:: كل عام وانتم بخير :: | |||||||||
|
التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | المشرفة المميزه |
بقلم : |
كلمة الإدارة |
« آخـــر الـــمـــشـــاركــــات » |
الإهداءات |
12-06-2007, 11:48 AM | #1 |
|
اطول محاوره ولاتزال قائمه لم تنتهي
محاورتي انا والذنيبي في ديوانية شمر ولاتزال قابسه000 قال الذنيبي مبتدئا هذه المحاوره00 اشوف الحيص يتقضع بحشو الموقع المعمور=يتمتم والزبد منفـوق راسـه كنـه الغيمـه وانا جالس وراقب مايسوي من ثلاث شهور=وحان الوقت لكو الحيص في حامي مناسيمه قال الراوي000 هديرك بان يالحاشي تحسب ان الفحل مهجور=وهو مثل الجبل راسي وقافـك زاد تصميمـه ولو ان القيد في رجلي مهارش مثلكم مقدور=ولايحتاج معروضن نخطـه لاجـل تقديمـه قال الذنيبي00 عن التسريب والتهريب قفل محـبــس الصنبـور=ترا ماشوفلـه داعـي بقاعـن سايـلً ديمـه نعرف الجاي والحاضر ومن دونه مضن عصور=وعرف المومن اللى جايزن بالشـرع تقديمـه قال الراوي00 انا قلته مجرد شور كان انك قبلـت الشـور=قبل ياطاك مثل اللي وطى ناسن شكت ضيمه وش المكسب اليامنك طلعت بلعنة الكعبـور=وهربت بموترن بالدوس يظهر شين تكتيمه قال الذنيبي000 انا لاجيت بالميدان ادرب مادخل الطابـور=اعلم كل طـلابً بمحـو الجهـل تعليمـه مع الخبره بفن الشعرمالك مستوا برفسور=لكن اخل المواقع لايجيك امـرً بتحطيمـه قال الراوي00 لك الله مانثرت البذر لو خفنا مـن العصفـور=وهبيل الناس من عاند مخومس والسبب خيمه انا فوقك بزين القاف يالغالي لنفـخ الصـور=ولاتنطح هبوب الريح دام افعى العـرب نيمـه قال الذنيبي00 تبي تبصم بلابهام الكريمه والعدو مدحور=مدام ابن الذنيب ملزم وصامـل بتلزيمـه وانا مازلت اقدملك من الماجود والميسور=ماجيت الخزنه اللي داخله من غالي القيمه قال الراوي000 مخازنكم اليا جـيـنـا تـشـوف قـشـيشهـا منثـور=وخـزنـتكم وقع ساسـه لـزوم تعيـد ترميمـه انا بالقاف صرت الراس وانت اسمك عليكم نور=وانا اخبر العرب تمشي على قافـي وتعميمـه قال الذنيبي00 بظع ساعات ويقال لفهد في شايبه ماجور=وحسم الامر مادونه سوا ركعه وتسليمـه لكن خط الوصيه روحك قريب من الحنجور=الاء يالله تعين الشايب اللي شاحبً فيمـه قال الراوي000 ترى الشيبان هي مركى الشرود ان زرفل المظهور=وتلقى الشاب بالفسفس وشغلـه بـس تنقيمـه وترى القيفان يالـغـالي تخـالـف نـذخـة الـغـنـدور=وقبل دخـول ميدانـي عـط الشريـان تطعيمـه قال الذنيبي00 يجينا اخبار من بقعاء بئنك مخلف الدستور=تجلل هرشك مليحـان وم العايلـه نيـمـه وتفز ليانهرتك الخفره اللي نهدها مزبـور=تداري خاطره وتخاف عند النوم تقويمـه قال الراوي00 ترى اللي يسهج الدستور ذيبن بالسعد مصطور=مدامك خايفن تطـرح وتدفـع كـل تغريمـه وكل الناس لو تخفي تذوق من الحريم الجـور=واذا جانا قعد يزجر مثـل ساطـي صواريمـه قال الذنيبي000 قويه بندقك يالعود لكنـه تبـي شرشـور=سحـابـه صـيـف ترعـد مار متسيل مرازيمـه وياكبر الفرق بين اطيار حر وطيره الزنبور=يحسبنه بعيد وهو على الاطنـاب تحويمـه قال الراوي00 صحاب الصيف يالغالي تحوس زريعك المبذور=وبارودي شكت ناسن قسى رميـه وتحطيمـه وسولف ياولد عـمـي قـبـل نـكـسر لـك المنقـور=وعـقـبه ماتفيد السيـن لـو تعطوننـا جيمـه قال الذنيبي00 يبي يرغ الجمل عقب الهدير وزجره المخبور=لكن عن الرغـا هدارتـه سـده لغاصيمـه وانا بيتي مشيد رافعه في عاليـات القـور=وبيته طاحت اطـنـابـه ومكسـوره مقاديمـه قال الراوي00 انا نجمن على بيتك واحطك داخله مقبور=ودامي من زمول الناس راضينن بتحكيمه انا وياك قصتـنـا تشابه عنتـره والثـور=عساك تعيد خربوشك وتضبط حد ترسيمه قال الذنيبي00 تحاول تجحر وهوبان ماحصلت فيه جحور=ولاحولك فزع والذيب خلفك راكبن ريمـه الاياويل ويل العود بان الحق بان النـور=نشف عده عن الغراف ماباقي ولاء جغيمه قال الراوي00 ترى الملباد مافاد الارانـب والمثـل مشهـور=وهذا الوبر بالظلعـان ترمـى نقـرة خشيمـه سكنت بقاع حيث اني مااعرف الجحر بين القور=ولو خفنا سكنـا فـي متالـع نايشـن غيمـه قال الذنيبي00 عقب دك الجهام الورد بان جويكم مثبور=احذفك في حصاء تردلي حذفتك برضيمه تجارتكم سلع لكنها في سوقنـا بتبـور=نصيحه تسئل الغسان لجل تعرف تقـيـيـمـه قال الراوي00 رضيمه وحدتن مني تعادل في يديك صخور=واذا رميك غدى حصوه كفت شرك ملاليمه اذا هذا سلاحك صار ماانته كاسرن طابور=وبيتك شابكن سلكه وناوي فيـك تلـغـيـمـه قال الذنيبي00 احد نرميه في فهرً قوي وحد في قنبله فسفور=وحد نبره براس الاضفـر تدمـي خياشيمـه وحد نزره وحد نضره ويرجف مامعاه اشعور=وحد لوسمع لي طاري قطم ماينطـق كليمـه قال الراوي00 ترى اللي يكبر الهودات بالشرده غدى مذكور=وراع الفعل محدن جاه او حـاول مداهيمـه بدال القنبله لـيـتـك تهوش ولو معك ساطـور=وظفرك ماتتوب ابدا قبـل كسـره وتقليمـه قال الذنيبي00 مدامك تقدر الابره تحمل بعدهـا الخابـور=ولك عندي هدايا ونت رجل العرف والشيمه وانا راعي نياق ولاحسبت احساب للكافور=ومثلك يالمصخن يلزمه كويـه وتجحـيـمـه قال الراوي00 لك الله ريحة الكافور تنعش حضرة الجمهور=ولا ريحة قعود اجرب تفوح ان رمت تقويمه وراع الباديه دايـم تجيـه برفتـه مثبـور=ولا يفرق حـروف الطور عـن باقـي حـوامـيـمـه قال الذنيبي00 على ركابي تلالن المطـارق زايـد الباكـور=وجيشك وسمه الكفه مع المضباع توسيمـه لكن اهجل لاقول اللى مهو عند العرب منشور=ولاتدخل جمارك دولـه الـلا تدفـع البيمـه قال الراوي000 ترى الباكور والمطرق تكلف سيم مع دافـور=ولااحدن يمنعك لو زدت تاج وفاس ونجيمـه ولا خفيت عن غيري ودربي مع بياح النـور=وفي نفس البياح اقطع خصومي مع خراطيمه قال الذنيبي00 نعرف المشط واللكنه ونعرف هيكل الدنقور=علاماتن تميز كل مخلـوقً حسـب تـيـمـه وحد يركب شداد وسرج وحدً يركب المنغور=يزرفلبه وراء المضهورويقظـي ملازيمـه قال الراوي00 ترى بالناس شاعر وايضا فيهم الشعرور=ولايكتب ثلاث سطور الا عقب تقضيمـه وانا فيهم مثل هداج ماينزح زمن وعصور=واذا طبـيـت بالميدان ماتقدر علـى كلـيمـه قال الذنيبي00 انا مسلم وباضحي بهاذا الثور ابوجرجـور=ولاني تاركن حلقه يمـاء تـارم لغاصيمـه وبمسح جرته بلارض كامسحه جره الطبشور=وخلهـا مثـل للنـس ماتغـسـل مواشـيـمـه قال الراوي00 انا لاهضت باشعاري تجي من ضامرن مخبور=وترى البركان مايحتاج شخاطـن لتضريمـه ومن جانا من الشعار بمدوح العرب مزجـور=ترى لي خبرتن حلوه واعرف شلون تنسـيـمه قال الذنيبي00 على راع الكبر سيفي مصلط مرهفً مشذور=ومصاطيه تراء يصعب على الدكتور تلحيمه تشوش لصفقه انوير ونوره هن وبنت النور=وتـبـي تصيد لكن مـنـت قادر لو على لحيمـه قال الراوي000 ترى بعض السيوف تصير مخلب يضبط الخافور=ونفعه بس في خبزة عنود وريـم مـع شيمـه وانا من دون سيف اقلط قبالك واجدعك مجدور=ولايـنـفع ولـو يـزداد غـشـك فـي براشيمـه قال الذنيبي00 لك الله ماحسبنا حسبتك ياصغيـر الدبـور=وكم شاعر هبطلي اضظراري عقب تحويمه بصم عواد ومنوخ وذاك محمد المنصـور=وبو تركي وحامد ونت يلغسلان ســم سـيـمه قال الراوي000 حسب هرجك تعالج ناس صاير عندهم دكتور=وراسك يشتكي مفلوق من ضربه وتخجيمه تحسب القاف كوره او مطـارد زينة الثعرور=مباراتـن لـمـاجـد والـمـدافـع صالح نعيمه ولاتزال المعركه قائمه لم تنتهي الله ينشف ريقه مثل مانشف ريقي000 |
انا مع بعد حيي سرينا مع الساري=ومن زار ابوصالح غدى الضيف والمضياف
هروج الردى بالمنتدى مالها طاري=لان القلم يكتب وينظر لابو نواف |
الذين يشاهدون محتوى الموضوع الآن : 1 ( الأعضاء 0 والزوار 1) | |
(عرض الكل) الاعضاء الذين شاهدو هذا الموضوع: 3 | |
, , |
|
|