"ما أبوح لأي إنسان .. ولحون قلبـي لحـون "

عــــــــــــاديّه ..! يا حبي العاشـر .. أنـا شاكـر وممنـون .. كفّيت في جرحـك .. ووفيـت فالجيّـه .. جيت ووسمت الجسم .. من خاطرٍ مشحـون جيت وتركـت الجـرح تصغـر أمانيّـه .. طعنتني ليـن بـردت .. حـرّة المغبـون .. تسلم يدك / ياللي طعن مـن صفـا نيّـه .. خضّبت سكينك بدمـي / ودمـع عيـون وخلّيتني : خاين ..مـع أوراق مطويّـه ..! كذبه / قسـم بالله .. يالفـارع المزيـون .. صدّقتها فيني .. مـن طيـوف وهميّـه ..! حنا الحقيقه .. بس ..! والكون مابه كون .. والناس مثـل أحـلام .. ماهـي بجبريّـه .. إدخل على قلبي تشوف .. الوفا مركـون .. في رفّ مابـه غيـر إسمـك .. وطاريّـه .. رح إتبع الخطوات .. إل.. سرّي المدفـون .. رح إسئـل محبّيـن .. درب الهـواويّـه .. وسولف مع النجمات .. في ليل مابه لون .. غير السـواد .. اللـي حزينـه أغانيّـه ..! كم مرةٍ حبيت .. بس الحبيـب يخـون ..! ما خنت في دنياي / حـبٍ سمـا ضيّـه .. إذا عشقت أعشق .. كما الثامل المجنـون .. لي حاضرٍ مروي .. مـن زلال ماضيّـه ..! ما أبوح لأي إنسان .. ولحون قلبـي لحـون تعزف على أوتار الحزن .. وزن .. قافيّـه ..! أبكي قهر للناس .. والناس مـا يـدرون ..! وأعشّـم دموعـي بـ.. نصـره إلهيّـه ..! بالهون يالمزيون .. وإجلس معـي بالهـون .. وإذا مكذّبنـي .. تـرا ( العيـن ماريّـه ) .. عادك تبي تنهال ..! ما فـادك المضمـون..؟ عادك معك سكيّـن ..؟ والنيّـه النيّـه ..! إطعن ياعم إطعن ترا .. الجسم / ذاق طعون .. لين إستوت طعنتك .. للجسـم عاديّـه ..! ,,, لذآئقتكم ولكم ,,