عمتي ..تعالو اسمعو شي عنها
مرحبا كل البعد حيي
هذي مو منقول ولاشي ...
اسمعو هالسالفه......
لي عمه تجينا من فتره لفتره بحكم انه مو من حايل
بس اذا جت وناااسه سبحان الله سواليفه عالم ثااني مااحد يجلس معاها ويمله
عمره ماعصبت او هاوشت او سبت او حشت بأحد..
وحتى زوجات أخواني يستانسون لاجت الكل يحبه الصغير قبل الكبير
وتلاقينا مبسطين عندها ماتنمل ابداااا
وتسولف وحنا يالبنات نسهر وهي تسهر معانا لين 12 عارفين ليش تسهر؟
عشان تلحق نص الليل وتصلي القيام
وربي احيان نسولف ونلاقيها نامت ورقبته مالت ونقول :عمه' وتفز
روحي نامي
تقول:لا ياوليدي ربي ماينام
خلاص تعودنا لاجتنا نتجمع باليل ونسهر وهي تغفي عندنا لاجت 12 تفز تتوضى وتصلي
اقوله عمه صلي العشا والشفع والوتر وتكتب لك قيام تقول لا ياوليدي
انا حيل ارحمها معاها سكر وضغط وتروح توضى وبرررد
عارفين اني حسيت نفسي ولالالاشي
الحمدلله نصلي وحنا نركض !!
والسنن احيان نتركه
ومنه خلاص اتفقنا حنا يالبنات مانترك قيام الليل
احسه خلاص صارت فرض
يمكن عمتي تكسب حسنات من وراكم وتشدون الهمه
ادعو لها ربي يشفيها ويقومها بالسلامه..
|