قصيدة اهداء للأمير سلطان بن عبدالله بن عبدالعزيز السعود

مبروك ياوافي الخصايل وكحيلان
مبروك يانسل الملوك الكريمين

مبروك "عبدلله " كما بدرنا يبان
سمي جده راعي الجود والدين

في جيته تفتـح من الخير بيبان
هذا وريث المجد اسم وبراهين

يربي بعزك سيدي عالي الشان
هيثم سليل احرار طلق الجناحين

ويحفظ عنود الريم من كل الاعيان
وشيهانة(ن) ماتنوصف بالشياهين

يبقى امير العز والفخر " سلطان "
نسـل السـعود "مدللين العدوين

أبن الملوك اللي لهم صيت ٍ وشان
عبدلله المسـطور سـقم المعـادين

وعمك رفيع الجاه الملك "سلمان
وجدك الباشا من موارث سلاطين

مبارك عليكم بنت طلقين الايمان
"ياشمس شمر "وللفخامة عناوين

وأرسل " تحياتي من اطراف عمان
مضمونها جـزل القوافي المثامين

ياملكة(ن) بالجود والطيب له شان
بنت ((الشيوخ اللي علينا قديمين))

قلته وانا من "" لابة(ن) راس زوزان
عبدة سناعيس الطنا بين" قوسين

بقلم الشمرية المجهوله

صح لسانك الشمريه المجهوله شاعره راقيه وفقك الرب
ويستاهل سلطان

كل التقدير

ابداع فوق هام السحب

صح الله لسانك الشمرية المجهولة

بارك فيك على القصيده. صح السانك شمريه

دام عطاءك وسلم نبضك شمريه

كل الود

بيض الله وجهك الشمرية المجهولة

مع السلام كل الاحترام

صح لسانك ابيات راقيه شكرا