ترى حلات البر لاصار ممطور

السلام عليكم

مساء الخير كلكم

هذا الله يسلمكم امس جتني هالقصيده على الواتس اب يوم قريته

قلت بس شكل هالحبيب طاح له في بنت ملعونه تبي تشفط ماوراه ودونه هههههه لازم اعطيه نصيحه

ورسلته القصيده مكتوبه وصوتيه قلت اخاف مايفهم اللي ابيه <<<< من الحرص هههه<<< ترى هذا اللي ارسل القصيده لي هاج هههههه

عاد كان انزلها لكم صوتيه بس اخاف تعطوني باند من شين الصوت ههههههههههههههههههههههههههههه

تبغى جفنشي موف مع واحد اديور=مع عطر بلغاري يفوح ابعبيره
وتبغى هدايا كوم مع عدة اعطور=من غير شرهات تخصه لغيره
يعني على ماقلت تبغى من اليور=ولا توفي عملت الشام ليره
تبغى تكشخ والدراهم على الفور=وتصير حكيه بالمجالس وسيره
كله عشاني قلت يابنت ماسور=ماسور في حبك ولا اشوف غيره
قامت تطلب والاوامر على الدور=كني خفير القوم وهي الاميره
وانا يابو متعب ابي منكم الشور=العلم في مثلي وشهو مصيره

ــــــــــــــــــــــــــــ
ردي عليه

حي الذي يشكي غثى الحب مقهور=يشكي علي والقلب تسمع هديره
اناترى مثلك من العام مكسور=والقلب ماترهم عليه الجبيره
ان طعتني ياذيب هالدرب ماثور=قبلبي وقبلك واليالي تديره
كوش على الصيده اليا صرت مامور=وقطع لحم دام المخالب شطيره
ترى حلات البر لاصار ممطور=والليل قمرا واليالي سفيره
مثله حلات العشق لاصرت مسرور=والليل غدرا والسيوف ابجفيره
وحذر تخلي مقدم الترف مزرور=هد الفحل ودحم عشير ابغشيره
ابرد لهيب الكبد والعرق مبتور=ترى اليالي في عطاها فقيره