمه وانهداد الحيل


وانا ولد الحرار اللي على الهدهـ مضريني


ابي اتحدى الصعايب والشجاعه للصعاب تزيل


وانا عرق الشجاعه باقين فيني ومرويني



وسلامت قلوبكم

زيدان


مبدع كما عرفتك


صح لسانك ملايين


قصيده رائعه من شاعر ارؤؤؤع


لاهنت

زيدان ماهذا يارجل تذكرت قول اذا الشعر لم يهززك عند سماعه فليس حري يقال له شعر

بصراحه قصيده مفعمه بالحب والشاعريه وهذا النوع من الشعر مستحب لدي

صح كلك بنتظار جديدك عزوتي

قبلان الخمسان

شاعرنا القدير / زيدان الشمري

في البدايه الله يحييك هنا في منتداك بعد حيي

ونتمنى ان تجد كل مايسعدك بين اخوانك واخواتك

في هذا الصرح الغني عن التعريف

وصح لسانك وعلى شانك على هذه الجزله من راس جزل

تسلم وشرف لنا انضمامك لهذه الكوكبه من المبدعين

ياهلا ويامرحبا بك هنا

لك كل التقدير والاحترام

محمد العنزي

الغالى
ابقى مع الابداع
ومليون مع مليون ولايكفون
صح لسانك وجاد بنانك واعتلا شانك
تقديرى واحترامى
اخوك
عقاب النهار

اشوفه في طلوع الشمس واحلم به بنوم الليل




الله يسلم عمرك على هالابيات الرائعه

تسلم ومشكور على طرح القصيدة لا عدمناك.

صح لسانك على هالمدآد العذب

واصل جميل اشراقاتك.

قصيده رآئعه
ومصآفحه أولى مميزه جدآ

صح لسآنك وإعتلآ شآنك
وبانتظآر جديدك


سلمت ولآ هنت

يسعدك على القصيده
عزالله
شيخه من شيخ
صح لسانك وبنانك

قصيده رائعه عاش راسك واحساسك
لاتحرمنا هالنزف

ياهلا بالغالين


وصحت ابدانكم جميع


ولاهنتو

صح لسانكـ
وعلى شانكـ
زيدان الشمري
تسلم يدينكـ
وبإنتظار القادم الجميل
الله يعطيكـ العافية

الشاعر \ زيدان الشمري
نص في غاية الجمال والروعه

صح لسـآنك مدد بلا عدد ع

ع الابيات الراقيه والعذبه

وصح فكرك ونبضك ,,

دام نبضك وعطائك ,,


ولا تحرمنا جديدك الرااائع ...


تحيااتي واحترامي ..

شاعرنا القدير / زيدان

مصافحة تبيض الوجه صح لسان على هالشامخة
وانت كفو يالذيب جعلك ذخر ،،،، دمت بأفضل حال

تشكيل لعذوبهـ فااقت حدود الروعهـ صح فكركـ يالطيب


لك الأوركيدآ