الحب
هو التقاء عاقلين بجنون مشترك
هذه فلسفتي
ومن هنا بدأت
وبجنون انتهى
حين العقل يعود الى جنون الكرامة
فتحمل العقل الى جنون الحقيقه
ويصبو الواقع بإيمان القدر
لتعلن الأرواح طهرها
وتحلق المشاعر بعيدا
حيث اللاوعي
فنرتاح على شاطئ الأمل
لنعزف على بقايا ذكريات
كانت كالرمل حين تذروه الرياح
لنفيق من حلم
كاد ان يمتد
لتغرق الكرامه
وتنتصر الغفوة
ولكن
تبقى الهامات بعلوها
ويبقى الشموخ
يسمو بطهرهـ
وهنا
ولدت
متواضعتي
(( يا خــاينه ))
يا خاينه لك عين باقي تردين=وانتى طعنتيني بأسهل وسيله
تبين بعد الحب نصبح مخاوين=ياهوه كيف الخل يذبح خليله
عزالله ان تبطين مليون تبطين=ما ادنس الخوة بمثلك عليله
الحر ما ينزل الى حايس الطين=يبقى بمرقابه ويرقى الطويله
اما الخيانه بعدما شفت بالعين=لايق عليك انك تموتي ذليله
بذكرك يوم ان كانوا العذولين=حولك وانتي بينهم كالهبيله
بذكرك يومك من الهم تبكين=وانا على شانك اساهرك ليله
بذكرك يوم الليالي تصيحين=ياأحمد فديتك كلل متنى وحيله
بذكرك بأول لقاء بين قلبين=كانت قصيدة بالسوالف جميله
قلتي ابيها وقلت لبيه هالحين =وادزها لك واترجى مخيله
يا خاينه اذكرك من تكونين=لا لا خسارة اوصفك بنت عيله
جمالك اللي في غرور تظنين=انه لك الديباج وانك اصيله
ترى الاصيله تحفظ العهد والدين=ما تتبع الغاوين واهل الرذيله
كنت احسبك غيمة بقلبي تهلين=وكنت احسبك ديمة بعيني جليله
بطيب نية قلت يمكن تعانين=وان الخيانه تعتبر مستحيله
وحين غبتي قلت يمكن تحنين=سلت الحمام وقام يشكي هديله
وقال يا احمد لا تدور مقفين=باح الوفا وراح عهد الفضيله
الله يعينه شاين الحظ من حين=وعي على الدنيا وهي له بخيله
اذا بغى يهنى مع الخاطر الزين=يجيه ما يقطع اواصر سبيله
حظي وراضي به ومقسومي الشين=لبوه حظ.../ ولعنبوا سنسفيله
يمين ما اقبل منك اعذار ويمين=ان الطهر اسمي من انك تجيله
صحيت من حلم غشاني بعامين=وقلت خيره../ وراس مال الحصيله
ياخاينه ارجاك../ لالا تعودين=مالك معي خوة ولا انتي حليله
مخرجـ
((لحظة))
تذكريها لا انتهينا
حتى ((احبك)) تذكريها
في نهاية كل جمله
بكل همسة تطلبيها
شعر
احمد المنتشري
بوح القصيد
كل ما اكتبه هنا من قصيد هو من نظمي ومن خيالي ومن مقولي وليس بمنقول وحقوقه محفوظة لــ ( بوح القصيد احمد المنتشري ) .
اخوي بوح القصيد
لقد استمعت لهذه القصيده مايزيد عن عشر مرات وحتى الاّّن أحس اني لم أتشبع منها
قصيده تحمل الكثير من الابداع والتألق وهذا ان دل فإنه لا يدل إلا على براعة كاتبها وحسه الدفين الملئ بالمشاعر الحارقه الصادقه التي لا تلبث الى ان تتحول الا كلمات تدك القوب وتأسر النفوس
مسااائك معطر بورود الكاذي ..ياشاعرنا احمد المنتشري
هل تسمح لي بالصمت هنا
أم انك تأبى ألا أن أتكلم
أن رضيت بصمتي أو أصررت على كلامي
لن تجد في حوزتي أي كلمة
فحقيبتي فرغت من العبارات
أما عبارت ك هذه
رائع ومبدع هي الوحيدة التي املكها
العضو الأكثر نشاطاً هذا اليوم 
العرض العادي
