نسانيس السعد والطيب ساس الجد والخالي

صوتي الاول

ياطيب اللي على ساس السلوم الطيبه ساسه=تنـومـس لابـتـه منـهـا عـريـب الـجــد والـخـالـي
قروم(ن) في سلوم اهـل الوفـاء لطيـب لباسـه=وتضرب فى علوم اهل الوفاء والطيـب الامثالـي
يقولـه مــن بـتـال الـيـل دق الـصـدر هوجـاسـه=سراء فكـره مـع اهـل الطيـب كلـه بـاول وتالـي
جحدت الكلمه اللي من وراء الاضـلاع حساسـه=ولا يكـبـرهـا يـاصـغـرهـا مــــا ضـيـقــت بــالــي
نبـيـع و نـشـتـري بالـطـيـب ولايـــام عـسـاسـه=ولا يبقـى ياغيـر الذكـر تـضـرب فـيـه الامثـالـي:
ولا يبقـى ياغيـر الطيـب بيـن اهلـه ومـع نـاسـه=وغـيـره مــا يــدوم الا الـبـقـاء لـلـواحـد الـعـالـي

مجارة الشاعر القدير/ماجد الرتيق القحطاني

هلا يالنايف الشامــــــخ و جوخ الطيب لبّاســـه=هلا يا منبع الجـــود وســــــليل العــــز والغالي
هلا بقرومها العليا فياض الطـــــيب نبراســـــه=هلا بك يالأمـــــير اللي خـذا بالقلـــــب منزالي
هلا والك البقا يالنايف اللي ما همى راســـــــه=شموخك في سمى العليا فــــــــريدً ماله أمثالي
نديمي ما عليكـــــم زود وانتم للنقى ناســـــــه=بياض وجيهكــــم يشهــــد به الأول مع التالي
و انا يا راعي العلم الجـــــزيل و شيخ جلاسه=جــزيلك هاظني واترف أحاسيسي مع احوالي
قـريت الصافية وامطر خفوقي صافي احساسه =و قمـت أشــحـذ معاليقي جزيلي وانزفك حالي
فخــر كلي فخر والشعر فيكم درّة الماســــــــه=تلالا في خفـــــــوقي نور بين ارجـائي و فالي

صوتي الثاني

عسى فيك البقاء يلي مهب الطيب نسناسه=نسانيس السعد والطيب ساس الجد والخالي
وماجد راس حــرا بين وكــــريه وقــرناسه=تربا مـــــــع حررا ساكنه بالمـــنزل العـــــالي
علا وضح النقاء والحق مابه غش و دساسه=ولاني راجيا لقلـــــــــتها مكسب ولا ريالي
وانا لقلتها مانـــــي بانـــوي غش وبلاســــه=وسيف الحق يمشي فوق شاوي وابن خيالي

مجارة الشاعر القدير/ماجد الرتيق القحطاني

يدوم الك البقــــــا يالنادر للي طاب مغــراســه=منابيت النقى ربعــــــك و نبعك صافي و حالي
سما حَــرْب الشموخ النايف المترف و نوماسه=حلاحيل الحَــــرار اللي لهم بالطيب مكــــيالي
تجي نايف من اسمك والتسامي في يدك كاسه=تصبّه للمرجـــــــــــل بين نزّالي و همّـــــالي
تسوق الشــــاردة ما بين كراســـة و قرطاسه=فرايد من فرات الطيب من يمــــــناك شـلّالي