كنت أتمنى أن تكون صوتيه لكن بالشرقيه مافيه مجال
وجو الشرقيه حلو للشعر
قبلاتي لأرحاكم
جيت اسئلك ياهاجسي مطلع النور = اللي ضوا في حالك الليل نـوره
اللي يبدل ضيقة الصدر بسـرور = هذاك مايشبـه غيابـه حضـوره
ياما يدينه بالغلا مـدت جسـور = وياما عطاه القلب صادق شعوره
سم الغلا مابيننـا يلعـب الـدور = قلبين بسهوم الغـرام محفـوره
اليوم غاب وخاطري شبه مكسور = مغير انشّد والبقاء منـه صـوره
صورة خيال ٍٍٍ مرت بعيني شهور = ونسناس ريح ٍٍٍ من بقايا عطـوره
رد الجواب الليل؟ والحال مذعور = شمسك شمال وطولت في ظهوره
الله يعين وراعي الحـب معـذور = ان ذاق همه اوشبع من سـروره
ان قال الله يابن الاجواد منصـور = تاخذ من اسمك والليال معمـوره
عقب البطا يرجع لنا مطلع النور = يقشع ظلامي ويتحضنـك نـوره