شاطىء الهم والحيره..من البدايات +قصيدتين قديمه

(شاطي الهم والحيره)
هذه القصيده من بداياتاتي لم تنشر من قبل حيث يوجد لدي دفتر قديم وجدت فيه اكثر من قصيده كتبتها في بداياتي وعلى الراجح التاريخ بعيد جدا
ولكن اغلبها غير صالح للنشر سوف اطرح ما اراه مناسب للتوثيق
[poem=font="simplified arabic,6,black,bold,normal" bkcolor="transparent" bkimage="" border="double,4,gray" type=1 line=0 align=center use=ex num="0,black""]
انا تهت في دنياي.. في عرضها والطول=رسى مركبي في شاطي الهم والحيره
طموحي كبير ولامعي باليدين احلول= مع الواقع اللي عاكستني مقاديره
متاهات قدامي.. ومستقبلٍ مجهول=اهوجس وقلة حيلتي يالله الخيره
وحظٍ بلاني بالفشل..واعتلا المعقول= واماني تموت .. ورمز ياصعب تفسيره
ودمعة حزن تنزل على حبي المقتول= بسيف الزمان اللي تسبب بتدميره
ولا زلت اعاند واقعي .. واعتزي.. واقول= لنا الوقت يصفي لو تطول مشاويره
بسيف العزيمه .. والعزيمه لها مفعول= ليا ساعف الله يسر امري بتيسيره
ورزق الفتى عند الولي بالسماء مكفول=وانا في رجاء الرحمن..ولا ارتجي غيره[/poem]

(حكم المقادير)
[poem=font="simplified arabic,6,black,bold,normal" bkcolor="transparent" bkimage="" border="double,4,tomato" type=1 line=0 align=center use=ex num="0,black""]
والله لو خيرتني كان.. ما اختار= حبك/ مدام ان مالقربك وسيله
وشلي بحبٍ ذقت به كاس الامرار= معذبٍ نفسي .. وحالي نحيله
تقول لي عندي آمل.. عندي اصرار= واقول لك:صبرت مده طويله
راح العمر يازين لوعات واكدار=واظن لقيانا معك مستحيله
ملتني الاحزان ياشمعة الدار= وما ينفع العطشان برقٍٍ يخيله
ولا اشوف عندك حل لادرت الانظار=اشوف مالي من هواكم حصيله
ياصاحبي ليت الهوى معك ماصار=الله ولا رجوى اليدين البخيله
لاشك هذا اللي كتب وال الاقدار=ومالي على حكم المقادير حيله[/poem]

(النمره غلط)

قديمه ولها قصه طريفه لا استطيع البوح اكثر ..
[poem=font="simplified arabic,6,black,bold,normal" bkcolor="transparent" bkimage="" border="double,4,orange" type=1 line=0 align=center use=ex num="0,black""]
الى متى؟ النمره غلط علميني=ياللي قسيتي عقب ذيك الموده
ان كان قلبك عافني ما يبيني=قولي وانا ابعد عنك والباب اسده
طبيعي انسى بالهوى..من نسيني=وحبٍ يذل الرجل ملعون جده
وانتي صراحه مشكله صدقيني=مع صاحبك مره..ومرات ضده
وان قلت عنك انسانه وتفهميني=عقب الوصل لازم تغيبين مده
صابك غرور.. وحال بينك وبيني=بسباب زينك بالهوى مستبده
وانا السبب طاوعت قلبي وعيني=وعطيت مثلك للاسف فوق حده
واليوم لي كلمه معك..واسمعيني=الصبر طال..وصاحبك باح سده
اما تعالي بالوفاء عامليني=كانك معي بالتضحيه مستعده
والا ابعدي عن سكتي واهجريني=واللي بنى البنيان يقدر يهده
هذا طريقك وارحلي واتركيني= ومن عافنا يالله لنا لاترده[/poem]

الشاعر/ميزر بن طواله

راقت لي ونقلتها لكم من ديوانه

ابعد الله عنك كل هم شاعرنا القدير
اهلن بك وبقصائدك

ننتظر جديدك بشوق

تحياتي ....

يسلم منطوووق شاعرها
قصائد راااائعه بمعنى الكلمه
عوآآآفي عوآآآفي والله
ربي يسعدك ..

سلم ذوقك واختيارك

صح لسانه مليون

قصآئد رآآئعه صح لسآآن شآعرهآ
وسلمت لنقلهآ


وعذراً منك تنقل للقسم المنآسب ,,,