حان الوداع

[poem=font="lucida sans unicode,5,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
حان الوداع وبالحنايا جروحي = تومي يدي والروح عيت تنوشه
لو خاطري بالشوق عينه تشوحي = بدّد زماني رسمة ٍ ما تحوشه
ارفع يديني والزمن قال توحي = مالك مكان ٍ مع وليف ٍ تطوشه
نبرة حنيني للّيالي فضوحي = ما عاد نسلى والمكادر نموشه
أكنّ عجّة غيمة ٍ له تفوحي = وتنسال وديان السوالف عطوشه
اقرا تعابيري وشيبي يلوحي = وسط السطور احبار شوقي نقوشه
ياما سهرنا والملاقى طموحي = وتدمع عيوني لا عرضنا رموشه
الليل مظلم والمضايق تطوحي = دكّت على صدر الشمالي طروشه
جريت صوتن وسط صدري ينوحي = في راس ضلعن عالياتن عروشه
اندب حظوظن بالدناوه شفوحي = ليت اشتريها والعوض في قروشه
يا عاشقه صوتي وصوتي يروحي = بين الهبايب لا يغرّك بشوشه
اخفي عن اعيونك جروحن صبوحي = مثل النهار اللي تباين نعوشه
صحيح وقتي حطّم اوراق بوحي = وصحيح وقتي عاد ينبث خروشه
وانا على وعد المصادق صروحي = لو بالمهار انسوق سبعين كوشه
[/poem]


وسلامتكم أخوكم / طلال الشمري ..

الله الله عليييك ياطلال
قلم مميز زرائع
صح لسانك وكلك

الله يوفقك

من طول الغيبات جاب الغنايم
صح لسااااانك
تقديري لك

يسلم منطوقك على هالابيات
الله يسعدك دووم ..

طلال الشمري
وعودة حميدة لسكب الجمال والعذوبة
وانعاش نفس المتذوقين
لله درك وصح لسانك ملايييييييييين ولا يكفون
لاتطل الغياب ...فالمنتدى وهمس القوافي يستجديك العطاء ..

صح الله بدنكم جميع والله لا يهينكم وان شاء الله اخر الغيبات
والموجودين فيهم الخير والبركه ان شاء الله


تسلمون الجميع على التعليق والمرور ..

لا ادري أي بحر هذا الذي يسقيك الألفاظ ---
ولا أستطيع المديح لفرط جمال الكلمات---
تلعثمت كثيرا وضاعت الحروف مني
وكأني لا اتقن سرد الحكايات
فكلمة مبدع لهذا البوح الرائع
قد تكون قليله بالفعل

أهلا بعودتك شآعرنا طلال الشمري
وصح لسآآنك ع النص الرآآئع
أبيآت انسكبت بجمآل وأحسآس
اتقنت فأمتعت
لله درك وطبت بكل الخيررر ,,,

"

الله الله قصيده تتحدث عن نفسها روعه بحق