مالك على مثلي يمين غموسي

بين السحور وبين وقت الرموسي= لقيت نفسي فاقدآ نصف الاحساس
ماني من اللي ينتبه للطفوسي= عيبآ علي اكتب قصيده على طفاس
نزهان انا قامت تزايد هجوسي=ياكثر مايطري على البال هوجاس
ومن الحراره قمت اجدع هروسي=ناديت خالد قلتله طول الهاس
تأثير ما شفته علي محسوسي=اضحك على نفسي لياقلت وسواس
والله ماسيء الظن واتبع حدوسي= الحدس يبقى شك مبني بلا ساس
حبيت اوازن خطوتي قبل ادوسي=لين يتأكد مصدر العلم من واس
نزهان انا فكري تراه محيوسي=اجمع شتاتي وانثره لين ينحاس
كفي على خدي واصك الضروسي=الوضع مشغلني وانا انسان حساس
مالك على مثلي يمينن غموسي=اني ماواخذ بالخطاء نايد الناس
صدري تطارد فيه حتى الجموسي=من عادتي ماازعل على طيب الساس
ولاقابل الصاحب بوجهآ عبوسي=زين النبأ يحسب جماله ونوماس
بالذات يوم ابليس عنا محبوسي= حنا بشهر الخير وابليس خناس
اليوم شعري للخوافي يسوسي=ارسلت لك شعري مسير وعساس
انا كسبت من الخطايا دروسي=هذي عباره حطها بين الاقواس
ما كل واحد فوق راسه نبوسي=واكبر خساره بالردي حبة الراس
نخطي ولايعلا على الراس روسي=هذا الصحيح وكل شيآ له قياس
لامنصبي عالي ولا بالفلوسي=لاشك حصلت البطوله مع الكاس
يبطون ماوصلو مداي النجوسي= ناس تمنونا بالاقدام ننداس
الحقد في قلب الحقير مغروسي=ماجاب له غير النكاده والاتعاس
لامن ذكرت الله تطيب النفوسي= ويحول من الشياطين حراس
انا مثل غيري وعندي طقوسي=اعكف عليها وانتظر دن الاجراس
اداعب اشعاري واميز واقوسي= واطلع بمنظومه مثل عقد الالماس
ابنتظر وارسل عليهم عسوسي=واللي تهاون ماكسب غير الافلاس
عندي امل بالله ماني يؤسي=ياليت قلبي يقتنع واقطع الياس
عن ما فبرجي ماسألت الالوسي=ولارحت للي يقلب الكف قرطاس
مازلت اراوح في محلي واحوسي=مليت من راسآ تعود على الفاس
كتبتها بين الوقوف وجلوسي= اكتب على الشاشه ولا فيه كراس
القلب ياتركي تراه محموسي=انا غدربي واحدآ غير جساس
جساس رمحه شب حرب البسوسي=وانا قبيلي ناويآ حرب الابساس
اخاف لاتضحك علينا التيوسي=ابعد مساري عن خرابيط الانجاس
لامن ذكرت الله تطيب النفوسي=والله يجيرك يابن عمي من الباس