السلام عليكم ورحمة الله وبركاته
كل عام وانتم بخير ومن عواده
المعذرهـ عاى طول الغياب لظروف زواجي
رزقنا الله وياكم الهدى والصلاح
لكم وحشة جميعا
متواضعه لشخص يستحق الثناء والشكر صاحب المواقف النبيله والمشرفه
د.محمد صالح الضبيع <جامعة الجوف
سر يا قلم تو زان بدع القصيده=والفكر يملي النادرات المفاريد
سبك المعاني الشامخات الفريده=اللي عطشت لها القلوب المواريد
عبر القصايد والحروف العنيده=بيطار يفتل ساعد القاف ويجيد
للدانه اللي بخافقي مستحيده=في خاطري لها اربع شهور تشييد
احطب لها ضلوعي واشب الوقيده=وتقنب على روس النوايف مسانيد
الوقت جاير والموارد زهيده=ورسم الآراضي كل ابوها تجاعيد
راحت ثلاثه حالها بالنكيده=جارت وبارت والليالي سراميد
رحت اندب الحظ الردي واستهيده=والصبر ما عاده على كيف مااريد
لين اقبلت معها العلوم الآكيده=رجالها نسل الكرام الآجاويد
اللي تميز بالخصال الحميده=والطيب من عده ينابيعه تزيد
بو صالح اللي فعوله شهيده=[ دكتور ]علم وطيب وافي المواعيد
غيث الصخا راعي الخطاوي الرشيده=صافي النوايا الخاليه من المقاصيد
واخوانه اهل النايفات المشيده=بلسم على جروح الفتاوي تضاميد
نعم ن بهم هل القلوب الوديده=أكبارهم وصغارهم دون تفنيد
من خاطرن تجري المحبه بوريده=زف التهاني والتباريك بالعيد
‘
وكل عام وآنتم بخير
آخوكم
حمدانـ سليمانـ
العضو الأكثر نشاطاً هذا اليوم 
العرض الشجري
