الأمير الضيغمي

[align=center]بسم الله الرحمن الرحيم
مساكم الله بالخير

إطلالتي الأولى هنا

مرثية في الأمير الشاعر/ طلال بن عبدالعزيز الرشيد ..

(رحمه الله وأسكنه فسيح جناته)...
...

مدخل
...
..
.
[/align]

[align=center]نفس الفـــــــــــراق,,
العنيد وظلمة الليله...
مرت على غــــــــيرنا..
عشاق.. واجوادي,,
ولو يعرف البعــد فعله...
ما ركب خيله,,
وخذا (طلال الرشيد)..
بثالث اعــــيادي,,
انتي وانا والدمــــوع ...
بوسط منديله,,
حنا بوادي ...
وعطــــف الوقـــــت فـي وادي.[/align]

[align=center]وإليكم القصيدة ... مرثيتي في الأمير الشاعر الذي لم ولن يفارق الأخيله والقلوب[/align]
[poem=font="Simplified Arabic,6,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قـــــــال أرحـــــــــنا في صـــــــــــــلاتك يابلال=دعـــــــــــــــــــوة الله حيلتي حــــــــــــين البلايا
ركعــــــــــتينٍ عقــــــــــــب ما مــــال الظلال=بعــــــــــد مــــــاجاني خـبر حَسن السجايا
يالله المعـــــــــــــبود يارب الجـــــــــــــــــــــــــــــــلال=عالـــــــــ ــــــــمٍ بالــــــــــــــدَين وحقــوق البرايا
ترحــــــــــــــــم اللي مايعـــــــــــــــــول ولايطال=بالعــــــــــــــــطا يعطي جــــزيلات العــطايا
ورث شيــــــــــخانٍ عطــــــــــــــــــــــاياهم جزال=مـــــــــــــــاتوفيهم تعــــــــــــــــــــــــــــابير الشفايا
النجـــــــــــــــوم اللي سمت فــــــــــوق الهلال=جـــــــــــاذبين المـجــــــــــــــد من روس العلايا
هم ظـــــــــــــلال اللي طلايبهم ظــــــــــــلال=وهـــــــــــــم منايا مــــــــــن بغا حــــــــــد المنايا
هـــــــــــم وقـــايعهـــــــم بملقــــــاهم جِـــــــلال=والمصـــــــــــــــايب عندهــــــــــــــم مثل الولايا
هم هـــــــــــــــــل الفـــــــــــزعه وناهين الدلال=هـــــــــــــــم هيالـــــــــــع هم صناديد السرايا
هـــــــــــم محـــــــــــــــــادير مثل روس الجبال=هم مســــــــــــــــــانيد مثل عــــــــــــــال البنايا
وانت ياشيخــــــــــــــي تقفّت الهــــــــــــــــــــزال=الثعــــــــــــــالب لــــــــــــو لها ســـــــرج وركايا
مخفــــــــــيين أشنابهم تحـــــــــــــت الشيال=صـــــــــــــــــــانعين لمكــــــــرهم ذيك الحكايا
الجـــــــــــــــــواب اللي تخــــــــــــــــــفّا بالسؤال=للنفـــــــــــــــوس اللي مـــــن احـــقاده ملايا
صــــــــــــــورتك ياشـــــــــيخ في وقت الزوال=تكـــــــــــــــسر الـــــــــــــبرواز وتذيب المــــــــــرايا
يوم قـــــــــلته مـــــــــــــــــــــــــــــاتذَل ولاتـــــــــنال=لـــــــــــــو بقا من (شمر ٍ ) طفل وحــــــذايا
الغــــــــــــــرير اللـــــــــي يبي وقـــــــــــت النْزال=جتله بغــــــــــــــــــــــــدر وتغــــــــــــــارير وخفايا
ولو يعــــــــــــــــرف الغــــــــدر تقدير الرجال=مايسوقـــــــــــــــــــونه كبــــيرين الخـــــطايا
مـــــــــــــــــــــــايساق لطـــــــــــيبٍ مُبرم حــــبال=مثل (ابو نواف) معـــــــــــــــــــــــدوم الحلايا
تشـــــــــــــــــــهد القـــــيفان وأشـــعار الرجال=والفواصـــــــــــل والخــــــــــــــواطر والصبايا
ويشـــــــــــــهد المسكــــــــــــــــــــــين لاقل الريال=وتشهــــــــــــد الأيتام في قــــــــــــــــــــل الرعايا
وتشهـــــــــــــــــــــــد الأقــــراب بأعمام وخوال=والرفـــــــــــــــــــــاقه والأخــــــــــــــــــــوّه والهدايا
وتبكـــــــــــــــــي جـــــــبالٍ شكت حد الشمال=والمــــــــــــدن تبكــــــــــــيه وصــــــــــــغار القرايا
ومــــــــــــــــــايلام الشعــــر لو يرثي (طلال)=ضيغمــــــــــــيٍ مـــــــــن ســـــناعيس الطنايا[/poem]

[align=center]وتقبلوا تحياتي
فالح الناهي[/align]

[frame="10 80"]تشهد القيفان وأشعـار الرجـال
والفواصل والخواطر والصبايا
ويشهد المسكين لاقـل الريـال
وتشهد الأيتام في قـل الرعايـا
وتشهد الأقراب بأعمام وخـوال
والرفاقـه والأخـوّه والهدايـا
وتبكي جبالٍ شكت حد الشمـال
والمدن تبكيه وصغار القرايـا
ومايلام الشعر لو يرثي (طلال)
ضيغميٍ من سناعيس الطنايـا

اخوي فالح الناهي
صح لسااانك على القصيده الرائعه...
جميل الإحساس عندما يأتي من القلب حاملا حب امير الانسانيه
طلال الرشيد رحمه الله
مرثيه مميزه بتميزك
دام قلمك
ونبض قلبك

اختك[/frame]

رحمة الله عليه
وصح لساتك،، فالح الناهي
أبيات في قمة الروعة صح لسانك ملايين
.......

صح لسانك فالح الناهي
قصيده مؤثرة ,, وفقدان هرم مثل الشاعر الكبير طلال الرشيد لشئ محزن و خساره كبيرة على الشعر واهل الشعر, رحمه الله رحمة واسعه
قصيدتك فعلا تعبر عن مدى الاسى والحزن الذى طال معظم الناس على رحيل الشاعر طلال الرشيد


لو أترجملك شعوري صعب أنطق بالكلام
موتتــك أكــبر خسـارة يا طــلال إبن الرشـيد

الوافي

اخوي :: فالـــــح الناهي.. صح لسانك , وسلم بنانك على
هذه القصيدة الرائعة بشاعرنا
الفقيد والإنسان طلال الرشيد
0 رحمه الله رحمةٍ واسعة
اشكرك على هذا الابداع



تحياتى...

صح لسانك اخوي فالح الناهي
على هذه المرثيه الرائعه
ورحم الله طلال الشريد واسكنه فسيح جناته
:
:
تميميه

ياهلا بفالح ..

صح الله لسانك

أبدعت بقصيده المرثيه

ولاهنت ملاييييييييين

الله يرحم أبو نواف

أمير بكلمته .. بحلمه .. بنظرته

تم التثبيت .. عشوقـ

(رحمه الله وأسكنه فسيح جناته)

يابعد حيي يافالح الناهي
ماقصرت وفيت والله بالمرثيه
ياعساك للسلامه يالغالي ياشاعرنا

صح لسانك الشاعر
فالح الناهي
على هذه المرثيه الرائعه
حرمه الله وابقاك سعيداا

صورتك ياشيخ في وقت الزوال
تكسر البرواز وتذيب المرايـا
يـوم قلتـه ماتـذَل ولاتنـال
لو بقا من (شمر ٍ ) طفل وحذايا

بيض الله وجهك وصح لسانك
ورحمة الله عليه الامير الراحل
طلال الرشيد

صــــــــــــح لسانـــــــــــــك فالح الناهي
يابعد حيي ونعم واله على المرثيه
المميزه
بتميز حرفك
الله يعافيك ياحيي ماقصرت
رحمة الله عليه واسكنه جناته

ياهلا وغلا يالغالي شاعرنا
المبدع

( فالح الناهي)
نورتنا يابعدي
ومصافحه اولى رائعه مهما تلكمت عن عذوبتك // صدقك //
تبقى شهادتي فيك مجروحه
لله درك قصيده مغلفه بالابداع قصيدة تتربع على عرش من الإبداع و الكبرياء

ياالغلا فالح
ادامك الله لنا شامخا
ورحم الله فقيدنا طلال الرشيد برحمته الواسعه

تحياتي لشخصك الكريم

اخوك
الساري

[align=center]ياهلا وغلا يالغالي شاعرنا
المبدع

( فالح الناهي)


صح الله لساااااااانك ملااااااااااايين

طال عمرك

وشرفة ونورت المنتدي

وقصيده جزله من راااس جزل يالقرم


والله يرحم ابو نوااااف ويسكنه فسيح جنااااااااته



لك مني الغلا


اخوووك


سرحان[/align]

الله يرحمه ويسكنه الجنه

اخوي عافاك الله على المرثيه
ويستاهل ابو نواف كل ماقيل فيه من مدح
عساه لجنات النعيم

[align=center]أختي


بنت القصيد


صح بدنك


وأشكرك على مرورك العذب الكريم



دمتي طيبه[/align]