له منزل في وسط روحي بنيته

أقول بنسى وأحسب اني نسيته
‏‎الحب الأول صعب نسيان راعيه

‏‎عانيت في بعده كثر ما هويته
‏‎لا احتلت في قربه ولا نيب ناسيه

‏‎لو اني أقدر جيته كان جيته
‏‎اللي بقوله آآآآه ويلي على أجيه

‏‎بس البلا أني كلما جيت بيته
‏‎أخذ ثلاث أيام مدري (شنا) فيه

‏‎ليل ونهار وليل واللي قفيته
‏‎وأنا مابين أسمه ورقمه وطاريه

‏‎الله عطاني من غلاه وعطيته
‏‎وغيره بغى مني ولانيب معطيه

‏‎قالوا هويته قلت أأيه هويته
‏‎قالوا تركته قلت ماني مخليه

‏‎له منزل" في وسط روحي بنيته
‏‎جدرانه ضلوعي وهو ساكن" فيه

‏‎دورت له بين الضلوع ولقيته
‏‎خلف الضلوع يبين(ماطى)خطاويه

‏‎واليوم لا أحتجت اللقا ماأحتريته
‏‎حتى ثره من بين الأضلاع ما حيه

‏‎ياجعل يسقى عادني لا بغيته
‏‎يغفى على ضلعين صدري وأصحيه

‏‎ما فيه شخص في حياتي بكيته
‏‎الا الذي قد مات مانيب راجيه

‏‎لكن هو حي ومع ذا رثيته
‏‎من قلبي اللي أحسن الله تعازيه

‏‎حملت قلبي بالهموم ورجيته
‏‎كني ما عرف الا غيابه وأحاتيه

‏‎أقول بنسى وأثرني مانسيته
‏‎الحب الأول صعب نسيان راعيه

مرحبا يا كل
الذوق الراقيه
عزوتي حيي
يسعد قلبك
ذوق راقي
يعطيك الف عافيه
لروحك الياسمين

ذوق الحنان
تشــرفت بهذا التواجد المتألق منك
كل الود والتقديـر

.،!
احتارت اناملي ايهما اقتبس .،!
فالجمال حين تكتمل فصوله لايقتبس
شكرا لهذا النثر المليئ بالاحساس ..!

الحب الأول صعب نسيان راعيه ..!
،
امممممم شطر اختصر كتير كلام
يسلّم قلبك وَ ذوقك يّ جميله
الهي يسعدك وَ لا يحرمنا منك حبابه
~

هدوء الجوري
شاكرة لك حضورك وتواصلك الطيب
كل الود والتقديـر

وتم بعيد
كل الإمتنان لجميل حضورك وتواصلك
كل الود والتقديـر

[blink]
‏‎حملت قلبي بالهموم ورجيته
‏‎كني ما عرف الا غيابه وأحاتيه

‏‎أقول بنسى وأثرني مانسيته
‏‎الحب الأول صعب نسيان راعيه
[/blink]

صح لسانك ولسان الشاعر/ة ملااااييين ولله درك على الإنتقاء الرااائع
تقديري لجهودك لاعــــــــدمنا وجووودك.

ابوطارق
أشكر لك تواجدك المشرف في متصفحي
كل الود والتقديـر

راائع جدا سلمت يداك شكرا

امير الشمال
شاكره تواجدك الرائع
ماننحرم من أطلالتك العطره
كل الود والتقديـر