مشاعر الشاعر تحده على البوح

اليكم هذه المتواضعه وعسى ان ترتقي لذائقتكم الشعريه الرفيعه



.
.
.
.

[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
مشاعر الشاعر تحـده علـى البـوح =لاصار صدره من صدى الهـم فـواح
لاحس قلبه فـي محانيـه مجـروح =اظهر مشاعر خافقه شعـر وصيـاح
وانا لو ابدي ضيقة القلـب مسمـوح = دام الليالـي بيحـت كـل مــاراح
بسبابها كني علـى الكبـد مرمـوح =والقلب كنه من عنـا البعـد ملـواح
امسيت اجر الصوت والصوت مبحوح =ودموع عيني فوق الاوجـان طفـاح
اهتاض من صوت الحمامه على الدوح = واجاوب الورقى على الغصن بنيـاح
والنوم عن عيني له ايـام مصفـوح = امن العشاء لين انبثق نور الاصبـاح
يلوفنـي لاطـرف اللـيـل لافــوح = واحزان قلبي بيـن الاضـلاع تنـداح
ماغير اخيل الزين مع كـل سـاروح =واهيم في حبـه مسـاري ومسـراح
توي صغير وراحت افراحي (اتروح ) = يالايمـي جالـي زمانيـن ســواح
مال للجفا داعـي ولافيـه مصلـوح = ياناكر العشره تـرى الوقـت جمـاح
صحيح مايكتب على العبـد فاللـوح =يجيه لو انـه مـع النـاس مرتـاح
لكن اخاف ان البطـا يزهـق الـروح = مثل (الدجيما) اللي له الحـب ذبـاح
كنت احسب ان الحب ضحكات ومزوح =اثر الهوى لاهل الهوى شلف ورمـاح

[/poem]


شعر/نايف سند الميموني(ابومشاري)