البر حب البر معنى وتقدير=يفوق معنى السالفه والقصيده
والجو فاق حروف صورة وتعبير=بعد المطر والارض صارت سعيده
وذيك الفيافي والخزامى نواوير=ننسى معه جرح الخفوق ونهيده
والصيد والمقناص في رفقة الطير=تبقى مع الايام ميزه فريده
ومرافق اللي فعلهم بالبشر غير=كل على ماقيل يبقى وليده
والنار وبجنبه دلال مباهير=تشفي جروح في خفوقي اكيده
وخوة رجال للمعالي مناعير=تاقف معك دام المواقف شديده
فيهم معاني للمحبه وتوقير=وفيهم معاني للخصال الحميده
هذي هي المنوه بكل التقارير=شوف الفيافي بالسنين العديده
والبر حب البر معنى وتقدير=دام اختصرته في حروف القصيده